魚枕

hugo至愛的寶貝魚, 除左陪佢玩之外, 攞黎瞓都咁正.

hugo: 我就黎瞓著架喇...

evil look baby

WAHAHAHA, 真係笑到我爆晒咀!!! 最抵死個BB扮完重識一齊笑....

REC 2, 2012, Twilight : New Moon (new trailer)

<REC 2>續集比第一集更恐怖刺激, 超祈待佢o係香港上畫, 不過spain都係剛拍完10月先上, 我諗都有排等吧...

 

<2012> 齋睇trailer已經知係猛片, 又一套世界未日的戲, 開始覺得世界係咪會有依日來臨... 12-11-2009 上映

 

<Twilight : New Moon>第一集已經覺得Jacob一d都唔比男主角弱, 第二集更見佢的優點, 又大隻又型仔, 真係唔多信佢得17歲.

方大同 timeless concert 2009

想睇大同concert好耐, 但次次都唔夠人掙, 鬼咩, 次次都比sponsor拎晒d靚飛... 今次網上一開售就一早同黃生上網拎位, 唔洗一陣孖位已經所餘無幾, 28號買最貴都無靚位咁濟, 算, 27號因為係星期四所以都重有d揀, 雖然比最貴都無得坐紅區較前位置, 但揀到坐望正個台的都算好好喇......

唔洗多講, 今場concert真係無得頂, 不嬲欣賞佢創作才華同  r&b 風格的歌喉, 依晚先發覺真係好多人喜歡佢, 尤其係見到大部份都係妹妹仔黎架, 咁貴都捨得買果然有米!

一如主題, 依晚主要唱timeless碟內的歌, 但最high係到尾段叫全場一齊企立跳舞聽佢唱快歌, 等左成晚encore至唱佢作的首本名曲<<lovesong, 愛愛愛>>先係高潮!!

 

入場前的購物區, 又係賣下t-shirt, shirt衫, cap帽等, 價錢都算合理o既, 不過都係唔捨得買...

sticker都係20蚊雞, 值得玩下.

 

就咁望, 同個台距離都算ok喇.

 

小小紀念品一張

 

當然唔少得滿場飛玩樂器, 打鼓, 鋼琴, 吉他, 樣樣皆精, 重唔引死班o靚妹同我依d師奶仔咩!

依晚算係咁, 坐係附近d妹妹哎完都識收聲聽人唱歌, 不過我真係好不幸, 今次偏偏坐左個大熱天時都著長袖, 狐味滿天飛的男性裝扮女子, 點解! 點解又係我呀! 臭得我睇到分晒心......唉! 其實大汗咪搽止汗擠lor, 咁簡單都唔識, 失禮自己又影響別人, 你話幾無謂呢!

BUTTERCUP FAMILY of Friesian Cows

驚喜今次uk sf create左依set咁可愛的乳牛家族, 衣服不再死氣沈沈, 用上色彩繽紛的系列, 款式重設計得有點日本的水平, 真係好大進步呢!!

覺得乳牛爸爸的斑紋係咁多成員中最似乳牛同最特別的, 重有牛角tim, 另外好喜歡媽媽同妹妹的黃色裙好sharp, 今次依set family唔買唔得喇.

 

 

延苑韓國料理

早幾個星期前join埋姑姐去佢介紹位於粉嶺的"延苑韓國料理", 一黎就送上餐前小食, 重有好多碟不同款式, 樣樣都係我喜歡的, 重可不斷任添, 正呀! 人多時重會特別炸d薯仔比客人食, 保證熱辣辣奉上.

 

辛辣豬肉飯, 叫左小辣都幾惹味...唔錯

 

表妹次次必食的雞肉加蛋鳥東, 佢話係最好食的.

 

另一推介就係依個雞翼飯, 唔好睇佢無咩特別, D雞翼真係炸得好香脆入味!

 

P.S. 飲品一樣可不斷添飲, 當日記得有:茶/豆漿/菜蜜, 如此服務同食物都真係值得一讚!! lunch time前去抵食好多, 記得當日3個餐都係百幾蚊.

無料到的3D版Coraline

祈待左一排的3D版 "CORALINE"終於推出發售, 之前特登去戲院睇埋3D版"UP"拎埋副3D眼鏡返黎試, 點知結果係完全失望, 3D的blu-ray碟根本完全感受唔到戲院觀賞時令人興奮的立體感, 就算用隨碟附送的紅藍色紙製立體眼鏡一樣無得同戲院相比, 重影響左原本的色彩, 總結係睇2D好過睇3D, 起碼2D可欣賞到佢原有的色彩同清晰度.

無o係戲院睇到的崖上的波兒, 終於買到返屋企欣賞, 正呀! 今次得意在發覺好多畫面都用左有趣的木顏色效果畫background, 但唔知點解覺得套戲好短好唔夠喉.

 

方大同隻timeless終於上市, 點知無睇清楚就加錢買埋隻single, 雖然話係隨碟附送, 但有些店舖有賣無single版會平$10, 其實大碟已經有依隻歌, 重係同一版本, 真係好無謂.

anyway, 依隻碟唔錯, 重新演繹的歌曲都係對佢影響好深的音樂, 亦感受到佢的心路歷程.

最強南乳豬手撈

近排愛上食豬手撈麵, 有次o係旺角唔知食嘜好, 好奇行到一間粥麵舖外, 天時暑熱都咁多人食, 一於入內試試, 坐底先睇清楚就係曾經o係網上見到有人話係最好食的豬手麵舖, 真係咁啱得咁q, 咁就叫碟黎試下有幾好食先, 等左陣, 侍應將一碟熱到出晒煙的豬手麵送到, size比出面食的較大, 豬手炆得好淋, 南乳味好入味, 實在唔錯!! 只係麵較少, 但都夠食, 因位於旺區, 價錢亦比較貴 $33/碟.

 

至於牛腩撈麵, 有d牛腩都炆得夠淋亦好入味, 但有d就un左d......

立即變冰

懶蟲上身, 依排都無咩心機亦無心情寫blog.... 上星期拆左箱department store玩, 配件多到重未砌完, 玩左一半又懶蟲發作, 希望唔會拖太耐完成喇.

上星期見到老闆仔好興奮咁買左pack coca cola的新產品返黎玩, 話會突然變冰架wor, 不過效果唔明顯, 得o個幾粒冰仔咋...

上網搵左d變冰o既小實驗, 下面依個係我覺得至有趣的, 真係想自己試試......

依個係最crazy的, 小朋友千祈唔好亂試呀!!

SF 飯聚 &amp; 禮物

好耐都無同SF fans見面喇, 上星期五終於都可以出黎飯聚, 開始發覺我地幾個已經唔只傾SF經傾得投契, 其他事無大小我地都一樣咁啱傾, 感情真係覺得已經到好朋友的關係!!

 

今次我地約左到旺角, 其實旺角的餐廳多數坐位細, 坐得辛苦亦唔可以耐, 今次嘗試到瓊華中心樓上舖的 Pancake Colours Cafe &amp; Bar, 見到有d坐位好獨立, 真係好適合同朋友飯聚, 不過都有2小時時限同每人最低消費$58/, 而食物質素我地都覺得唔錯呢.

依個芒果蝦pizza, 都好fresh, 幾特別.

 

黑椒蜜糖雞翼, 味道都幾好.

 

個樣好得o既rib, 可惜焗得過un, 但味道搭夠喇.

 

多謝sue好耐之前去macau的手信, 已經絕版架喇, 超喜歡呀!!!

 

終於收到lulu特登寄比我的b.day gift, 有個好實用的tote bag, 啱晒我用, 真有我心, 多謝晒呀!!