2009年11月23日 星期一

冬天必食

上星期氣溫急降至12-13度, 咁凍當然要食返D暖笠笠o既野暖下胃喇.


熱辣辣, 香噴噴的煲仔飯當然係不二之選!!



 


我同黃生有日去左旺角都要一人一煲至得呀!


我個鱔煲真係無得頂, 食到煲底d飯焦真係好滿足, 好耐無試過自己可以成煲清晒, 係厭d醬濃味左. 黃生食臘腸滑雞煲, 佢話都好正!



 


早早未凍已經忍唔住去活記打邊爐, 勝在平平地樣樣有d又方便.



 


到上星期咁凍, 出去食又貴, 都係買d自己喜歡的材料返屋企舒舒服服咁打邊爐就最正!


食前重跳跳扎的瀨尿蝦$20/斤, 又大隻又新鮮, 真係鮮甜多肉!



 


第一次試買的魚雲(魚頭), 出去食就食得多, 今次第一次買真係好有驚喜, $40有找又大件多肉(出面食一定又貴又細件), 重真係第一次食到叫出聲"真係好好食, 好新鮮呀!!" 下次都一定再買! *買時可以叫佢斬埋, 話打邊爐o既.



 


兩丁人, 重要黃生唔多好螺肉, 但自己想食, 都係買左1斤$16/, 好在無買錯, 好新鮮爽口, 煮完唔會無晒d螺味!



 


食慣左牛肉檔肥牛, 雪花最均混, 最重要有牛味.



 


銀龍雲吞水餃各半打, 貪佢夠足料, 鮮蝦大大粒.



 


依排興食西洋菜, 打完邊爐又有西洋菜湯飲.



 


點少得我至愛炸枝竹.



 


開餐喇! 打邊爐梗係要可口可樂喇!



2009年11月15日 星期日

無你在身邊特別凍

依幾日都越黎越凍喇, 黃生又唔係自己身邊, 感覺特別凍... 


剛剛華北雪災佢就要去遼寧飲老表老婆o係娘家擺的囍酒, o係北京轉車去遼寧阜新市平時都要6個半鐘, 但不幸遇到雪災竟然要坐9個鐘先到, 真係辛苦晒.


點都好, 明天終於返香港, 我同hugo, haven都好掛住你(baba).



 


無黃生o係身邊, 好在依幾日都有hugo陪住我身邊, 昨晚重有陪我瞓呢.



2009年11月9日 星期一

lanlan & william wedding night

9 Nov. 2009 依晚係黃生由細玩到大的表弟婚宴之日, 成班親友濟濟一堂, 真係熱鬧非常, 黃生的三兄弟重做埋MC, 一齊攪攪振.



 


近年真係好年, 好多新人都選擇今年結婚呢, 過兩日黃生就要陪埋佢老表去女家的家鄉遼寧擺酒, 其實我都想去呢, 可惜要睇hugo haven, 重有其他原因所以去唔成, 過兩日剛巧又寒流襲擊當地, 重跌破零下10度, 希望佢地要小心保護身體同玩得盡興喇!



2009年11月4日 星期三

HAVEN like cushion

天氣涼小小, Haven仔最叻搵d又溫暖又舒適o既位坐, cushion係其中一個好地方.





2009年11月1日 星期日

Monster vs Alien Halloween Special

上星期六無線/明珠台做 "Monster vs Alien Halloween Special", 睇過依套卡通o既都知佢有幾攪笑, 依次halloween版有22分鐘, 睇得好滿足丫.





 


p.s. 今個halloween都係平淡渡過, 其實我都想去海洋公園架, 不過一黎無人陪, 二黎有次星期六 4點幾經過金鐘, 見到條隊神龍見首不見尾, 重誇過日頭去玩的人, 人多都算, 成條龍都係o靚仔o靚妹, 我又點敢走去同人迫呀....


唔知各位係咪覺得halloween正日就係10月31日呢, 其實11月1日先係正日黎架, 唔好攪錯呀!