2016年1月31日 星期日

皇牌眼霜 ESTEE LAUDER

以前我都好少買較貴的護膚品, 但年紀開始大, 唔想理都唔得, 幾年前新加坡的親友因公司有優惠買好多大品牌所以送了ESTEE LAUDER的眼霜比我, 當時都覺得無咩特別, 因為未到須要的年齡, 最近發覺有眼紋都幾犀利, 所以都想搵佢幫我買, 可惜佢都斷晒貨, 只好自己在HK搵, 終於比我發現Colourmix 特價都好抵, 慳返唔少呢!
用後事實係少左紋的, 不過都要配合早睡同飲食習慣, 好似我咁夜瞓的人, 好左一排都會打回原型...XP 
還有之前都嘗試過一些日本眼霜, 但無成效之餘重生多左幾粒油脂粒, 但用返E.L.就無再生.


2016年1月30日 星期六

一風堂

之前飲完咖啡無耐, 唔太餓所以兩個人去了一風堂食少少野
點了碗豬骨湯拉麵, 湯底都算夠味, 比起出面拉麵店都唔算差



好掛住日本的龍蝦包所以都叫了個牛油果龍蝦包試, 龍蝦份量雖然少, 但牛油果都好夾龍蝦包的味道, 如果個包可以烘少少就更好, 整體算可以.


孜然雞翼除了外層有孜然味, 內裡只可以用乾同無味來形容

little break @ pacific

行到咁上下都喜歡到咖啡店飲杯野食件CAKE休息下, 依件都唔錯, 今日PACIFIC可能Annual dinner, 是日收6點, 我地都快快食完唔阻人收工.



2016年1月27日 星期三

Tasmania cherry

今年Tasmania cherry 當造, 見好多人都買成箱黎食, 黃生都買左半箱, 味道大部分都甜, 而且好大粒.




2016年1月24日 星期日

HUGO保暖措施

星期日無出街都覺得凍, 上天文台睇只得4度, 最底得0度, 真係好少有咁凍, 好在上年買左部冷暖分體, HUGO連平時都唔會上的茶機都坐正去嘆暖氣.



平時亦好少會坐的腳踏位置都走埋黎坐, 因為都係對正部暖氣XD


重瞓到成條毛蟲咁



2016年1月23日 星期六

別天神拉麵

凍到唔知食咩好, 見到有間拉麵店都有幾個人排又排埋一份
果然食完即刻暖返晒! 味道亦唔錯.







Habitu coffee and tea

係CWB行街行到凍, 搵個地方坐底暖下胃先.
咁啱有間Habitu係附近, 叫了Rose latte, 黃生點了Ginger latte , 飲完即刻暖返晒!


Pistachio Hazelnut Medley - 一向喜歡開心果的味道, 製成的CAKE更加喜愛!

 

本身好喜歡食FISH & CHIPS, 不過依度反面令我有點失望, 因太油了.

2016年1月22日 星期五

2016年1月17日 星期日

冬恋蘋果

係AEON買左個少少貴的冬恋蘋果同青森唔記得咩品種的蘋果來試, 隔住都聞到些特別的香甜味, 味道也算不錯, 可以一試.




catch Haven


捉住細佬無得走XDD






2016年1月16日 星期六

2016年1月10日 星期日

氣炸鍋輕鬆煮早餐, 晚餐

買左氣炸鍋, 黃生煮早餐都多選擇左, 今次焗好耐無食過的炸魚手指, 好滿足, 外層真係脆, 配沙律食真係好有兒時對食物的回憶!





晚餐用氣炸鍋焗RIPS, 重有沙律蛋配焗薯, 份量剛好, 亦好味道!

2016年1月2日 星期六

御前上茶

經開屯門見到新開間綠茶甜品專門店, 就買兩樣試試.
蛋糕一般, 綠茶Cream Brulee 不錯,係甜左少少.



2016年1月1日 星期五

新買的GEMINI氣炸鍋

見到網友買左個氣炸鍋話好用, 不過是淘寶貨, 自己也上網找找搵到依個牌子香港都有同款機, 會貴些, 但最重要係用得安心!
   
同麵包機SIZE差不多, 有多款一鍵煮食, 睇圖就明, 好易用, 啱晒我地依D無飯煮婦.XD

  
附有的內部件, 煮完只須要洗兩件.
 

 平時真係極少煮飯, 放假最多都係煮小小西餐食,今日買完部機就回家了, 順便去了街市買些少食材回家試機.


去凍肉店買現成食物返去試機

咩都有的氣炸鍋大餐, 睇得食得, 真係幾正! 
最好係佢會焗出多餘油份, 食得較健康, 薯條都焗到有香脆感, 雖然比真炸會差小小, 但對我黎講都已經好好味! 有時半夜都會氣炸些少薯條做宵夜, 非常方便.