睇完戲當然o係isquare搵埋食先走, 黃生揀左依間 "浪漫館橫濱".
黃生食吉烈豬柳餐, 外層都炸得好鬆脆, 肉質都嫩口, 味道唔錯, 但亦唔覺有咩特別好食.
我個吉烈炸蝦帶子餐, 蝦係大隻, 但肉質唔彈, 帶子就又大隻又有帶子鮮味!
2010年1月30日 星期六
終於睇左AVATAR
昨日終於睇左AVATAR, 點解咁遲先睇, 咪就係已經成個月前上網 book 去 isquare 睇 imax 3D 版.
先講套戲, 之前都見個個話好睇架喇, 重話太多精彩畫面睇唔晒而要睇多次, 我亦覺得故事內容, 畫面都真係精彩絕倫, 驚喜不斷, 所以要睇多次真係平常事, 雖然我唔係話睇得晒咁多精彩畫面, 不過都算有7-8成以上, 要回味都係可以等出碟先.
話明3D imax版, 套戲立體感好強, 自己去戲院睇3D戲都睇過幾次, 第一次睇時feel到好high好立體, 真係感覺到surprise, 到依次可能配合到一個精彩的畫面及劇情, 實在令我再次有surprise的感覺!
趣事: 依副3D鏡鏡面好大, 睇戲時唔會見到邊框影響視線, 不過始終依D眼鏡唔係fit size, 我睇完去洗手間發覺鼻樑同眉中都有條幾深的眼鏡印, 睇到自己個樣真係傻到笑, 幸好無黃生同其他人咁睇到有頭暈的感覺.
講返isquare戲院, 建於tst新商場內, 好多日式食肆選擇.
如要睇imax院線, 今次黎 isquare 坐 J行, 算係剛剛好對正螢幕, 當然坐高d會更好, 但再坐底D就定睇得好辛苦. Isquare imax螢幕孤度感覺好似無megabox imax咁大, 可能只係我上次睇後者時坐得前, 包圍感相對較大吧.
戲院外好多休戲坐位比等候的人, 環境感覺舒適.
2010年1月25日 星期一
小魚滋味, 吉野家打邊爐
上星期同黃生去左依間小魚滋味試下, 見門外D食物相o既賣相好得所以吸引我入去...
叫左個魚肉什菜鍋, 食物一般喇, 有魚有菜,芋絲,烏東同冬菇,最重要都係有個爐罄住個魚湯, 其實魚湯先係主角, 湯夠熱就更加好味!!
魚腐拉麵- 魚腐幾好, 拉麵就太淋喇, 都係個魚湯至正! 不過食食下無咁熱就開始有少少腥架.
炸魷魚鬚 - 唔錯喇.
依杯稱為 - 懷舊紅豆冰, 真係正wor, d紅豆煲到淋晒, 值得推介!
總括: 2人埋單160有找, 食物味道不過不失, 黎到太子唔知食咩好都可以一試o既.
再早排終於試左吉野家個火鍋, 日式火鍋係偏甜, 不過我又覺得唔錯.
火鍋材料我覺得算多, 有腐皮(我至愛), 別緻人手製福袋--食得架, 係腐皮包日本年糕, 食落幾特別, 不過我麻麻so比晒黃生食, 冬菇加什菜, 包埋烏東, 當然有招牌肥牛(都有4塊以上架, yummy!), 另外再order多set肥牛, 方型魚蛋(都幾彈).
貝殼類唔記得係咩(太腥, 黃生唔覺所以又比晒佢).
一個火鍋加配菜加多個牛肉飯, 兩人食$100有找.
2010年1月24日 星期日
2010年1月22日 星期五
巡舖 . 直擊新貨上架
WAWAWA!!! 前兩天去元朗千色店巡舖, 估唔到牛牛家族已經到左港重上埋架喇!! 依set我係必買o既, 不過都係等做discount先買喇.
新品 : Bus Driver and Conductor , 另外重見到新出的Green bus, Cow baby Twins...
上星期去左太古約朋友食飯, 咁難得去依邊當然要去埋APITA巡舖喇, 不過當時就無咩新貨.
感激koala的禮物
昨天終於有機會同koala見面, 比左份hold左好耐的東西比佢, 估唔到koala就係唔好意思, 買左份禮物比我, 我收到後真係好感激, 重要一拆開, 估唔到koala竟然揀左份我真係有諗過買的playmobil piano set, 而且有music架, 真係好開心會有人咁有自己心揀到份自己咁心意的禮物!!!
Thank you so much Koala!!!
2010年1月18日 星期一
10年好友gathering
大大話話同依班好友已經識左10年喇, 睇住佢地一個個生小朋友到長大, 真係好似唔係好耐的事, 今次到cookie搬新居, 一齊相約去佢屋企參觀下先.
裝修得好white好舒服
至喜歡咁大張sofa, 我有就唔洗一家四口成日掙位坐lo...
幾欣賞依d咁古色的搬設, 主人家話有d係60-70年代的製品, 但講到最貴都係下圖中間的o個件, 要幾萬銀架......
好耐無見justin, 2年級就咁高大, 重係全級最高.
謙謙大個仔喇, 上次睇佢重係手抱bb, 今次歲半已經周圍走.
之後去左間 奇味小廚 食晚飯, 我不嬲喜歡食小菜, 而依間水準亦幾好, 尤其有我愛吃的椒鹽九肚魚, 另外個燒汁鱔片, 真係好夠味, 朋友特別推介個小炒皇(韭菜炒銀魚), 重有個狗仔鴨煲, 佢地個個都話好食, 我就欣賞裡面d枝竹多d.
2010年1月13日 星期三
jp sf new products in Feb 2010
上年d新貨都未黎齊香港, 新一年日本又推新貨, 睇下今次又有咩先.
上年出幼兒園, 今年出返間小學, 睇間學校外觀設計同隻色都好配合, 驟眼睇有d似歐洲樓房或教堂.
課室重好寬敞.
從來都唔買學校的我, 唔知今次會唔會破例, 我應該都忍得到o既...
今次依款新家族真係造得好可愛 (其實有邊款唔可愛呀), 依款鹿家族又係宗耳色, 最特別係女性耳窩都係心型架, kawaii 呢!!!
返學的裝備, 不過都係熟口熟面的舊設計.
學校亦要有午膳提供.
近睇鹿妹妹重可愛過朱古力兔.... >o<
音樂課設備齊全.
黎個大合奏無難道呀!
重可以分兩層演奏, 陣容頂盛!!
王子與公主話劇, 個個都想有份表演呀!
男女校股set.
除左學校, 重有依個baby climbing frame, 又唔錯wor...
如果多小朋友, 最適合買依款1set 3張床, 唔洗掙之餘重可lon高放慳位.
終於出 twins pram, 好正呀!
香港地, 地方細, 有個size細d o既焗爐都可以慳唔少位.
breakfast set, 有多士爐, 生果, 麵包, 食得特別醒神!
訂閱：
文章 (Atom)