2012年5月28日 星期一

和幸, 豚屋, 綠茶cheese cake

之前同妹妹去了和幸, 水準不過不失, 最重要係兩個人食細細份可試多幾款.
最喜歡依然係個冷盤的海鮮拉麵, 精華在麻醬內.
可惜喜歡試的蝦天婦羅炸粉唔夠脆.




上星期去了屯門, 試了間豚屋, 門面不錯, 內部燈火昏暗, 卡位會坐得較舒適.
order了吉列海鮮餐, 未至於好難食, 但油太多, 任添的菜竟然有苦澀味, 味噌湯只係沖出咸味, 帶子過淋, 蠔亦一般, 只有蝦算爽口.



最抵死都係依set 什扒餐, 唔夠熱都算, 豬扒un過擦紙膠, 最重要係每塊扒都似比人切到積木咁細塊, 重細過條香腸, 咁就收人$88/, 過份得難以忍受!!
有時我就係最怕走入一d從未食過的餐廳, 另願去粉麵檔食碗魚蛋粉都唔會失望到咁.




starsbucks 的 綠茶cheese cake, 有綠茶的微甘, 不太濃的芝士味, 不錯.


UK coming new families

UK 又有新家族了, 今次依set Beaman Ginger Cat Family 色紋柔和, 最重要衣服設計不錯, 都可以考慮選購.




DePembroke Corgi Family, 衣服設計普通, 但樣子算可愛.


2012年5月24日 星期四

鬆弛熊電話墊

今次巡九龍灣店RILAKKUMA STORE見到好多平時少見的新舊產品, 唔買野點對得住自己.
依件防滑墊可以放電話/MP3/杯等, 可愛又實用!!


2012年5月18日 星期五

sogo thankful week SF 85折優惠正式開始

Sogo thankful week 今日正式開始, 優惠會到27/5.
森林家族優惠有baby tree house, $238重送松鼠同貓bb, 另有3層洋房附送兔媽媽只售$438/, 數量有限架.
而日本的4月新品如supermarket, candy shop, toy shop, new lighting house with carpark都已經有售, 重有85折優惠!!

另外喜歡RILAKKUMA的亦有1 set 3件公仔優惠, 只售$338/.


2012年5月17日 星期四

森林好友聚

又係一晚開心的聚會, 亦一次比一次傾得盡興, 所談範圍已不止森林家族, 家事閒事傾得更投契!!

除了晚飯亦有行街睇精品家品店, 還去糖百府食埋點品先足夠!




晚飯時去了奧海城上野日本餐廳, 沒有點太多食物, 只影了部份食物..
-蝦天婦羅好爽口新鮮, 只係可惜外層炸粉唔夠脆.
-雞肉炒拉麵不錯, 不過雞鞋了點, 麵多了點油
-海鮮鍋一般
-牛肉卷算特別, 內有不知名的香草, 食落有點似豆角的口感.




最開心vicky送了去日本時的森林家族贈品給我, 因為贈品無得買的, 所以特別珍貴!!


2012年5月15日 星期二

一風堂拉麵

上次蘇師父介紹一風堂拉麵, 咁啱去開中環, 就上去試試, 星期六 3-4點, 等一陣好快就有枱.

我order了一風堂拉麵, 即係豬骨湯底拉麵, 試第一啖湯味道不算濃, 可能食慣日本的濃湯吧, 味道感覺較似阿媽煲的濃縮版豬骨湯, 雖不及日本食的好, 但以香港的質素算可以, 湯面有一點點肥油, 麵質似坦坦麵, 叉燒依然是大配角, 加了溫泉蛋, 糖芯做得好好.  $55/ + $10/ 的一碗拉麵, 算合格.




黃生的麵鼓湯底, 一向不是我杯茶, 但麵質比較似日式拉麵.




紫菜魷魚鬚, 不錯.


2012年5月14日 星期一

白蘭花, 可愛介指, 紅樹


上星期六行銅鑼灣巡sogo, 優惠未開始.

在附近街見到有婆婆賣白蘭花就幫襯買d, 不過婆婆比較慳家, 比晒開始變黃的我, 見係婆婆就算喇, 反正都係諗住幫人.
返屋企搵上次去日本時買的兔陶瓷碗裝起, 又香又靚.





行過附近商場買的可愛造型介指, 多謝黃生!! keke





依個月份開始生長一種又紅又靚的樹, 下次睇下什麼名稱先.



2012年5月13日 星期日

祝福好友

5.12 好友小其出嫁了, 有幸能觀禮祝福兩位, 幸福快樂!!

私自請了黃生做業餘攝影師, 拍了些照片送給小其.






















等待中的合照





一向與黃生什少合照, 多謝charlotte 幫忙!!




本來4姊妹的合照可惜合了眼, 揀了另一張無望鏡頭的, 好在好友覺得幾自然.

2012年5月10日 星期四

日本6月新品及香港剛入新品


 
小道消息, 有朋友仔聽人話sogo thankful week會有日本4月的新品賣, 之前見singapore咁快有, 相信香港都係差不多時候入貨, 各位森林之友, 唔知你地又會買邊款呢.
剛剛打去sogo問, promoter又話未開始thankful week, 亦無折扣, 但有幾位blog友仔都話有d產品優惠, 真係覺得有點奇, 明天去睇睇咩環境先.

日本6月新品, BBQ with car top cargo basket set, 好適合去效外旅遊時BBQ, 不過 car top cargo basket 須要配合早前新出的家庭車, 咁係咪要買埋架車先呢?




其實個車架都幾有用wor






載船都得








夏日來臨, 有款swim set, 不過所有產品都熟口熟面, 除左改少少款式設計, 相信都可以在舊產品內找到.
反而好欣賞佢個beach同海水, 海水又靚又藍, 真係有突然想出海的感覺!!

 





最吸引都係個印上marine的水泡同手袋仔, 起碼轉左設計同顏色麻.






2012年5月8日 星期二

喜歡榴槤, 鵪鶉蛋燒賣

依家無分季節都食到榴槤, 不過始終覺得天氣熱先食啱時候d.
上星期行過街市, 心癢癢想買個食, 不過兩口子食得幾多, 最好百佳有散裝買, 不過唔好睇佢得幾舊, 宵夜食都好流架.
金枕頭又香又甜好味道!!




依家食點心的餐廳越開越多, 有日經過金魚街走入去試, 有點心之餘重有快餐同米線, 算係多種選擇, 不過點心款式唔太多, 偏偏有我喜歡的鵪鶉蛋燒賣, 都唔錯.


2012年5月5日 星期六

非洲盾臂龜 Grooved Tortoise

昨天出去睇戲, 經過公園忽然見到好大隻龜, 完全比佢吸引住, 唔洗去動物園都見到咁罕有的龜, 著實有趣.

問主人介紹, 依隻係 "非洲盾臂龜 Grooved Tortoise " 係食生果值物的, 在美國帶返黎養, BB時只係乒乓球咁大, 依家咁大隻只係13歲, 還會再大的.  主人話已經係瀕臨絕種 的動物, 香港係無得入口的, 不過上網搵資料網上都或者有售, 要6百多元一隻小龜, 而金魚街都有, 我都好似見過, 但價錢話會更貴.





看見佢腳上特徵長有明顯的刺狀物體, 我觸摸過, 感覺好似人皮膚的枕, 但一點都不吉手的.
龜背的花紋及腳上的刺狀物, 仔細看還有點特別.




佢地一樣係主人心愛的寵物, 一樣有名稱. 
最有趣係只有男主人一叫, 佢就會走埋去, 重識得比手手, 真係可愛極!!




女主人餵食提子, 食得津津有味伸晒脷.




扒行時好有趣, 以下片段係一般的速度, 而餵食時會走得更快呢.

比在動物園睇更有趣, 因可以近距離接觸.


2012年5月3日 星期四

小小森林收穫及優惠 (BLOG友優先)

今次去日本買了不少森林家族, 雖然同牛奶兔相比差太遠, 不過自己想要的真的不多, 所以對自己已好足夠了.^^



有部份還算是精挑細選買回來給blog友優先選購.
以下就是優惠產品, 如有興趣的blog友可留言查詢, 平時有留開言的blog友優先選購, blog友及非blog友價錢會不同.

Telephone box and Police set X 1
Sylvanian Kitchen chef and waitress set X 2
Little Princess twins set X 3




key chain X 7
Yellow dress X 1




如選購電話亭或森林家族廚房set 的blog友可送森林家族濕紙巾一包, 數量有限, 送完即止.