2013年7月11日 星期四

迷你植物盤栽模型

久唔久又去九龍灣, 淘大有兩間舖都有賣迷你模型花, 上次已經忍唔住買了兩盤蘭花, 今次再去又出血了.

其中一店的模型小花, 左下的蘭花真的好美呀







兩次買來的蘭花, 好靚好滿意!! 亦比較貴, 計平了都要大約$150左右.(唔太記得)




有盤傳統紅色, 所以第2次買埋紫色.






另一店比較抵玩, 是一名伯伯看舖, 我話幫佢介紹比人, 所以任我拍照, 當然我都有幫襯喇. ^^





有些不錯的蘭花, 雖然比較細盤, 但更合適森林子民. 好似$100-$110/兩盤,但上次去好似無嘜貨了.




還有多種小盤栽
















2013年7月10日 星期三

九龍灣迷你展


又係上個月去了九龍灣, 似乎香港已經無咩地方令我喜歡行, 因為其他地方都已經好多人加上內地遊客就行得更辛苦, 其實我一向覺得內地或外國遊客來香港遊玩係一件好開心的事, 因香港真係一個好好購物的地方, 我亦經常好樂意幫助佢地如問路等的協助, 不過到自己放假都希望搵少人行又有野買的地方吧.

經過德福商場, 無意間發現有個迷你展, 雖然有些是之前見過, 但好大部份都是新製作, 絕對值得一看!! (不過依家唔知重有無)

中秋節的紙札舖係我最喜歡的, 因為有好靚的傳統燈籠, 重要造成迷你版實在好利害呀!! 我都好想要晒佢!!



panda燈籠好可愛喔!!




平時香火頂盛的紙札舖, 燒咁多野似乎到7月節喇喎...






戲棚



大埔林村情景都有, 話時話我都未去過.








重有出名打小人的鵝頸橋

 




還有其他精彩作品...











沙士亞美味咖哩, 東江雞baba生日飯

上個月有日星期5想返大埔食魚蛋粉, 放工就走返去, 點知店舖無開, 有點失望, 好在黃生第2日都陪我食返補數.
當晚食咩好呢, 黃生突然想食咖哩, 既然好耐無食就去
沙士亞食喇.

可能好耐無食, 覺得特別好味, 感覺同重慶的咖哩無異, 無論前菜脆餅點的紅及綠醬都很喜歡!
咖哩一樣好味, 夠香小小辣夠刺激味雷, 啱晒我, 黃生一食辣又滿頭大汗.




薯仔咖哩角香脆熱辣, 內裡的薯溶好填肚.
還點了鐵板燒雞件, 無失望, 加點lemon汁在熱辣香口的燒雞上很吸引! 
環境氣氛令人食得舒服.






今年阿妹不在香港, 一家5口簡簡單單又去東江雞慶祝baba 生日, 次次都去食到悶悶地, 不過雞又真係幾好味o既.


2013年7月2日 星期二

淘到寶

最近瘋了似的不停shopping, 行街買唔夠又上淘寶買過, 如果在不同店買可combine一齊到中轉站寄回香港, 可慳好多運費!


先看最靚最滿意的戰利品, 就是這款花紋裝飾燈, 日間看已經相當美, 配合其他白色系的飾物架更感覺田園風. (唔知有無形容錯:P)




夜間看更有另一種美感, 實在好滿意今次的收穫呢!!




白燈下的實物圖




另外還買了沒有燈的擺設款式, 很有泰姬陵的感覺.




裝上頂飾更美!
最初還擔心屋內不夠位擺放那麼多, 不過太靚了, 而且很便宜, 唔買對唔住自己, 買了先算吧, 最多得閒換換裝飾, 最終清了一些空間便可全部擺放出來欣賞, 越看越喜歡!!





實用家品系列, 想買電線盒很久了, 常常去IKEA看都沒有合心水的, 終於在淘寶找到了, 兩個還包郵國內, 非常好, 就買了一大一細試試.



以前喇叭後的這堆線看見都頭痕!



一個簡單小盒便收得乾淨企理又美觀了!





另一邊的電線堆




用上細SIZE盒剛剛好!




整齊晒!




平時行街買衫的底衫底裙都不便宜, 明明只是底裙但賣這個價錢實在有被搵笨的感覺, 又上淘寶看看真的便宜很多呢.
賣家還很有心思送上小飾物呢! (雖然不太喜歡, 不過心意已加分)





買了一堆木塊作裝飾用, 十分便宜!






最後就是這款很實用的地拖及面盤扣




平時的小面盤都不知放那好, 記得有次在日本城看過類似的東西, 之後再去又不見了, 今次終於比我找到, 確是很實用, 這款改良版更穩固, 暫時用了一個月都不會掉下, 而且是代理韓國品牌的專利產品, 亦有很多買家讚好, 所以更有信心保證!



這款更滿意, 相信大家都應該有地拖或掃把之類的家庭用品, 亦會時不時都掉下, 十分擾人.
今次終於買了這個扣太好了, 終於都無再掉下掉到我了!!



淘得開心經驗之談: 淘寶買到好野就十分開心, 但往往都會聽見好多人被騙了就會有不好的經曆, 以自己計算, 買了這幾年的經驗, 九成以上都買到自己預期的東西, 特別今次更令我有滿足感, 因為都是便宜及實用的! 其實只要唔怕麻煩, 只要略董技巧便可以買得安心.
首先是看賣家與同行的對比分數, 如產品的  描述相符, 服務態度 及 發貨速度, 只要是紅色分, 越高就越好, 還要看看產品評語: 有些買家都會對產品的質素作出描述, 但有些賣家是100%分數的都要小心, 感覺是造假的分數, 而一些是負分及綠色分數的賣家, 只要看看他產品的客戶評語都會看出問題所在, 一般都是產品品質有問題, 服務態度差或發貨速度慢.
若然這些都看不出就是不幸遇到大老千了, 聽過有些受害人買了批戶外地板, 第一程序先付了錢到淘寶, 但等了很久都收不到貨, 與淘寶客服投訴都無人幫, 又用中港兩地做聯絡藉口, 攪了一段長時間都無辦法, 最終受害人話根本淘寶某些客服收了錢幫這些不法商人的. (是真是假都不希望自己遇到!)