上星期六姑姐生日提早請食韓國燒烤, 去左灣仔的新高麗苑, book埋廂房都只係加$100/, 一班人食得傾得特別舒服盡慶, 重無限時間食tim.
依間的冷盤真係好啱我食, 個個都覺得正!
好少見korea bbq buffet有蝦燒, 而且重好多肉類, 重有啫哩, 炸曼頭, susi... 連西米露, 豬腳薑都有.
唯一唔好係order左一搾西瓜汁竟然要$60, 真係貴得離譜, 出去拎西瓜食時有d發覺好似吸左d火水味咁, 係依d缺點外, 其他都唔錯的.
唔記得自己有無介紹過依間o係旺角火車站附近的茶餐廳 - 王萍記
次次o係旺角都唔知食咩好時, 都係去返依間舖食咖哩豬扒 & 南乳雞翼, 真係好正!
炸得好靚的南乳雞翼, 不過硬係覺得依家d南乳味無以前咁濃.
happy friday, 其實係黃生的happy friday, 噚晚提早半個月買左份生日禮物, 其實我都係sponsor一半喇, 就係pioneer SC-LX71 amplifier, 之前換左部電視之後, 佢已經心掛掛想換埋部amp, 咁先可以完全感受到HD的威力.
原價$900/ HDMI cable, 優惠價$500/買埋.
黑色外殼, 配合返家中其他組合.
我問黃生係咪好好玩呀? 佢話: 係超級好玩!
haha, 佢就係好enjoy玩, 咩都啱玩...
貴野係唔同d, 有sensor auto set speaker
買埋兩隻發燒碟試新amp, 講真, 未換amp試聽依兩隻碟已經好得, 真係靚聲到不得了, 尤其係右邊個新加坡歌手 - 徐雯, 把聲真係似鄧麗君似得好緊要, 同樣聽出耳油!!
榮休的舊amp, 遲d就幫你搵個新主人.
以下係我今日同老死o既msn對話, 一個人人都會經歷的時刻, 就係身後事, 雖然我地都無諗過自己咁快會到依個階段, 不過世事難料, 咩叫意外呀... (雖然咁敏感的話題, 不過我講到標眼水, 係笑唔係喊bor...)
Vicki 說:
我死左真係唔想煩到人, 但求有人探下我就滿足喇
Iris 說:
我都係ar, 但真係想有人黎探下我囉.
Vicki 說:
我諗我成世人錢一定無咩, 有d就拎去洗晒, 所以我依刻要簡單就算
Iris 說:
咁你等政府定自己買位先
Iris 說:
我梗係想自己買位, 唔駛把d灰周圍放啦
Vicki 說:
你放心, 你死先我會黎探你, 但我死先, 你就1年記得黎1-2次呀
Iris 說:
冇問題
Iris 說:
我死先, 你 一年黎1-2次
Vicki 說:
我要慳, 我諗排政府掛
Iris 說:
最好2次以上
Iris 說:
一次少得濟
Vicki 說:
應承你
Iris 說:
但每次黎, 一定 買d野燒比我
Iris 說:
係一定
Vicki 說:
我諗住買d花咋, 你想燒咩先
Iris 說:
wait, 如果我信左教, 好似唔燒得野的
Iris 說:
燒d ar, 金銀衣紙囉, 最緊 有錢o麻.
Iris 說:
花 - 唔好了
Iris 說:
我覺得信教既人, 個人隨和d
Vicki 說:
咪lor, 你幾時想信教呀
Vicki 說:
唔係wor, 我鍾意買花bor
Vicki 說:
haha, 越講越好笑
Vicki 說:
睇到花, 心情都好d
Vicki 說:
你唔信教, 我就燒錢比你喇
Vicki 說:
我要花咋, 最好買包薯片
Iris 說:
如果信教, 便買花
Iris 說:
老左可能唔 chips了.
Iris 說:
什麼花
Vicki 說:
或者喇, 但食左(薯片)咁多年有感情, 見到都會好開心
Iris 說:
好
Vicki 說:
七彩的花仔就ok, colorful d麻
Iris 說:
好
Iris 說:
promise
Iris 說:
只要我行得的, 我都會咁做.
Iris 說:
你都係, 如果我死先, 你唔行得, 便唔好黎探我
Vicki 說:
係wor, 行動不便就無謂黎喇
Iris 說:
當天同我講, 拿, 我今日探你呀, 買左d嘜嘜嘜, 便可以.
Vicki 說:
但係唔黎又點同對方講?
Iris 說:
當天講咪得囉.
Iris 說:
或者寫信燒比我.
Vicki 說:
又燒, 你信教點燒呀
Iris 說:
如果信左教至話你知應點做. haha
噚晚陪黃生去旺角睇amp, 成晚濛濛雨, 條街都無咩人, 行到10點幾先去到朗豪坊第一次試pepper lunch, 黃生話上次o係日本都無試過wor...
叫左個鰻魚飯, 炒混食味道都唔錯, 熱辣辣, 有飯焦, 只係略厭多黑椒味, 30幾蚊, 價錢ok.
霜降牛扒, 其實無咩牛味, 不過食到肥膏位最有味, 其實一取件扒真係要即刻反轉, 我影左兩張相已經熟得好快, 最後食到鞋口. $78/
朗豪坊有個night at the museum 2的小小博物館, 入內有d有趣的畫, 一用閃燈影相就會郁動, 重有個6尺高dum dum, 一影就會講dum dum (haha)
最有睇頭都係依個巨形恐龍骸骨
昨晚同奶奶3人去黃大仙提早食瑞午節飯, 奶奶揀左食日本野, 去左"和民"同一集團的"和亭"試下, 都算唔錯.
鮭魚石頭鍋飯 - 真係好香好正, 加左魚子, 食時有小粒粒脆口, 口感同味道都好好.
8味刺身 ($149) - uni面頭都鮮甜, 底就用d無咁鮮的料有d胜味, 帶子厚肉夠鮮, 其他都算幾新鮮.
蝦天婦羅 - 雖然個炸皮無人地做得咁好, 但都算唔錯.
網燒雞翼 - 完全唔掂, 無味, 重要燒到甩晒皮.
豬軟骨拉麵 ($44) - 依個幾正, 個湯有豬骨味, 豬軟骨煲得好淋, 軟骨位又爽, 值得推介!
耐無去巡momoko, 見到出左d新image幾靚...
依個係special lines, 個睡衣look真係好迷人, 不過價錢肯定貴到嚇死人.
至喜歡佢個髮型, 短髮都係我喜好, 衣著就麻麻喇.
特別鍾意佢件外套!
-special color- (都係normal好d)
yeah! 今朝一早就收到老闆囡幫我買的糖村 - 法式牛軋糖 & 太妃牛軋糖 (即係鳥結糖), 真係好, 老闆囡都幫我買咁重o既野, 係咪好巴閉呢... haha 其實真係辛苦晒佢, 每pack成600g架, 真係幾重, 不過知佢去台灣都試下拜託佢幫我買喇, 我唔會特登勉強人買野o既, 講真去旅行邊個想拎到隻屐咁呀, 自己去都唔想喇. 諗住佢買到就買, 唔買都無所謂架喇, 今次買晒兩隻味真係好感激佢呀!
依隻糖真係我食過最好食的鳥結糖, 軟硬適中, 夠甜, 實在好好好味!
之前同事請我食, 真係好想自己買包, 上auction見到有人代理, 嘩晒, 真係超貴, 要$190/600g另加$40運費, 但原價都係330台幣600g咋, 我買兩包都唔洗咁貴. 另外都可以直接去糖村個網到落oversea order的, 不過都要比1050元台幣, 最多order10盒, 每包600g就要350元台幣, 另外重未計用咩方法transer款項到台灣同收幾多handling charge......
糖村website http://www.sugar.com.tw/index/index.html
oversea order form http://www.sugar.com.tw/糖村海外訂購單-1.xls
星期六公司洗冷氣槽所以要返公司睇睇, 放左工就join黃生出cwb行, 好耐都無出去行下喇, 見sogo有pre-sale, 係時候去巡下舖喇, 可惜無收穫.
當日天氣真係好差, 落雨落到無停, 好在著定涼鞋, 一出到去搵左間好多人食的"文輝墨魚丸大王" order左個紫菜墨三鮮河, 有墨魚丸, 墨魚仔, 魷魚, 講真真係無咩特別, 個湯又無味, d餸就ok咁喇, 不過叫得墨魚丸大王重諗得會特別好食, 點知同我食開o個d都不及, 但就係出名攪到舖裡舖外都迫滿人, d位先算到盡, 一張細細的長枱仔都坐6-8人, 重要腳頂腳, 如果係好食我都唔介意迫下o既, 不過真係無咩料到, 反而覺得個腐乳通菜都幾好, 好多腐乳汁幾好味.
晚餐5點幾去定清亭燕萍食越南菜, 因為晏少少就會好多人, 所以次次都早d去, 不過我諗o個日天氣差, 真係無咩客, 重比我2個去4人枱坐tim, 平時真係唔洗指意.
其實我差不多次次去cwb都係食佢, 真係好鍾意食佢d牛油蒜蓉雞翼, 今次重order6隻, 4隻都真係唔夠喉呀! 不過個味就淡d, 可以加附上的鹽同lemon汁.
炸蝦餅有水準喇.
第一次試雜錦炒粉絲, 有大大粒蝦加扎肉, 都炒得幾好味.
近排愛上大快活的吉列魚柳餐, 炸得真係幾好食, 試過食mushroom sauce, 但都係curry最正, 不過汁太少喇, 下次要叫佢比多d先得.
黃生食依個餐都唔錯, 個排骨醃得好入味.
做喇做喇, 韓版 - "花樣男子"今晚無線J2台首播, 上網睇過trailer, 最唔好係所有主角都唔用原著名稱, 不過韓版的道明寺係咁多版本內我覺得個樣最得的, 樣子有D接近漫畫, 女主角個樣都ok夠晒普通, 不過花澤類就真係完全唔掂, 個眼袋重深過"死亡筆記"裡面的L, 個頭染金, 成個出黎行的古惑仔咁, 見埋佢對插蘇鼻, omg!
-衫菜起飛腳踢道明寺的一幕-
點都好, 我都會睇晒佢的.
23/5 返到tsw睇 night at the museum 2, 依套真係一套可以笑下輕鬆下o既戲, 最可惜係依晚坐o係一個一家三口的前面, 個仔不停問阿媽點解點解, 其實我都明白小朋友多疑問, 但係個小朋友連字都未識睇, 帶佢睇依d戲你話幾無謂, 依樣都算, 個阿媽解釋時重要大大聲, 大嬸呀, 你依家係o係戲院唔係o係屋企呀, 可唔可以尊重其他睇戲的人架, 今次我都好忍耐力架喇, 我睇左3分1套戲同佢講左1次, 不過我估佢聽唔到, 又忍到睇左3分2, 再同佢講多次: 唔好意思, 可唔可以靜靜地睇戲. 佢望到我講野喇, 靜左一陣, 人地阿仔又黎問阿媽野, 佢媽都好架喇, 叫佢唔好嘈住人, 不過之後都係故態復萌, 最頂引都係佢老豆, 後半場都係o係度扯鼻鼾, 原來入場前黃生已經聽到個老豆講套戲咁無聊......係咪好難想像我同黃生睇依套戲睇得幾辛苦呢.
anyway, 耐唔耐比人搔擾的情況下, 我依然記得套戲係幾好笑的.
