北海道雪國之旅明天終於出發, 到依家我都未執行李, 陣間都要開始喇, 今次係第一次冬天去北海道, 同上次夏天去係兩個景象, 到時要試下砌一個雪人, 影多D相返黎再同大家分享.
2009年1月30日 星期五
初一至四的忙碌
新年咁多假都係無得停的時候, 例牌初一初二返娘家, 奶奶, 婆婆全家族, 嫲嫲全家族咁一次過拜年, 最熱鬧最齊人亦係最忙碌.
初三就招呼黃生的一班舊同事黎我家拜年, 睇下碟, 食埋盤菜又過一日.
初四約埋去黃生o係singapore返黎拜年的表弟, 未婚妻and friend上深圳按摩,食野...
中午由文錦道去到東門, 朋友介紹食一家小店的拉麵, 望落普普通通, 7蚊碗的牛肉同羊肉拉麵, 雖然肉好少, 但湯同拉麵都真係幾好食.
(牛肉拉麵)
(羊肉拉麵)
下一站搭地鐵去"少年宮"行書城, 之前先去starbucks hea下飲下野
隔離就係KFC, 當然叫返幾件雞試試, 黃生買左個無炸的辣雞翼, 少少辣, 幾好食.(無影相)
hea完去書城睇書, 本來想買返幾本貓貓書, 點知寵物書少不特止, 書內字多圖少, 紙質又差, 實在簡唔落手.
內地同胞的坐地文化.
書就無買, 不過就買左幾隻碟, 今日睇左隻"葉問", 真係打得勁, 打日本鬼睇到我都好振奮, 另外有"女人不壞", 久石讓 piano music, 黃生重簡左套"亮劍", 佢話好出名好好睇wor.
買完碟就去按摩, 實在太耐無去按, 搏頭簡直嚴重僵硬化, 比佢按到我叫晒"救命", 到依家都重好痛, 不過唔按得痛又唔會鬆到肋.
鬆完肋當然去醫肚喇, 今次終於食到正牌"小肥羊", 之前食親都係個名差不多的假野, 一d都唔好食, 今次去食真係無失望, 牛肉同羊肉都只係30多元大大碟, 比香港食的便宜好多, 6個人食飽飽都只係5百多, 而味道一樣咁好食, 下次都一定再黎!
重叫左個"黃金大包", 油係多左d, 但外面炸得脆, 又甜甜地, 我唔好食包都覺得幾好食.
2009年1月26日 星期一
年廿九逛維園花市
年廿九難得有心機去維園同人迫, 決定同黃生出去睇下今年有咩特別野買.
千元大鈔花車
獨家牛公仔
港式雞蛋仔, 要幾燶有幾燶, 重好大塊
豆腐cushion一堆
公仔揮春
牛年有肥牛毛巾
鮑魚cushion
無留意係咩黎
乳牛被褥
哈哈, 依個超樣衰o既鼻涕蟲公仔, 睇見都想(中)佢!
花市整個咁o既野唔知做嘜...
一班落力sale牛肉串的學生
一堆cushion公仔在山上...
funky sticker
金牛山
吹氣 iphone
日本地方牌
超大粒吹氣金,銀沙
真係人山人海, 見唔見到我o係人堆中豎起勝利手勢呢.
不過總括黎講今年花市的東西同幾年前差不多, 無咩特別, 所以我都無買野, 今次行完, 暫時幾年內都唔會再去維園lu.
今年年廿九都真係幾凍, 只有9度, 行埋灣仔準備閃人時, 真係好想飲杯hot drink, ha, 又比我一眼望到starbucks就在眼前, 買左杯hot chocolate飲即刻warm晒!
haven公公
成個星期無上網, 年廿六就開始放假, 當日都終於book左幫haven做desex, 本來都算順利, 不過check完先知haven其中一個蛋蛋係生o係近肚位, 不過都好在唔係正正生在肚裡, 唔係手術都會特別危險, haven in case都要開兩個傷口做手術, 價錢亦要double, 但最重要手術順順利利.
一返到家, haven都好精力旺盛, 伸個懶腰就周圍行.
不過初初都好抗拒個頭套, 睇佢用手係咁推就知.
行黎行去, haven都係要返去舒適椅, 不過hugo唔多認得細佬, 係咁fee佢.
行到攰攰地, 坐o係sofa反晒白眼簾.
最後都係返自己張床抖抖.
2009年1月24日 星期六
2009年1月20日 星期二
2009年1月17日 星期六
收穫的persian cat, 2009 calendar, 冷帽, 冷手套
臨放新年假前, 其他department都會輕鬆迎接, 但我個team就真係做到趴o係度, 我o既工作唔係可以ot就完成, 要在office hour內掙分奪秒, 所用的精力相對透支.
做到幾攰都好, 都好想出去行下街輕鬆返下, 星期五晚都係要同黃生出去沙田, 其中目的少不了森林家族, persian cat family出了, 當然都要買返set, 拆開睇下佢d毛毛, 同想像中的一樣, 有小小硬的感覺, 不過......
Persian sister穿著條lace花邊吊帶裙, 都真係好可愛架!
最開心重有得換購2009年的CALENDAR
因為今年的圖冊真係特別靚麻!
終於比我簡到頂靚靚冷帽同手襪, yeah!
訂閱：
文章 (Atom)