2011年12月29日 星期四

聖誕書展的送碟問題


有blog友話我知, 聖誕書展的sales同blog友講比人在網上話佢收埋碟唔送, 講到似比人冤枉, 其實我寫blog預左寫得出黎比人睇, 我亦相信大家的留言唔會造謠生事, 無中生有, 但人往往就係唔喜歡承認自己有問題, 講真, 對我黎講, 我無損失, 最多話佢對我講大話, 稱送我的聖誕款碟係last 一隻, 之後送完無喇, 但唔係kelly講都唔知, 原來第日去重有呢, 唔知佢係咪覺得依d大話無傷大雅, 但依d訊息我一向都會寫blog同大家匯報, 但佢一句無心的大話, 可能會好影響其他想去為送碟的人而失望呢.
至於blog友買滿金額都無送碟, 我好相信blog友這件是是實吧, 而其他blog友我都相信是大家的經歷之談, 希望有關單位會明白我地想反影的是處理不當的事, 希望能作出改善!!

如blog友所講, 希望有關單位能作以下改善;
-請勿發放不實的資訊
-在會場標示有關的宣傳活動, 令購買者知悉有關優惠及贈送的禮品
-明確顯示買滿的金額, 不要隨便更改
-如會員與非會員有不同待遇, 請與代理清楚提示及通知會員有關詳情
-當然, 買滿金額的人亦必須贈送有關禮物, 如是一時無心之失, 亦希望能改善及補償, 避免令人覺得有關單位有禮品都唔送贈.

毛毛手襪, 兩對靴


聖誕前想買對毛毛邊手襪, 去ans睇左幾次, 想買又覺得貴, 聖誕節終於睇到有對只售$180/ , 另一款要$280/架 , 問sales姐姐有咩唔同呢? 原來佢話多條修手型車線位, 但我又覺得無線靚d, 而且分別唔大, 最終都決定買黎襯件新買的大褸, 重有8折, 又係比折扣引誘, 算喇, 節日洗錢在所難免, 開心完先算喇...




之前想買boot好耐, 想揀對真皮耐著d, 但睇極都睇唔啱, 有時覺得自己都幾挑剔, 有日行街, 黃生突然指住對鞋, 睇睇下咪試下先, 點知咁就買左同系列兩隻色, 一對型, 一對森林feel(內地流行的形容詞), 價錢唔算貴又忍唔住買晒兩對, 算喇, 難得自己睇啱麻, 而且黃生送, 更更開心!!
棕色中款 $599/
黑色長款 $799/


2011年12月28日 星期三

黑兔著冷衫

聖誕前自己買左唔少衫, 眼見可憐的黑兔重係著緊春裝, 自己shopping之餘都幫佢揀左套冷衫加綠黑格仔裙, 溫暖晒!!

 

 


Rilakkuma X b+ab

有日行過it, 見到大大個Rilakkuma 公仔, 奇怪點解會o係度o既, 原來佢同b+ab crossover, 唔怪得有日行街見到個女仔o係胸口扣住個鬆弛熊頭咁騎呢喇(得罪都要講句), 雖然我都喜歡鬆弛熊, 但要我扣住隻立體公仔頭o係件衫度, 我真係接受唔到lor.... 
講清楚其他平面的T-shirt都好d, 但對我都係太kawaii la...


2011年12月26日 星期一

聖誕書展 - 森林家族開心收穫

今年聖誕收穫真係好豐富,其中就係大眾攪的聖誕書展內買到我今年的聖誕禮物!!
好心急, 因為佢23/12開始, 我要25/12先得閒去, 好怕買唔到我想買的東西, 好在...
首先揀左UK版的 Sycamore Cottage, 即係可以拆除二樓樓層的小紅屋, 記得有次沙田一田做promote都要3百多元, 今次只售$299/咋, 重送埋朱古力兔妹妹同一堆傢俱, 實在抵到唔買會對唔住自己呀!!





雖然書展內森林家族產品唔算好多, 但慢慢睇都會有些少特別產品.
有多款puzzle, 內附一隻特別版的兔妹妹, 重有一些key chain, 買左兩款我都未有的呢, 其餘 Limited Edition dish, poster & card holder都係送的.





最開心都係買滿$300/收到依隻森林家族 X'mas Limited Edition Dish, 因為sales姐姐話依款已經係last one 喇, 真係一額汗, 所以買到真係開心到不得了呢!!






以下係聖誕書屢的優惠廣告




key chain同某些貨品的款式







Super Jumbo Santa Rabbit (not for sale)


玻璃聖誕樹與小鹿

不嬲好喜歡節日佈置的我, 奇怪今年到平安夜都無做任何聖誕佈置, 除左拎jumpo rabbit之外.
聖誕節終於去巡franc franc, 成日都想買棵小小聖誕樹佈置, 因為記得佢有d聖誕樹仔好靚, 咁遲黎到總算有收穫.
玻璃聖誕樹, 早年見到已經覺得好靚, 但價錢貴左d, 今次聖誕節去到見到做緊promote 只售半價$150/, 二話不說即揀返個大size的.





配埋一齊買的小鹿, 可愛極了!! 


小鹿 細size $58/, 另有大size $78/

 

沾仔記, 大戶屋

聖誕日, 行到邊食到邊, 在中環時, 好多食店都無開, 但都搵到間沾仔記, 好多外國食客去食, 其實我都係第一次, 食店人員特別有禮貌, 尤其收銀的阿姐, 對每個客人都非常有禮, 未食野已經賓至如歸, 我同黃生order左牛肉麵同雲吞麵, 牛肉食得出用生粉(葉)過, 所以夠淋唔un口, 可惜湯只飲得到鹼水味, 並無牛味.



雲吞麵有3粒大大粒雲吞, 鮮蝦爽口, 以上兩款都只係$20/碗, 麵都唔細碗, 好奇依個年代依個地區點解會有咁抵食的餐廳, 我估間舖可能係自己舖位吧, 唔係的話一早比人加租加到一係只能加價, 一係就迫到無得做.






6點鐘去到銅鑼灣, 即刻搵左野食先, 唔係實有排等, 又搵左間第一次試的大戶屋, 前菜食薯仔沙律, 張相好似好細碟, 只係甘係蚊有依個份量都幾抵食, 我記得之前o係另一間日本餐廳食, 唔夠幾啖就食晒.




order左個吉列雞扒set 同 散叫 蜆肉蒸飯, 前者不過不失, 麵鼓湯料足, 但湯只用粉溝, 蜆肉夠味, 但飯食得出並唔係用蜆肉煲出.
睇依間openrice食評好好, 可惜食唔到有咩特別.


埋單$17x

 

 

充實的聖誕節


25/12 聖誕節, 一個收穫最豐富的聖誕節!

好耐無出中環,銅鑼灣, 一出中環竟然見到有架客van瞓左o係十字路口, 重好多人圍觀呢, 好在返屋企睇新聞無咩事.

依日好充實, 先在中環ifc行陣, 每年的聖誕佈置感覺係最特別同最有聖誕特色設計的, 依個巨型聖誕老人搬聖誕禮物樹, 好有創意!!









之後過去會展的聖誕書展, 今次有樣好特別的收穫, 會再開post詳述.

跟住晚飯後就去銅鑼灣, 好耐無黎喇, 去到sogo買唔到森林家族年曆有少少失望, 不過好在今日總算有好多其他收穫喇.

經過wtc mall, 見到個聖誕佈置好金好閃, 好有天堂feel.








 

2011年12月25日 星期日

Italian Tomato X'mas cake

22/12放早經過 Italian Tomato 見到做聖誕蛋糕 promote 9 折, 決定買個 X'mas cake 過聖誕.
士多啤梨cake 真係特別好味!!


2011年12月24日 星期六

平安夜燒烤夜

今年同朋友在燒烤場過聖誕, 在只有8-9度的平安夜, 對住個爐BBQ實在更溫暖更有氣氛!!



是晚一樣有人派糖水, 生果, 不過變左係聖誕老人.
但無左涼茶o既?!





包住奶樽的免免好可愛, 不過係baby的聖誕禮物.





散場後, 同黃生兩個人行左去食糖水, 是晚氣溫特別凍, 飲熱騰騰的蕃薯糖水, 成個人暖晒, 比腐竹蛋更滋潤!



溫度寒冷, 但內心溫暖的一晚!!
Merry X'mas!!

Merry X'mas 2011


Jumbo rabbit 祝大家森林家族滿屋, 聖誕甜蜜快樂!!



暖在一起

細佬Haven依家終於會痴下人, 有時會行去sofa側, 黃生就會抱佢一齊坐, 坐坐下佢又會瞓埋係度, o累下你.


放假時, Hugo最喜歡o係我地起身後擺晒成張床瞓.


2011年12月22日 星期四

UK版Blackcurrant Café & JP Hambergur rest.

多得lotte通知先知UK版的漢堡包店變左係咖啡店, 唔止外觀有少少唔同...






原來內裡的廚櫃同用具都好唔同架, 咖啡店除左有透明櫃, 重有個煮食爐等, 同漢堡包店都好唔同呢.
雖然無咩精緻的咖啡杯同用具, 但兩者比較都係對咖啡店有興趣D.





Mission Impossible 4 - Ghost Protocol

襯未好忙, 星期2晚去睇Mission Impossible 4 - Ghost Protocol
無祈望咁去睇一套睇開的電影, 依然劇情緊湊, 重非常刺激到感觀, 我都不嬲大膽, 但有part都避不及突如其來的驚嚇, 可能唔係睇驚嚇片所以無備而來吧.
今集Tom Cruise老左好多, 無以前咁sale 樣, 但反而咁重好, 大家會專注返佢做戲, 其實之前睇開幾集M.I.都覺得Tom Cruise比較獨角戲, 但今次team work多左, 唔同性格的team member合演更巨娛樂性, 去左幾個國家城市取景拍攝:RUSSIA, DUBAI, INDIA,  增添不同國家元素特色, 實是一套值得入戲院睇的戲.


2011年12月19日 星期一

Sepcial offer of Lighting house set

星期日經荃灣, 人山人海都要去千色店巡視, 但有點失望, 因森林家族貨架又縮小了, 真係可惜!!
見到有款特別版的Lighting hosue做promote, 原價$1199/, 現在只售$888/咋, 即係74折, 未買而又想買的實在機不可失.





早排經已見到香港會入UK版country market, 即係supermarket 的下層, 款式係跟據日版複製, 不過因我已有supermarket, 如果再買就實在duplicate.



其實見到依家SF周圍都做8折, 都好想買返D產品開心下順便換埋月曆, 可惜千色店的貨越變越少, 唯有下次去SOGO睇喇.

2011年12月18日 星期日

Noah's park buffet

昨天表妹生日去左馬灣Noah's park 食buffet慶祝.




食物不過不失, 每位送半隻龍蝦, 不過個個都話無味, 其實真係無蝦的鮮味...
甜品款式不太多, 但都夠我食了.




海鮮可惜的是沒有生蠔, 可能價錢關係吧,  但鮮螺同青口都算不錯.




雖然我地無得坐窗邊對住咁靚的view食, 不過食完去睇下都幾好, 最重要一家人食得開心.




唔怕凍可以坐露天位, 是晚唔算凍亦無風, 都諗得過的.



聽姑姐講上網book有折, 只須2百幾一位, 不過想坐靚位就要打去問清楚喇.

2011年12月17日 星期六

無愛心的醫生


星期五一早發覺有D唔舒服, 所以o係屋企同公司都食定藥打底, 放工後出左太子, 但越來越唔妥, 所以o係附近搵左間姓蔡的醫生診所, 見有兩個人等就睇佢... (返去睇返張receipt先發覺幫我睇証的醫生係姓粱的, 奇怪!)
等左無耐就到我, 醫生未問, 我已經講自己有咩唔舒服, 當然亦有講自己食過咩藥, 但換來係醫生的一句: 做咩食咁多藥.  我話見唔舒服咪食定 (其實都係諗住食得好咪唔洗睇醫生lor)
其實生病時都係想人能溫柔地關心自己, 但對住一個無咩心機睇証的醫生, 重要久不久用斜視的眼神望你時, 實在令已經唔舒服的病人更反感.

2011年12月15日 星期四

Love the river more than boat

UK 出左款新顏色的CANAL BOAT, 不過重點不在船, 而是好喜歡條河, 應該係咪真水呢?! d水真係好清澈.









2011年12月14日 星期三

Nutella 兒時小食朱古力

記得佢嗎? 依款係由我細細個已經開始食的朱古力, 到我而家都仍然咁喜歡食, 有時返工做到呆呆地, 就會拎個黎 一下一下畢黎食, 真係好滋味.


2011年12月9日 星期五

冬季砂糖兔

天氣夠凍喇, 可以幫砂糖兔換上冬季服喇.


森林朋友送的斑蘭cake

昨晚約左位singapore來香港的森林朋友見面, 順便帶佢行下香港最旺的旺角, 見到佢買到滿載而歸我都好開心呢.
重收到我好喜歡的斑蘭cake做手信, 重買埋唔係成日有的燈味, 一打開實在香味撲鼻, 不過我始終最愛都係斑蘭cake的味道!!



5餸住家飯

平時真係唔會點煮飯, 要食住家飯多數返奶奶,媽媽或姑姐度, 依排總算1-2星期煮返餐, 上星期去街市求其買左D餸, 返到家黃生話我想點煮, D餸買到咁奇怪, 其實我都唔知架, 見到想食咩就買咩, 所以有時真係唔知會煮出什麼呢.
Anyway, 雖然放工後煮飯係辛苦d, 不過實在係滿足的一餐住家飯, 特別好味呀!!

 

2011年12月7日 星期三

結婚9週年@德國佬餐廳

昨晚放工返元朗睇body check report, 正常, 之後join黃生去book左的德國佬餐廳 慶祝結婚9週年, 真係唔經唔覺......  
餐廳位置都幾偏僻, o係一條住宅的內街, 餐廳外放了幾張椅桌, 方便吸煙人士,
內裡裝潢算有feel, 燈色昏暗有情調, 加上聖誕小佈置, 增添溫暖氣氛.

order左2人set, 揀左大蝦及德國腸拼盤, 可惜套餐無德國豬手, 下次吧.
--餐飽是熱烘烘的, 香草飽比淡淡的蒜蓉飽較吸引.
--薯仔沙律, 忘記加上一早附上的黑醋/油, 否則應該更味美.
--大蝦燒得新鮮彈牙, 配上特別醬汁及什菜, 尤其茄子吸收晒精華, 增加豐富的口感!
--德國腸算不過不失, 無預其中特別, 不知是否我食得太多隨處可買的司華力腸關係, 其中一款的味道實在好相似, 配上特別調制肉汁, 十分匹配!



--餐前湯係忌廉蕃茄湯, 新鮮蕃茄制成, 喜歡蕃茄的人一定喜愛, 雖然我都覺得做得好好, 但個人喜好問題, 如果係鮮mushroom soup會更合我口味.
--甜品係忌廉泡夫, 奇怪個皮係濕的, 唔知係出面食的唔正宗或是正常先係咁呢?!
餐廳員工殷勤有禮介紹食物, 服務加分.
2人set $398/, 未計黃生order的黑啤及加一