2013年11月30日 星期六

Mr. Korea BBQ

  團購介紹 Mr. Korea BBQ, 想食依個韓式燒烤的環境好耐了.


小食任添, 薯仔最好食, 但款式太少, 無菜.



周圍貼滿韓星圖



黃生order了枝韓國啤酒, 不過貴得出奇, $120/枝, 之後去韓式士多見到平好多!


不過用金碗飲幾有風味...



當然要試下燒豬皮,不過都幾煙韌





 



牛肋骨可惜揀了無(葉)的, 無咩牛味

 


豬併盤都ok, 但必須點上特製醬用生菜包住食, 正!
依間生菜免費的, 難得.







海鮮餅有點失色, 味道不夠以往在其他店的香脆.


鍋麵真係一小碗的鍋, 無鹽無味無醬料煮, 失敗!



總括貪新鮮食環境可以, 但要食物味道質素就食第二間吧.

JCCAC FESTIVAL 2013 手作藝術展

無意中得知在石硤尾有個手作藝術展, 終於等到當日, 因幾個月才開一次咋.
今次真係大開眼界, 好多人的精緻作品, 各種各類都有, 如手飾, 擺設, 衣物, 手袋等等, 實有一樣會喜歡!!



 


側面有間cafe


味道不錯, tiramisu都好fresh, latte cream味濃.



特別喜歡a little bit 設計的兔子系列, 可要求設計個人喜愛的款式.



2013年11月29日 星期五

味吉拉麵館 Mikichi

2
有時在旺角真係無咩好食, 突然記起家樂坊地庫都有幾間ok的餐廳, 唔記得幾耐前食過了, 再試味吉的拉麵店, 湯底算不錯, 都係一個選擇.

2013年11月28日 星期四

自家製日式火鍋


10月26前一晚在屯門aeon買定日式火鍋材料準備第2晚可以在家打邊爐.
材料買得不算多, 但已經足夠兩人食兩晚了.
最讚的是個布海鮮湯底 (多款湯底 約$26-32/) 及 一盒靚肥牛(美國特級牛小排) 284g 只須$85/
配上我喜愛的鯪魚滑及墨魚滑(依度買的幾彈牙), 豬頸肉略厭切得太幼, 些小丸及有必食的響鈴就真係大滿足了!!




加上菜同菇就係一鍋美味的shabu shabu 喇!!


買咁多野埋單只係$300/, 重要食足兩晚, 美味抵食!!





2013年11月27日 星期三

2013年11月23日 星期六

COCOMO

這間餐廳經過就多, 食都係第一次, 平時經過都超多人在附近行街, 感覺食得唔自然, 今次出到去見到無咩人先入去試試.
原來味道也不錯, 海鮮忌廉意粉醬汁好味, 特別喜愛香脆的吉列魚柳包,salad醬也特別吸引!



2013年11月16日 星期六

稻香品茶

最近去開九龍灣行街, 都會到稻香飲茶, 喜歡佢座位梳落舒適, 點心味道有水準.





特別喜歡這碟鮑汁鳳爪, 個汁煮得好好味!!




上次來時發現點心用這款矽膠蒸籠, 還有其他帶點螢光色的, 感覺好刺眼, 失了點平和氣氛去飲茶.
幸好今次不見了.



2013年11月14日 星期四

無印包裝野菜咖哩

早排在無印買了包裝野菜咖哩試試, 最適合我地依d無飯煮婦.

























味道不錯, 不太甜, 咖哩內都有不少薯仔粒, 當然無我自己加上的咁大粒喇..XDD

Hugo 9 years Birthday

Hugo 又大一歲, 12/11 買了佢喜愛的雞肉芝士罐同佢慶祝生日.
祝你身體健康, 日日都咁遊閒貪睡同開心!

2013年11月12日 星期二

新蔡潤記粉麵

大埔出名粉麵店好多, 但我特別鍾情蔡潤記, 每次去都特別多人, 排隊又混亂, 所以索性過去新蔡潤記唔洗等太耐, 至於有無分別, 當然有喇, 這兩間最出名係炸魚皮同魚蛋,  前者少粉香脆, 後者多粉炸但都好味, 同出面食的無得比!!
而魚蛋兩者都咁彈牙, 我要求唔算高, 所以分別不大吧.
不過點魚蛋都有少少技巧, 就係點上辣油加豉油, 可能細個人地教落, 所以習慣咁食.


2013年11月11日 星期一

盛八食堂

18/10星期五同黃生去屯門出手機, 計過度過, 用開的smartone收費貴, 如不選擇最貴的5GB plan簽卡重有extra charge$500/, 太講唔通吧! 對比123 upgrade plan 價錢都係差不多, 索性轉去123出5s, 最surprise係原來用佢個台的apps睇my tv 之類都係免費的, 唔扣流動數據! 實在好想快d開始睇呀!

出機前去了盛八晚餐,蘑菇紀廉湯, 細細杯好味!

加唔同套餐送湯, salad及甜品, 今次要了前兩樣, 另外order了 mashed pumpkin & potato salad
點上黑醋幾吸引!




 依然食大蝦蛋包飯, 但感覺蝦無以前咁大隻, 但改了用鹽燒, 多了另一種美味.

 

至於黃生的雞肉蛋包飯, 雞肉實在麻麻.  



 剛好安排坐在舒適的4人台卡位, 看著牆上佈置很田園.




行完街搵了starbucks 嘆 latte, 可惜不是我杯茶, 感覺不夠甜, 比較喜愛pacific coffee.




2013年11月10日 星期日

電子風動蠟燭燈裝飾

上次都post過淘回來的電子風動蠟燭燈, 用真蠟及有燃燒時的火點搖擺效果, 非常迫真, 還可搖控開關非常方便.




2013年11月8日 星期五

LEGO EXIBITION

其實都唔係什麼展覽, 只係公司樓上剛開了間專賣LEGO的公司, 最吸引係display, 好多有趣的場景, 如龍貓同鬆弛熊等... GODIVA building都有間添!
影底了有部份價錢, 抵唔抵就唔知喇, 但join member好似再有折的.