(29/9) 今晚好開心, 終於願望成真, 之前遺憾千里迢迢去到grinpa樂園, 買唔到好想買的森林家族樂園兔, 今次終於買到啦, 雖然係貴d, 不過都係可接受的價錢, 所以都真係好開心呀!!!!
又要特別鳴謝我的金錢支柱--黃生, (國語)你是最好的, 你知道嗎!!
真係超靚呀!!! 愛愛愛死啦!
依個樂園兔妹妹真係超kawaii lei, 唔知我有無機會儲埋其他版呢...
依家我最心愛的森林家族-樂園兔收藏有咁多, 好滿足呢!
2008年9月29日 星期一
2008年9月28日 星期日
momoko 2008 autumn
玩森林家族之前, 已經喜歡momoko, 有d因素係中學時阿姨幫我改過個名叫momoko, 中文意思"桃子"個桃字同我名一樣, 雖然鐘意咁耐, 但都無買過一隻, 原因都係好貴... 
另一個原因係就算買左個公仔, 咁咪心郁郁要買埋其他配件! 
條路咪同玩森林家族一樣, 算啦, 都係專一d, 玩一樣好啦, 隨非發左達啦.
得閒都有習慣去官網check下, 今次依個10月出的2008 autumn version, 樣子,衣著同髮型感覺都好柔和舒服, 13,440yen, 都係睇下好啦! 
依款之前出的2008 winter version我亦特別鐘意, 因為個髮型似我...
SF Halloween wallpaper & New game
森林家族日本官網出左新的Halloween wallpaper, 用了水車麵包屋做background, 好可愛的. 大家喜歡都快d去download啦.
日本官網重新出 Chocolate Rabbit's Kitchen & 水車麵包屋 的新GAME, 可以食美味的西餐, 亦可整麵包, 真係幾有趣架!
依個就係我製作的森林動物包喇, 係咪好可愛呢!
2008年9月26日 星期五
2008年9月25日 星期四
my office table
應小其要求, 影我放o係公司的小忌廉比大家睇, 順便影埋公司枱上的雜物, 咩都有d, 就係無森林家族, 其實想拎d返公司擺, 不過張枱又唔係大, 太多野我會工作得唔舒服, 要擺都要執執先.
下面依d就係我公司的小擺設, 係咪咩都有d呢, 其實都係我除了森林家族外喜歡的卡通人物或玩具, 左起有小魔女琦琦, 小B女, 有hugo張相, 無haven的, 因為遲遲都未晒相and未搵到心議的相架, 格離有史力奇, 怪獸公司的阿bu, 又係小B女, 小忌廉&小桃, 幾米的月亮忘記了(特別版), 外星小美兒, 重有最耐歷史, 中學朋友送的香珠布丁狗兜兜, 依家重用緊, 用黎放萬字夾.
而mon.上的都係舊同事送的手信, 相中左邊的tray重有d電話繩手信, 影唔到算數.
依邊的都係手信區, 個靚靚黃色鐘自己買的, 個bear係ups送的限量bear.
依個就係小忌廉同小桃的食玩喇, 小忌廉重拎住小星環架, 真係好靚亦好可愛架.
2008年9月24日 星期三
我係小忌廉 25cm figure
望穿秋水, 終於等到小忌廉出figure啦, 記得幾年前出左set食玩有小忌廉同小桃的, 我依家都keep住擺係公司度, 真係超喜歡! 今次出o既係25cm figure, 重有神仙棒tim ar!!! 真係好正呀!!!
不過一定唔平, 我都要等實際價錢再決定買唔買, 估計HKD1000/有找.
2008年9月23日 星期二
黑格比來了, 賺了一小時
雖然颱風黑格比黎得太快了, 完全唔啱timing, 天文台重要公佈6時左右才掛8號風球, 正當諗住連o個小小早走希望都無的時候, 好在公司都算係咁, 公佈5點就走得, 覺得真係好好架啦, 好過好多人要掛8號先比走, 當然亦有好多人4點前已經走左, 不過我都好滿足啦.
放工join埋黃生o係美孚搭西鐵歸家, d人真係多到呢! 不過都預左架啦, 打親風都係咁.
返到去想食雞記, 所以去市中心的銀座, 點知真係食完先落大雨, 唉, 返去自己屋苑的商場食野咪唔洗淋雨lor, 算啦, 濕小小, 搭返輕鐵去屋苑的商場, 因為商場回家沿路都有瓦遮頭, (所以平時落雨時要去商場買野都唔洗拎傘幾好架) 食完熱氣野本來想在銀座買龜苓膏, 點知一早close the door, 好在返到商場的分舖未關, 就係o係王老吉買的, 覺得算幾抵, 外賣只係$27/, 味道亦幾好, 所以今日係第2次買黎食, 下次都一定會再買.
2008年9月22日 星期一
2008年9月21日 星期日
2008年9月18日 星期四
森林家族 - 我最喜愛博客小故事選舉4強公佈
萬眾期待~ 森林家族我最喜愛博客小故事選舉4強終於誕生啦！
雖然我失落於這個比賽, 但最初得到各位好友的支持, 已是最大的鼓勵, 而且看見4位入選者都係森林好友, 亦好為她們高興呢!
4強名單如下：
- Dental Clinic (suesue)
http://hk.myblog.yahoo.com/jw!XNxtCNmBBRLuHIuAch9RX285Bw--/article?mid=10835 - 想多了?? (史力b)
http://hk.myblog.yahoo.com/davivandcherrybb/article?mid=486 - 母親節快樂！！ (小欣)
http://hk.myblog.yahoo.com/jw!T3DzRzmGFQWj_c4Oz4WaVQfM/article?mid=1863 - A new Bakery & a new baby (iceklickly)
http://sylvanianhome.blogspot.com/2008/02/sylvanian-families-new-bakery-new-baby.html
森林家族20周年限量版粉紅兔 的得獎者亦已經公佈, 詳情可看森林家族香港官網.
第二擊
全民投票大行動
全民投票大行動暫定於2008年10月3日開始。香港官網稍後將再作公佈。
而這個就是我的參賽作品, 雖然未及其他入選者好, 但希望大家也會欣賞吧! http://hk.myblog.yahoo.com/vicki7288/article?mid=5595
2008年9月17日 星期三
追追月
16/9晚, 中秋都過左兩日, 先去落街欣賞月光, 因為返家到樓下時, 發現個月光又大又光, 即刻返上樓上立齊架餐再落街影月光, 出門時, haven次次都想跟出門, 拎個寵物袋, 佢永遠都會捐入去想出街咁(但hugo就相反), 今次就帶依個白掛仔落樓下, 比佢一嘗睇街的滋味.
夜晚黑麻麻, 樓下人都唔多個, 有都係返家的途人, 我小心奕奕捉好haven坐o係我大肶, 期間有兩兄妹踏單車經過, haven就望到實一實, 先望左...
再望右, 眼仔碌到人實一實, 完全滿足晒佢白掛的意慾.
因為hugo太細膽, 所以只帶埋細佬落街追追月, 肉眼睇個月亮真係又大又近又光架, 不過拍照就變得好細小.
放大睇睇, 月光真係又大又光又圓呀! 月球表面重好多紋呢.
P.S. 其實我不嬲反對帶貓貓落街架, 佢地好怕陌生環境, 好易被驚嚇而走失的, 不過haven在我小心保護之下拍兩張照便回袋都安全的, 但為佢安全起見, 依d情況都好難再有啦. 養貓的你地都唔好學我呀.
2008年9月15日 星期一
海洋公園 halloween 足本禁播廣告片段
中秋後好快又到halloween, 不嬲都欣賞ocean park每年拍的廣告片, 今年特別欣賞以下依個 "學生搵成績表篇", 睇電視版都真係已經幾嚇人, 但睇埋個足本禁播版就真係超正超恐怖, 做得好鬼真呀! 攪到我又想同黃生去比人嚇, 但買fast pass好死貴, 唔買fast pass又排死人... 好頭痕.
<<無膽者勿看!!>>
另外"的士司機篇"都唔錯, 但都係前者正好多.
13年黎最炎熱的中秋日
本來同chrislin講開介紹中秋放假去南丫島玩咩食咩, 自己講講下都想去, 又有諗過因為我喜歡bbq, 黃生提意陪我去順便賞月, 但今年中秋係13年黎最熱的中秋節, o係屋企開住冷氣都feel到出面有幾熱, 所以成日中秋日都無出過街, 一家四口o係屋企舒舒服服歎住冷氣咁過節.
hugo見到樓下d人熱到溶左, 叫我都係唔好出街啦.
mama: 好啦, 咁我留係屋企啦...
hugo: (開心到fing晒尾)
haven: 點解開住冷氣都咁熱o既, 真係要瞓地下涼下先.
天氣咁熱, 最好食d又涼又應節的食品, 今年食過幾款冰皮月餅, 大班依隻榴槤味都真係唔錯, 一開已經聞到好臭榴槤味, 唔怕臭的人真係值得一試.
另外買了美心的朱古力脆脆, 內有脆粒, 口感特別, 還有綠茶杏仁果, 有杏仁果碎, 一樣有口感可咬下.
中秋前有骨氣打邊爐
13/9中秋前一晚特登去沙田行下街, 因為前幾日已經返晒mama 同奶奶屋企食中秋飯, 所以幾日假咁多, 又無約人, 一於出去逛逛.
到了一田的food court, 今次試下食Marion Crepes的pancake, 因為貪心, 叫左個有香蕉,雪糕同cheese cake的pancake, 味道ok, 其實都係口痕痕想試下.
叫個set有埋綠茶, 綠茶味夠濃夠甜, 唔錯.
表妹知我去沙田, 所以都去左沙田行街, 各自行完夜晚本來一齊去大圍"小肥牛"打邊爐, 點知7點半去到話要到10點半先有位, 有無攪錯, 姑丈提意去尖沙咀食"有骨氣", 反正我同kathy表妹都只係想hot pot, 一於去食, 之前都食過, $98任食, 一樣有我喜歡的手打四寶丸等等, 食完一樣滿足!
另外想講講, 早排腸胃炎, 之後好返小小, 中秋前一個星期同同事bbq, 亦食返我至喜愛的薯片等熱氣野, 但就係驚再痾唔敢食生冷野中和返, 攪到中秋前兩日開始個口內熱氣到腫左, 比牙磨到d肉損埋, 可想而知食咩入口都係幾咁痛苦, 特別食d有濃汁的食物真係痛到想叫, 就算食普通野, 個口痛都係一路食一路扮無知覺, 食完先算... 放假前一天, 同事介紹我用 "雙飛人藥水", 真係無介紹錯, 我真係好努力咁搽, 一個起碼4-5次以上, 得閒就搽, 捽知搽左兩三日已經好得7788, 包括我隻手指, 都真係一日睇住比一日好!
話說回頭, 記得早排開始的發燒, 腸胃炎, 手指同個口, 真係好黑, 亦都受夠, 唔好再折磨我啦, 唔想再有黑氣跟住我, 好運唔該快d黎呀!!!
訂閱：
文章 (Atom)