中秋就到喇, 往年買落的兔仔燈籠已經變黃, 所以一早就掉左喇, 前一晚去左元朗D紙扎舖睇, 比我睇到有同事提起的絨布免仔燈籠, 白雪雪, 滑nu nu, 就買個玩下.
今次依隻兔, 面部已經唔再用紙做而改用尼龍, 襟用多d, 眼睛亦唔再用水彩筆畫咁馬夫, 用反光紙變得精靈得多, 個身同耳背d毛都好靚架, 尾巴重好cutie!!
不速之客hugo來也...
掛出黎都好靚架!!
2009年9月22日 星期二
2009年9月20日 星期日
輕鬆舒暢行長洲
上星期五同黃生放假, 剛感冒病好, 之前好多野都唔食得, 所以一早起身就去酒樓嘆茶, 食我好想食的錦鹵雲吞.
嘆完一盅兩件, 今日想遠離繁囂的都市, 好似要坐過船先覺得去到一個可以令人輕鬆舒暢的地方. 今次坐快船去長洲, 只須半個鐘就到, 其實我覺得坐慢船都好架, 可以慢慢欣賞咁靚的海景麻.
見到咁閃閃發光的海水, 心情已經好左一大半.
除左有黃生陪, 重有依個表情多多的小朋友, 佢重笑笑口同佢mami告狀話我影佢相, 其實佢不知幾enjoy我影佢...haha
同上次去南丫島一樣, 臨上船前去citysuper買d刺身上船食, 今次螺肉就一般, 不過帶子就鮮到不得了...yummy!!
無入到去的北帝廟, 建o係兩個籃球場前, 感覺有d特別.
廟旁有幅咁有趣的壁畫.
行經民居的午睡貓
依隻瞓到好似暴斃左o係地咁
去到東堤出面的海灘, 見到真係好靚好舒服!!
睇靚景係有代價架, 依日真係好好天, 個大陽真係可以曬燶人呀...
我都好耐無試過d汗o係頭頂流落額頭到...- -"
到左tea time, 平時人地食開的海鮮同特色小色通通都無試, 就係為左捧正生場. 
佢地舖位真係唔大, 得四張枱.
不過食物都有唔少選擇, 一定有款啱口味.
我地叫左個2人set, 有意粉, pizza, 雞翼同兩杯飲品, total$85/, 特飲只係另加幾蚊, 真係好食又抵食, 抵讚!
食飽飽又繼續行, 周圍睇.
行到3點幾已經閃喇, 其實長洲唔算多野睇, 不過至在今日人少少, 舒服d, 又睇下貓睇下海, 算係過左個輕鬆的一日喇. 唔知又要等幾多年先再黎喇...
買左個新魚袋比hugo haven做手信...
我都少有地揀左條手鍊, 黃生都揀左個超平的龍貓擺設$39咋.
2009年9月16日 星期三
2009年9月3日 星期四
窮富翁大作戰
一套好值得生於香港衣食無憂的人睇的真人show, 從上流社會中揀選一些人去體驗貧窮的生活, 外國時常都有依類較娛樂味重的節目, 但香港電台今次拍的會同時探討個中實質問題, 反思性很大, 拍得實在很好!
就算知道依個世界係有窮人, 知道自己生處的香港係有人瞓板間房, 有人攞綜援, 有人瞓街等等..... 都從未見過實際生活的惡劣情況, 半年前金融海嘯發生後都曾聽過有人批評政府如何忽視板間房居民的困境, 今次在節目中睇見班有錢人去過窮人的生活, 艱苦從中來的滋味, 看在眼裡的我也感受好深!
睇完後定會發覺, 自己生活的環境已經好幸福, 亦要好好珍惜!
p.s. 一連五集, 逢星期六晚上7點本港台播影.(以上3段是第一集)
訂閱：
文章 (Atom)