上次寒流襲港時, 我同黃生o係屋企又著外套又蓋毛毯, hugo今個東季都黐多左我地, 有次我地3個如常坐o係舖左毯的sofa, 少有連haven都走埋黎揍熱鬧, 已經坐到無咩位喇, 我咪抱佢坐我大睥lor, 佢又越坐越舒服咁, 直情瞓埋o係度, 咁就一家四口好warm咁黐埋一堆喇.
haven次次瞓到舒服就堆埋塊面. 記得當時我大睥feel到真係好暖.
有朝早兩兄弟又黐埋一齊, 其實次次都係haven主動黐阿哥.
夠暖夠舒服, haven就發作.
2009年12月29日 星期二
2009年12月27日 星期日
Boxing day party 2009
今年如常去阿 leung屋企攪 X'mas party, 小朋友們又大一歲, 最開心就係可以見到佢地一齊玩!
阿Bu個樣依然咁趣怪, 最抵死會自動自覺坐上我大脾一齊影相wor.
晴晴越大越叻女, 有大家姐風範.
婷婷真係好乖, 唔喊唔扭計, 重要有對q爆的大眼.
開餐喇, 都係打邊爐食得最開心.
好鬼豐富呀!
依隻肥牛真係唔講得笑, $120/lbs, 係貴左d, 但又真係我食過最好食wor.
傻婆換定條睡褲玩遊戲.
round one: 玩辣辣susi, 特登去板長買set for game的轉轉遊戲盤 $180/, 好就好玩, 係d susi放太耐已經唔新鮮.
個個都食得幾開心, 我就無中蕉, 不過中蕉d人都話唔辣wor, 唔通d wasabi無料到.
最後要自己加料, wah, 成pat wasabi係susi上面, 睇到都驚驚......
抽到舊susi底內藏大量wasabi, 開心到你...haha
last輸左要成tim食, 有福同享麻......hehe, 依round我地反敗為勝, YEAH!!!!
玩夾熱狗ar......?
我特登帶左中學年代的玉照去欣賞, 個個都笑到扒晒地!!
玩埋個大電視, 一個"村上春樹"令對手估到R晒頭, 不過最終我地都係輸左.
佢做咩, 迷底係"痾爛屎"....hahahaha
本來玩底底爆頭, 最終對方一team自動放棄, 我地就得到team winner gifts, 最最最開心我重抽到大獎tim呀!!!!!!!! HAHAHAHA我有運行喇!!!!!!!!!
食埋個味道唔錯的 X'mas cake 就散場喇, 來年再黎過!!
今年我同黃生抽到的禮物
下面係自己買比自己的
幾米的"月亮忘記了"頸枕, 同黃生一人一個.
2009年12月25日 星期五
santa gift
今個聖誕真開心, 有Jumbo Milk Rabbit 陪我過.
重有終於揀到我想要的手提電話喇, 黃生送左依部電話我真係好鍾意!!
LG GC900 Viewty Smart 有8百萬像, 熱能touch screen 同 iphone功能介面都好接近, 我主要係想要部影相正的手機, LG依部有智能拍攝mode, 唔係講笑, 功能真係超越, iphone對我黎講功能太多亦太貴, 曾經有想過samsung pixon 的1200萬像, 不過公價都要$4900/, 太over burget 喇...
其實想換機都幾個月架喇, 本來main target係samsung機, 但試過個介面感覺好悶, 機身又太膠, 重有價錢真係較貴最終放棄. 因之前有另一間的sales 介紹 LG KM900 , 第一次試LG機感覺都唔錯, 螢幕像數高, 畫面靚, 介面好睇好用, 係拍攝像素得500萬像, 雖然唔少但我想再多D.
聖誕前一個星期又去百老滙巡舖, 今次sales介紹GC900, functions 好滿足到我, 最重要個sales哥哥話公價 $2980, 依家 $2380, 有恆生卡重special price $2060/, 咁o既價錢想搵部同級數o既機真係無可能, 咁正當然即時扑槌喇!
黃生舊機跌過唔識震, 剩機想換機, 初時想揀hero, 但我覺得個款會好快out, 以黃生的性格咁貪玩, 我今次都suggest佢換 iphone, 買左返黎玩唔停, 果然啱晒佢.
今個聖誕有新手機用喇!
2009年12月21日 星期一
Santa 氣氛
上禮拜六, 超耐無去過尖咀, 諗住去行下街順便去海港城睇下今年有咩聖誕佈置.
WAH, 今年個聖誕仙子真係可愛到極, 果然無令人失望, 咁靚當然人山人海, 不過已經劃分左影相區, 想影靚相都唔難.
見到排晒長龍的仙子屋, 影張相就閃喇.
中SIZE的仙子裝飾真係好可愛!!
Barbie santa tree
當晚得11-12度去睇維港燈飾, 氣氛真係特別正!
買埋兩件東海堂黑森林 & 芒果cake, enjoy ~~~
行多陣聞到香到陣的魷魚味, 嗅下熱鬧都走去排隊買黎食, 諗住都唔會好食得去邊架喇, 點知原來係較juicy的魷魚, 甜甜地真係幾好味, $20/抵比喇.
預早祝各位blog友 Merry Christmas & Happy New Year!!
2009年12月14日 星期一
2009年12月13日 星期日
Chocolate Dalmatian Family
咁可愛的Chocolate Dalmatian Family 朱古力班點狗終於帶左你返屋企喇.
第一次睇UK官網時, 朱古力班點狗一家的衣服設計真係幾靚, 粉藍色係列好襯... 到香港有貨, 第一眼感覺原來好普通, 其實包裝真係好重要, UK個packing真係太肉酸喇, 連帶個產品都無咁吸引, 雖然係咁, 我都決定買佢返黎, 同佢地影相個效果都幾靚, haha, 果然無買錯!
2009年12月9日 星期三
case 39
上星期四 case39 一上畫就急不及待走去睇, 其中一個原因係睇我喜愛的 Renee Zellweger, 拍恐怖片都真係第一次. 依套片都算有恐怖感, 嚇到我一次都唔錯喇, 只係覺得結尾太快完, 唔多夠喉.
最近覺得自己愛睇恐怖片真係到左有輕微變態的程度, 我睇緊片睇到一半途中, 望到坐我隔離個女仔坐個座位都無坐到一半, 因為佢已經驚到挨晒去佢男朋友o個邊, 我見到忍唔住叫埋黃生睇, 佢好似睇緊戲重有d緊張無咩點理我, 但我o個刻真係忍唔住覺得好好笑!
睇完有樣野發覺令我幾嬲, 我係見到電視trailer有幕係個人樣漸漸變鬼臉, 重有幕個小朋友o係床沈左落去, 但我睇套戲時就完全無左依兩幕, 真係有無攪錯!!
點解我打D字無晒...
2009年12月8日 星期二
SF X'mas promote and new products
上星期去荃灣千色店, 見到有8折優惠, 今次終於忍唔住要買d野, 另外有d產品重有特價, 平時正價都要5百幾的marquee, 今次做特價賣$299咋, 真係有d心郁郁tim!!
P.S.千色店優惠會做到出年1月3日止.
PAKA 資訊:
2009-12-9 - 森林家族折扣優惠
森林家族聖誕折扣優惠現已展開
2009-12-9 - 森林家族新貨到港
大量新貨品趕及於聖誕節前和大家見面。
包括萬眾期待的日本版幼稚園(23650)、最新款的旋車馬(21620)、
歐洲版藍色庭院餐廳屋(02765)及英國版豪華遊艇(04709)。
依款歐洲版藍色庭院餐廳屋, 我諗好多森林家族FANS都一定等到頸都長幾吋, 唯一不足之處只係歐洲版而唔係日本版, 不過唔知佢地有無咩唔同呢, 就算無我地依D fans都真係鍾情日本版吧!
2009年11月23日 星期一
冬天必食
上星期氣溫急降至12-13度, 咁凍當然要食返D暖笠笠o既野暖下胃喇.
熱辣辣, 香噴噴的煲仔飯當然係不二之選!!
我同黃生有日去左旺角都要一人一煲至得呀!
我個鱔煲真係無得頂, 食到煲底d飯焦真係好滿足, 好耐無試過自己可以成煲清晒, 係厭d醬濃味左. 黃生食臘腸滑雞煲, 佢話都好正!
早早未凍已經忍唔住去活記打邊爐, 勝在平平地樣樣有d又方便.
到上星期咁凍, 出去食又貴, 都係買d自己喜歡的材料返屋企舒舒服服咁打邊爐就最正!
食前重跳跳扎的瀨尿蝦$20/斤, 又大隻又新鮮, 真係鮮甜多肉!
第一次試買的魚雲(魚頭), 出去食就食得多, 今次第一次買真係好有驚喜, $40有找又大件多肉(出面食一定又貴又細件), 重真係第一次食到叫出聲"真係好好食, 好新鮮呀!!" 下次都一定再買! *買時可以叫佢斬埋, 話打邊爐o既.
兩丁人, 重要黃生唔多好螺肉, 但自己想食, 都係買左1斤$16/, 好在無買錯, 好新鮮爽口, 煮完唔會無晒d螺味!
食慣左牛肉檔肥牛, 雪花最均混, 最重要有牛味.
銀龍雲吞水餃各半打, 貪佢夠足料, 鮮蝦大大粒.
依排興食西洋菜, 打完邊爐又有西洋菜湯飲.
點少得我至愛炸枝竹.
開餐喇! 打邊爐梗係要可口可樂喇!
訂閱：
文章 (Atom)