2010年6月27日 星期日

capture: beauty salon

經過beauty salon, 見到guinea pig mama電緊髮...... 電到舖頭打烊喇.



拍依張照已經係midnight後, 依排依然好忙, 忙返學, 睇世杯, 日常事務, 做facial都無時間...唉...  , 不過真係好想同d森林子民影下相, 唔夠光的情況下, 搵左beauty salon做拍攝對象, 影得麻麻, 只在止癢.


2010年6月26日 星期六

睇世杯, 食零食

今屆世界杯除左零晨, 其他時段都算啱睇, 睇波當然唔少得零食, 薯片, 花生, 蝦條喇......



 


同事報告珍珍出左隻筒裝重要係V-CUT, 好大興趣買黎試試, 一開先發覺原來內裡分左兩包裝, 味道感覺無咁濃, 不過買個陪睇波都幾過引.



 


心血來潮, 買個點jack 9件裝, 一路點一路睇波實在唔錯!



 


有日買左d雞軟骨返黎, 到睇波再焗返黎食, 無得頂!



 


食咁多熱氣野, 我都會飲d清涼茶,五花茶,王老吉沖濟等等......, 黃生有時就自己beer 一 beer.



2010年6月25日 星期五

鬆弛環保袋

世界杯開始左咁耐, 當然成日都要去超市掃零食, 依家無個環保袋又點出去行...


最欣賞自己去日本時買的懶惰熊環保袋, 可以摺得細細, 亦可以放得好大, 有左佢, 買幾多野都唔洗怕!




2010年6月23日 星期三

螺旋瞓身 TERRY

昨晚英格蘭終於踢返場好波, Terry依野螺旋瞓身真係睇到我拍爛手掌呀!!!!!!!!!



2010年6月21日 星期一

hugo bus

依架hugo bus只載公仔, 坐穩喇!



 


ayaya, hugo伸懶腰, 上面個乘客懶惰熊反艇...



2010年6月20日 星期日

細佬同老爸生日兼父親節

6月係老爸舊曆生日, 亦係鈿佬新曆生日, 兼係父親節, 唔好攪咁多次,  一次過買野返娘家慶祝, 食得舒服d.


pizza, 雞記, 椒鹽九肚魚同油菜, 打定個底先



 


再黎阿爸炮製海鮮, 係佢先識揀靚貨.


清蒸花蟹, 又大又鮮甜, 正!



 


大大條新鮮泥鯭, 好好肉!



 


海水味濃花甲, 又係鮮甜好肉!!



 


食飽飽重未完, 食埋個北海道芒果芝士蛋糕, 滿足晒!!



美心 tiramisu 黑森林蛋糕

6月15 黃生正日生日, 當晚要放左學先可以同黃生慶祝, 買左D食物返屋企, 我就買左個美心 tiramisu 黑森林蛋糕, 蛋糕上隻杯係朱古力, 杯內係tiramisu, 加埋個心perfect match.



2010年6月18日 星期五

6月兩兄弟隨拍

hugo沈思中



 


 


眼碌碌 haven



Xbox 360 Kinect Deca Sports Freedom

年尾就會世界發售的 KINECT, 最引人注目都係夠free, 唔須要任何control就玩到遊戲.


價錢around 2千幾, 唔算平, 始終要加主機支援, 所以計埋都唔多化算, 不過我買部wii都要咁上下價錢, 買埋配件更加唔止, 已經有wii o既我就唔洗諗喇, 無的朋友都可以考慮下o既.



2010年6月17日 星期四

乾花

早排去左太子花墟睇花, 好耐無去喇, 一到太子就見到繽紛擴充到有成4層咁高, 正, 大把野睇可以慢慢行.


一場黎到, 當然點都唔會兩手吉吉就走, 揀左D乾花自己插, 效果係咪好正呢.



 


最高的乾花係木造, 重有內星形圖案好靚好特別!



 


最抵死依排已經比 haven 將白色的乾花當貓棒咁拍, 攪到釣左魚...... =='


2010年6月16日 星期三

try macro lens@ Canon showroom

上星期六去左Canon showroom 試左兩支macro鏡.


以下係 EP 100mm f/2.8L Macro IS USM





 


EP-S 60mm f/2.8 Macro USM






感覺唔錯, 前者較close up, 影昆蟲同動物都比較適合, 後者拍到多d view, 當然可以近攝放大景象.


 


拎左幾本catalogue, 紙質同印刷精美, 值得收藏!



2010年6月13日 星期日

晚飯後的維港高空夜景

食完buffet, 好在同事話我知樓上有得睇夜景, 搭lift要staff插卡先上到40樓, 應該唔係隨便上得去.


維港夜景實在係靚, 不過咁高欣賞真係第一次, 如果o係度睇煙花就無敵lor.



 


企到咁出影相感覺好正!




 


真係好高架, 黃生話我好似企左出去咁wor.







 


睇到攰攰地重可以坐o係好舒服的sofa繼續欣賞, perfect night!



麗景BUFFET慶祝黃生生日

起碼有7-8年以上無同黃生兩個去食buffet喇, 其實因為食得唔多, 另願食其他野.


明天黃生生日, 提早在星期六去麗景酒店食buffet慶祝, 同事介紹食過兩次話唔錯, 一於去試試.


從來唔食蠔的我, 因為以前食過真係好怕佢d腥味, 不過人地話依間係即叫即開好新鮮, 咁好喇, 今次就破例再試o下.





 


第一啖, 隻蠔好多海水味, 雖然都食到有些少蠔腥, 不過真係好少好少, 以我怕食蠔的人黎講, 真係一次好好的經歷, 因為終於發覺係有好食的蠔架!


今次buffet有3種蠔, normandy, irish rock, tasmanian, 依排成日睇賜哥o係Australia 食蠔睇到我流晒口水, 無得去, 不過有得試下食, 果然無得頂!!


Oyster Irish rock





 


Normandy





 


Tasmanian





 


我以前拒絕食蠔都係因為未食過靚蠔, 今次咁好的嘗試實在係我一次凸破!


3隻味我覺得分別唔大, 唔係好肥大, 但都好重海水味, 亦好有蠔的鮮味, 我食左7隻, 破晒記錄, 黃生當然更多喇.





 


其實我覺得食物唔算多, 啱我食的更少, 我主力都係食平時少食到的食物.





 


所以我唔係食好多野, 主力都係食蠔, 第2最喜歡食就係阿拉斯加巨蟹腳, 貪佢啖啖肉.


 



 


蚶位係最美味





 


拎上手真係好大隻呢





 


芒果蝦幾match, 只係隻蝦雪到實o左.





 


小龍蝦同其他海產就變得麻麻, 試過一次就夠.





 


是晚好多人食都係拎住xx王子coupon去食, 因為會送以下的蝦, 老實講, 真係麻麻, 佢用左唔知咩香草調味, 味道好怪, 係得個賣相特別吧.








 


星期五,六,日食, 送個雪場蟹粉絲煲, 感覺只係無須要, 味道得胡椒味, 所以粉絲一D都唔好食, 而雪埸蟹更可惜, 味道不及阿拉斯加蟹, 因為係熱食同多調味料, 食時更污糟麻煩.





 


其他熱食只係一般, 最好味係阿拉斯加多寶魚, 好香魚油, 有D似三文魚, 口感夠香滑.





 


食到飽飽, 所以都無試好多甜品, 雖然飽, 不過都好好味.





 


襯黃生出去拎甜品, 叫人上埋coupon送的birthday cut cake, 6月生日都有得送...





 


d字寫得幾靚wor, HAPPY BIRTHDAY TO MR. WONG!! 祝你今年搵多d......比我洗 and 身體健康!! :P