重溫砂鍋

終於上新一集砂鍋, 係時候溫集一下

Chips Republic & 我的少女時代

有免費戲飛睇"我的少女時代", 好笑好睇, 唔怪得台灣大收.

2點幾睇完戲時間還早唔太多人, 最方便去隔離 Chips Republic醫肚.
至愛食依間的Fish & Chips , 魚肉厚之餘咬得特別有口感,  炸得外面香脆但裡面仍保持魚肉的水份!
配埋milkshake, perfect!

Jurassic World, Jurassic Park

去戲院睇完 Jurassic world 意猶未盡, 夜晚返去搵套 Jurassic Park 睇, 恐龍就係有種魅力!

TWISTER & Into The Storm

剛睇完 Into the storm 太正太刺激！忍唔住買返隻Twister睇，相差18年的特技都算唔錯！

Chips Republic, GODZILLA, Fairyland, 雞蛋花

中午到 Chips Republic食 fish & chips , 接住睇 GODZILLA, 結尾有意想不到的結局, 都不錯!

夜晚去左FAIRYLAND食韓式炸雞, 黃生自己飲埋啤酒, 嘆!

海鮮餅麻麻, 太厚粉, 又唔夠脆.

原味夾辣味炸雞,  同平時食開的KFC,芝脆雞真係炸得唔同D, 佢係用原隻雞炸, 粉不太厚, 肉不會炸到鞋口, 係貴少少姐. $160/

配上酸瓜中和熱氣.

在屋企樓下執的雞蛋花, 又香又靚! 可惜天氣太熱, 擺唔到幾多日.

spider man sweet part

睇Spider Man時最sweet的一幕!

Gravity, relax with Latte, 吉豚屋

又過去九龍灣, 飲完茶去了睇Gravity, 本來覺得在太空漫遊無咩好睇, 原來都好刺激好緊張呢, 最有趣是有好多畫面令我思考是怎樣做的特技, 一點也不簡單.

緊張心情未平, 去了pacific coffee 飲杯 latte 鬆一鬆.

晚餐又去了食我近期熱愛的吉豚屋, yummy!

Warm bodies, Jack The Giant Slayer

情人節後睇了Warm bodies, 雖然拍得一般, 但提材係我至喜歡的zombie, 而且重係有heart有愛的, 確實新穎!
因為睇了依套戲而對男主角感興趣, 咁啱剛上畫的 Jack The Giant Slayer 又係佢做, 估唔到咁好睇, 好有娛樂性的童話故事!

搵下資料, 原來男主角 Nicholas Hoult 係 "About a Boy" 小童星, 真係估唔到細個面圓圓, 大個另一個樣.

一代宗師

好多好多年無睇王導的戲了, 因自知唔會睇得明.
上星期剛上畫的"一代宗師" , 終於有一套提材吸引我去戲院睇, 為的都是看功夫...
看完這套戲, 只覺得始終不是我杯茶, 粗糙的畫面, 賣藝術風格的鏡頭, 我明白這些都是王導的招牌... 可惜cut得七零八落的內容是我睇得最無奈, 導演有導演的風格, 這個我明白, 但我是一個簡單人, 這種不簡單的戲確實不適合我.
想不到苦練多年功夫的張震在國內得了舞術獎, 但出來的戲未能明顯看出他的真功夫, 看到的仍然是唯美主意的鏡頭, 大特寫拍攝, 一場唔夠還拍了兩場的雨下打鬥,  感覺多了點... 開幕有刻還非常失禮地眠了一會, 平時的我係唔會咁唔尊重的, 唔想睇都唔會比錢入 戲院睇喇, 只係我真係頂唔住...
還好黃生依然話好睇, 所以好唔好睇係好個人的, 真係要自己參透.

《一代宗師》(劇情解剖, 來得細緻好看)

http://news.china.com.cn/live/2013-01/10/content_18118606.htm 编剧徐皓峰解說

http://www.infzm.com/content/84878 王導解說

007 skyfall, resident evil - Retribution, taken 2

上星期睇左新一集007 skyfall, 可能之前拍得幾好, 覺得今集比較遜色, 無論與女主角的戲份, 及戲中劇情都不及上兩集.


睇左好耐的 resident evil - Retribution 可能已經係上個月, 做到已經唔記得第幾集, 係我睇過最差的一集, 全套戲比一個劇情須要的情景困死, 欠缺自由度與空間感, 怪物亦欠缺新意... 最可怕係李冰冰的造型, 真係太肉酸了, 什麼年代重用n年前紅色開叉裙造型, 太out了吧!  結尾亦留一個大服線, 留待下一集表現...

taken 2, 雖不及第一集咁新鮮, 但都營造到最重要的緊張元素, 還記得睇第一集睇到我好緊張好激動, 兩集都咁值得睇!

之前重有好多戲睇左都無寫, 希望自己唔好再咁懶, 總想幫自己做個record...

The Possession

又係恐怖片時間, The Possession 係真人真事改篇, 睇之前上網搵左d資料, 越搵越感興趣, 雖然戲中故事並非真實內容拍出, 但故事內的盒先係最重要的主角!! 套戲拍出另一個內容, 恐怖感都是來自真有其盒!!

真實係一位前主人經多次轉手買到一個經木匠特製打唔開的盒, 賣方亦提醒千萬別打開, 而每個擁有者都會奇怪地出現某些現象, 爆電燈膽, 屋內有好濃烈的貓尿味, 有些人會掉髮, 更有些會急病死亡...
最靈異係物主經ebay拍賣, 希望放售這不祥之物, 雖然拍賣已經完結, 但我都有機會經網站睇到這個盒, 還睇到盒內裡的真身圖片!!  有人覺得唔應該在網上發放, 覺得不幸會在網上散播, 恐怖但又好奇心之下, 我與同事都開左黎睇, 放心我地都無咩事, 我亦無掉髮, 只係覺得實在好詭異!! (下面有link, 膽小者勿看!!)


更多真實內容及盒的真身相片link: http://leo231.mysinablog.com/index.php?op=ViewArticle&articleId=3673851

電影內容:
一宗震驚eBay的真人真事靈異交易。
一個二戰時期的古董木盒被放上拍賣網出售，2004年在eBay成功找到買家後，謠言隨即四起，有說原物主曾警告絕不可打開木盒，否則禁閉盒內的邪靈將重臨人間！一名女孩從雜貨攤買來一個殘舊木盒，她好奇地把它打開了，連串怪事纏繞而來，並危及她和親人…
獲獎無數的《看夜更》名導演奧勒邦尼戴伊Ole Bornedal以驚駭手法把這一宗真人真事故事拍成電影，解開神秘木盒的魔咒之謎。

普羅米修斯

上星期五睇了  "普羅米修斯" , 即係異形前傳, 個人狀態不太好, 開頭睇較悶想瞓, 感覺戲中不太多重頭戲, 始終係講前傳吧, 話雖如此, 但有睇開異形的人一定捧導演場, 經典異形場面不多, 最主要係想追索她的由來, 睇完仍令我思考一些未交代的問題.
第日返屋企搵返第一集睇, 有些地方勾起回憶了, 一些地方及場景亦變得有連鎖貫性.

黃生搵左本postcard book比我, 原來係異形的設計師 - Hans Ruedi Giger 出的一本畫冊, 內裹都係一些設計複雜獨特的人體與物體的結合圖, 感覺詭異, 但實在有一種令人注目的神秘感.

REC 3

等左咁耐, 終於出REC 3, 睇完trailer, 始終喜歡上一集多d, 因為玩到有魔鬼元素, 感覺更新穎更恐怖!

失戀33天

一套見到戲名已經唔想睇的戲, 見係蝸居導演拍, 還有部份出色演員演出, 都想睇睇依套收過億的戲有咩特別.

一開始未能投入, 仍未攪清楚什麼風格, 睇多陣, 有些少開場effect, 幾有趣, 環境拍攝得一點也不似內地, 女主角雖樣貌平庸, 但導演就是喜歡搵這種平凡氣質的女子做主角, 演技才是最重要吧.  

一會兒, 開始入正題, 開始感受到女主角所經歷的失戀, 傷感, 絕望, 被背叛的心情, 看著女主角出色的演技, 亦帶我回想一些當年失戀的心情, 好自然就將觀眾容入了戲.

戲內好多抵死, 精湛, 妙絕的對白, 看得出寫這套戲的用心, 不是求其而拍, 到看完時, 亦很回味剛看過的內容, 絕對值得花錢看的戲!

Music and Lyrics

一套已經係我心目中變成經典的電影"Music and Lyrics", 今晚在電視重播, 見到時已經尾聲, 好在屋企有隻dvd, 即興拎返出黎睇先.
再睇比第一次更入戲更get到笑位感情位, 淨係一開幕場勁80年代經典music video已經笑到我捲埋, 另一樣咁80年代 feel 的歌曲"Meaningless Kiss" , 更係sound track內最喜歡聽的其中一首歌. 無論戲同歌都咁正!

"Music and Lyrics" trailer, 一開幕就有勁攪笑的80年代經典music video



"Meaningless Kiss" 勁80's, 勁chok到抽筋, 笑屎我. 好難先搵到可以share的video, 但質素有問題,
如想睇更好的可去 http://www.youtube.com/watch?v=Yxg3U63zaTk



"Way Back Into Love" - 特登搵到全part 戲的一幕.

Mission Impossible 4 - Ghost Protocol

襯未好忙, 星期2晚去睇Mission Impossible 4 - Ghost Protocol
無祈望咁去睇一套睇開的電影, 依然劇情緊湊, 重非常刺激到感觀, 我都不嬲大膽, 但有part都避不及突如其來的驚嚇, 可能唔係睇驚嚇片所以無備而來吧.
今集Tom Cruise老左好多, 無以前咁sale 樣, 但反而咁重好, 大家會專注返佢做戲, 其實之前睇開幾集M.I.都覺得Tom Cruise比較獨角戲, 但今次team work多左, 唔同性格的team member合演更巨娛樂性, 去左幾個國家城市取景拍攝:RUSSIA, DUBAI, INDIA,  增添不同國家元素特色, 實是一套值得入戲院睇的戲.

《那些年，我們一起追的女孩》 《Real Steel 》

剛睇左兩套好睇o既戲, 尤其近日大熱的 《那些年，我們一起追的女孩 》, 雖然係台灣戲, 但剛好係我讀書的年代, 開場講背景說當年張學友專輯"吻別"大賣唔知幾多萬張等等, 令我睇得更有共鳴.
雖然多數都係講男生的感覺, 不過都會諗起讀書時一定有班白痴, 幼稚的男同學在身邊, 只係依班人實在愛不落手.
男主角靚仔, 演得夠幼稚討好, 女主角不是那種一看就是美人, 但越看越有味道, 想不到她真的一副中學生樣子, 已經20有8.
主角一段無開始的關係, 享受當中愛與被愛的感覺, 才令大家的友情更深厚久遠.
同意人話戀愛最美好係曖昧的時候, 無開始, 大家美好的一面亦可永遠保留.
戲中有好多笑位, 最記得係男主角在天台大聲唸英文時, 同對面阿叔對罵, 重要用英文粗口一人回一句, 以為罵完又未完, 真係笑到我拍晒手.
重有好親切好好笑的台語, 總令我記起兒時大人唔想我地小朋友聽但我又明佢地講的是粗話, 都係同台語一樣的.
充滿回憶, 值得一睇再睇的一套戲.




【那些年，我們一起追的女孩】電影主題曲《那些年》官方正式MV



《REAL STEEL》我覺得比《那些年》更好睇架, 不過戲路唔同, 又各有各好喇.
其實位童星比男主角演得更突出, 好戲好串好老積, 不過又唔討人厭, 好多場都好笑, 最初就係o係街聽到人話好笑先考慮睇, 因為覺得依套又好似IRON MAN咁上下, 會欠缺新鮮感, 但原來完全係另一種戲路, sale熱血, 唔造作的溫情, 戲情亦寫得好, 實在比預期好睇, 等出碟!

買碟: Bridget Jone's Diary , 竊聽風雲, Maroon 5

行過旺角, 見到有我至喜歡睇的Bridget Jone's Diary blu-ray 減價, $199/3隻, 揀埋miss potter , 黎緊聖誕又可以煲Bridget !
早排聽講 "竊聽風雲2"好正好收得, 想搵返第1集又搵唔到, 終於見到有, 價錢$145/.
依排喜歡聽Maroon 5, 買返隻"HANDS ALL OVER", 諗返起, 最初喜歡Maroon 5都係因為Bridget Jone's Diary 隻 sound track.

**記錯左, 係"Love Actually" sound track先啱.

Cowboys & Aliens (天煞西部反擊戰)

有次睇到Cowboys & Aliens trailer好掂wor, 西部牛仔有咁強的武器對外星人, 等左咁耐, 終於昨晚抱祈待心情去睇, 點知反而有點失望, 唔係話佢好差, 只係內容無咩特別情節, 太公式化, 唔夠驚喜同笑位, 小孩的角色亦無咩作用, 女主角背景講得唔夠, 重無得留底, 實在有點過於祈望, 話須如此, 喜歡alien 的我點都會睇佢咩攪作, 都可一睇o既.

猿人爭霸戰：猩凶革命

星期二晚同黃生睇猿人爭霸戰：猩凶革命, 比想像好睇, 有超可愛的猩猩baby, 有精細的CG, 亦令我諗如果我家寵物變得聰明, 我地的關係會變成點.