早排發覺haven耳屎多過茶, 日日清潔完, 第日又係咁多, o係出面買過人地介紹的耳藥水比佢搽, 點知重衰... 上星期六終於都係要帶佢去睇醫生, 醫生用棉花棒刮左d耳屎去化驗, 話係唔記得咩菌wor, 咁又洗左我$480... 頂, 重諗住咁少問題$400都有找喇.... 唉~~
搽左依兩日都好dd喇, 初初搽太多, 因為haven係摺耳, 有d隙縫位搽完藥水皮膚抖唔到氣, 攪到紅紅地, 依家就好些少, 不過都要繼續觀察.
當日睇醫生, 順便要買貓糧, hugo大少因以前尿結問題, 所以兩兄弟都要一齊食醫生署方糧(C/D糧), 不過近年物價上升, 依隻糧都不斷標升, 升幅由 $309 -> $331 -> $380 -> 下個月就會升到$443, 痴線架, 有無攪錯呀, 好在我養兩個姐, 養多幾件咪搾乾我, 咩森林家族都唔洗指意再買喇!
終於last day喇, 玩左雖然短短4日, 不過真係相當充實, 亦買得玩得好開心!!
今日無o係酒店食早餐, 瞓晏d就去check out, 之後行左去有間類似吉野家的24小時店舖, 舖名都有個吉字, 但其他就係日文... 我order左個辣茄子牛肉飯, 有多個份量選擇, 我記得簡左個5百幾yen的, 已經幾大碗, 食落味道真係幾正, 小小辣幾開胃, 茄子撈飯好正, 牛肉都唔錯, 整體黎講都好好味呢.
表妹的, 平時食得唔多的佢, 都食左7成呢.
姑姐的, 意見一樣咁好味. 而三文魚就一般喇.
之後就搵新宿新開的junie moon店, 行左個圈, 原來在OIOI ONE的四樓.
不過一入商場門口, 見到有我當年至愛的"小忌廉"呀, 停一停睇下有咩產品先, 睇睇下一件tee都好貴呀, 算喇, 睇下算數.
上到4樓, 個小廚窗display得好靚wor...
不過產品少得可憐, 兩幅圖睇晒lor !! 不過無咩所謂喇, 反正我都無晒錢買....haha
之後又去小田急買左d食糧, 周圍睇下行下就差不多夠鐘返酒店拎行李搭Limousine bus去機場喇, 好在一早決定搭依架車, 經旅行社買有8折麻, 我之前一個喼黎, 之後買到4件行李咁走, 如果搭特急去機場, JR站咁q多人都唔知點拎住咁多野行lor...
舒舒服服有人幫你搬埋行李上車, 正! 不過佢會經多幾間hotel, 所以transit time都要成2個鐘架... 瞓左陣後, 拎埋之前o係小田急買的小食出黎食下先, 依隻反骨雞翼都唔錯, 重有其他野食無影相, 食完好滿足, 好快亦到機場喇.
成田機場其實好多店舖, 不過我地預d時間太啱啱好, 想行耐d都唔得, 姑姐就比較失望, 算係依個旅程唯一的遺憾吧.
上機返香港喇, 好掛住黃生呀!!
依, 我地座位係第30行, 行到依度睇, 望到D位咁大o既, 唔多相信, 特登問多次空姐我地坐位o係邊, 佢真係指住下面o個3個位,
OMG!!!!!!!!!!!!!!!!! UNBELIEVABLE!!!!!!!!!!!!!!!!!
係咩, 幫我地upgrade左坐business class咩, 點解我地咁好彩架! 心情開心到不得了呀!!!
本來無得行機場店鋪好唔開心的姑姐, 依刻咩都開心返晒, 無得行都抵抵抵呀!
WAH, 雖然唔係第一次坐business class, 不過唔洗比錢upgrade, 大家都坐得特別開心喇!
前面個位鬆到睇唔到我對腳lor...
好闊落呀, 舒服舒服!!
去東京時係凌晨機, 食粥所以無影到, 今次表妹個兒童餐都唔錯.
我食海鮮餐, 不過都麻麻, d飯叮到硬左, 海鮮就一般.
o係小田急時重臨尾搬盒士多啤梨比黃生食, 不過都係有d酸o既, 可惜, 算喇, 咁大粒都食得開心o既.
機場最後都買到個磁石, 有櫻花圖案, 啱晒紀念今次的旅程.
最後當然要幫我今次森林家族的戰利品影張大合照先. (hugo & haven都各自黎湊熱鬧)
今次買到咁多戰利品好開心呀! 重有咁多lucky的地方, 真係一個完美o既旅程!
當日去得池袋, 當然唔少得巡埋舖, 睇下森林家族產品上架的狀況喇, 第一站就去左西武睇睇先...
見到新o既遊樂場系列比官網公佈早一日上左架喇wor, 咁大間摩天輪我當然唔會買喇, 因為我d盤川o係前一日已經洗得七七八八, 況且都係o個句, 屋企都無位擺lor...
不過都要買兩件細o既返去o既.... haha
經過bic camera, 當然都要上去睇埋喇, 新貨一樣上左架喇wor...
黎左幾日都未有時間食個拉麵, 去左間穩穩陣陣的博多, 味噌同豬骨湯底o既都一樣咁正呀!!
sunshine city有toysrus, 當然我地3個玩具精都要去巡巡喇.
new dress shop wor... 除左森林家族餐廳, 就暫時淨得依度都有得買咋, 重平好多tim呀!
終於見到toysrus獨有 upgrade版的house kitchen, 特別附有露天地台等, 不過真係太貴同其他配件本身已經有喇...
sunshine city其實好大, 又係行一日都行唔完, 我地攰到屎都要繼續行, 因為真係好多野啱睇.
大家都好鬼攰喇, 行到最後去左附近的seiyu的24小時店買d生果返去lu. 
3條友買到咁, 重唔拎餐死, 左邊個喼仔就係精品舖"PASSPORT"度買的, 我同姑姐一人一個, 唔用時可以摺埋, 好慳位, 2100yen咁抵, 而且又係我favorite color, 真係唔買唔得呀!! 本來佢同花有個摺枱仔, 又係靚爆, 姑姐差d就想拎返香港架, 不過好在比理性決定唔買.
最抵死係我前一日o係吉祥寺已經買左一個黑底圖案的, 但見到依個黃色真係靚到忍唔住要買多個lor.
西武的收穫
tokyo hands 買的dvd架仔, 真係買到顛顛地, 諗住橫掂都係拎, 拎盡佢.... wakakaka
買左件外套, 1000yen, 抵到爛呀!
當晚買返去的士多啤利, 都幾甜, 不過重係未食到超甜的.
黎到池袋真係要黎NAMJATOWN, 雖然要比入場費, 但大人都係百零yen實在抵比, 因為入面有餃子商店街同ice-cream city, 真係好正架!
佢有隻主題貓貓, 不過我睇佢d產品造型唔太吸引.
見到有個恐怖遊戲入口, 我地都唔敢入去, 真係好黑呀!
淨係餃子商店街都有兩個唔同的區域入口, 餃子舖頭多到唔知點揀!
第一間就試依間先"神田餃子屋"
menu有多種配搭
揀左個set, 有兩款餃子加個炒飯, 真係好有水準, 好好味!
所以再order個皮薄餃子, 老闆真係好好, 應該係華人, 因為識講國語, 佢特登比多隻餃子我地, 等我地3個人可以每人兩件, 好鬼細心!
餃子都有得買返去自己煮架, 不過我地當然無買喇...
花多眼亂懷舊零食, 不過因為係日本o既, 所以無咩回憶.
第2間揀左食旅遊書推介的 "宇都宮餃子"
見到個自助販賣機買左飛先
揀左個蝦餃子同壤雞翼, 唔洗多講, 淨睇樣已經知有幾好食!
唔可以食咁飽, 因為重有個 Ice cream city等緊我地.
依個就係土耳其o既拉雪糕, 不過無試到.
真係多到好似雪糕博物館
表妹揀依間 "soft bar cream"
真係一杯普通的朱古力雪糕, 無咩特別.
睇左咁多間, 姑姐揀左食依間"初雪華"
揀左杯芒果味, 唔係講笑, 質感真係好特別, 有d似沙冰同雪糕的混合體, 加上少少鮮mango, 真係好好味wor!! 香港有得食就perfect喇!!
