姑姐今星期生日, 提早上星期六慶祝, 今次無出去食, 選擇自己o係屋企攪扒地, 好耐都無試過自己整食物喇, 炸春卷, 牛丸腸仔菠蘿, 烤雞翼, 豬仔肶, 肉醬意粉, 鮮荔枝特飲, 食得好滋味!!
黃生重handmade左個木槺布甸, 個個都幾欣賞, 可惜唔記得影.
重有沙律, 食埋個好耐無食的芒果脆脆生日蛋糕, 滿足晒.
趣事: 姑姐話kathy表妹幫手包春卷時, 包好左就即刻拎左件黎食, 一路食一路好滋味咁話好味, 但最抵死係件春卷重未炸架... wahahaha 當堂笑死左幾個.
失而復得: 早一晚去買左份禮物比姑姐, 當晚去埋百佳買野, 返到屋企沖埋涼後開開心心歎電視, 睇到咁上下 12點幾突然成個彈起, 叫晒救命同老公講, 死喇! 頭先去百佳買野留底左份禮物掛左o係購物車呀, 攪到成個人無晒心機, 諗住第日都要出去買過份, 第日8點幾已經醒左打去問問有無百佳職員幫我hold起, 佢話已經有個男人拎左喇wor, 知係黃生拎左, 即刻開心晒繼續瞓!
上星期五同黃生去左尖沙咀, 好耐都無再去重慶食咖哩, 同事o係重慶都試過幾間, 有間多人食到次次都有排等, 建議去另一間少d人又有水準, 其實已經唔係第一次黎, 多年前已經黎過一次, 咁多年無黎, 裝修左, 牆上重畫上幾靚o既油畫, 最重要唔太多人坐得舒服.
拎左同事張9折卡, order 左個2人餐, 不過食物份量唔係咁啱, 計過都係散叫會抵食d.
辣辣地的牛肉咖哩, 黃色係雜菜咖哩, 有少少甜都唔錯, 兩樣用薄餅點黎食最正.
2人餐的五香雞份量唔夠, 所以再另外order一份淨五香雞, 滿足晒!!
2人餐 $160/(圖2,3食物, 加飯及兩杯汽水), 五香雞 $58/, 另有9折.
老實講, 散叫份量會多d, 價錢亦差不多.
星期五佛誕, 約左成班老死去左其中一個friend屋企人個珀麗灣會所bbq, 天氣真係夠晒surprise, 好天後又落起大雨, 好在都燒得7788, 亦有把太陽傘頂住, 更好在主人家夠細心, 搵人拎左10把傘比我地o係最後勁大雨時遮住個背脊, 依個天氣下bbq, 未試過兼過足晒引.
book唔到有冷氣房的燒烤爐(個爐o係戶外的), 室外位置都ok, 基本設備充足, 有洗手盆o係隔離, 可坐10多人的方形餐枱, 亦有太陽傘供應.
最抵食係依隻個貝殼有手掌(唔計手指)咁大的花甲, 只要$10蛟4隻, 個個都話正, 食落重有海水味, 可惜買得唔多.
美味什菇, 都係去荃灣楊屋道街市2樓一間咩菇都有的老闆介紹得好.
鮮甜蝦, 係熟左d姐.
平時只會打邊爐或椒鹽的九肚魚, 今次bbq都買黎試下, 無諗過咁好食, 鮮甜不在話下, 只須加些少蒜蓉用錫紙包住燒, 個皮重會有少少金黃香口, 下次都要o係屋企用焗爐再煮過至得!
個個食得相當滿足, 身後重有一大班外國人, 值情好似身處外國.
重比個可愛金髮小b黎踩場..
飲飽食夠, 上左去朋友家人屋企抖抖, 個人都未坐定, 已經比個無敵大海景吸引住, 重有個特大露台... 唔係講笑, 靚到雙眼發晒光!!!
真正有山有海, 重睇到個又大又寬的海陸空景色在一窗之隔.
露台外重有樓梯上天台, 點知上到去重驚喜, 見到個起碼可以坐4人的露天風呂, 依D咪就係豪宅.
海天一色, 聽主人家講, 黃昏重見到好靚o既日落...omg!!
L形大窗真係大到不得了, 重要依個只係其中一邊咋, 另一邊就係出露台位置.
見到身後個景, 實在羨慕到極!
羨慕完, 行程未完, 出左去遠望挪亞方舟再行多陣...
返返去珀麗灣私人會所玩埋下半場
依個係function room其中一角, 特大客廳, 飯廳
open kitchen, 幾十人開party無難度.
入面重有卡拉ok房, 大到坐唔晒.
重玩埋我第一次玩的自動麻雀機, 親身體驗, 真係幾新奇, 最正係慳搭牌的時間.
依日實在玩得盡興!!
一早就去搵新monday crossover Adidas 隨書附送的相機帶, 自己買本, 同事都幫我買左本, 多左做spare.
兩條都係黃色, 唔係成條黃, 係其中一條幼帶係黃色咋, 最初我都誤會左.
總共有5隻色, 分別藍, 綠, 黃, 紅, 黑, 而全部主帶都係用adidas最classic的藍色加3間.
最重要依條帶係worldcup版, 買本離誌就有, 絕對抵玩.
IRON MAN 2 - 今集OK喇, 精彩場面當然唔少, 係太多野講, 如果精神唔夠集中分分鍾會瞓著, Scarlett Johansson 靚女當然打得特別有睇頭.
葉問 2 - 絕不比第一集遜色, 打得精彩, 可能睇得太多特技片, 睇返D中國武術令人特別振奮, 好耐未試過用祈待的心情等著睇, 尤其洪金寶同甄子丹打o個幕.
最欣賞葉問一句: 我們的身份有高低之分，但是人格不應該有貴賤之別，希望從這一刻起，我們都能學會彼此尊重!
另外一評葉問 (1)的blu-ray, 隻碟就出左好耐, 最初都比人踩到不得了, 隔左咁耐到葉問2上畫, 諗住都買返隻試下先, 反正自己部電視有增線功能(提高畫質), 點知增咩Q都無用, 隻碟重差過dvd, un眼不突只, 完全覺得被騙, 當時真係覺得套劇有咩中國精神都無用, 中國人都搵中國人笨! 何其恥辱!
上個月去元朗行街, 行開一間boutique有款好可愛的日本動物公仔, 其實都喜歡左好耐架喇, 起碼都成年以上, 次次行過見到都會好羨慕咁望多幾眼, 但就唔敢買返屋企, 始終自己已經收養左唔少動物, 有hugo, haven, 重有一大堆森林家族子民 = =", 所以真係望下好喇...
終於, 今次都係忍唔到手買左返屋企, 其實覺得自己已經好叻, 可以忍到咁耐, 可能剛去完日本返黎, 感覺都係掙d野咁, 到o個刻得到佢地的感覺, 係唔容易得到的東西係特別喜歡特別珍貴!
已經係last one的panda, 感覺特別珍貴罕有!
咁可愛的bear bear係我第一眼最想買回家的.
兔兔不嬲都係我至愛.
用flash影, 閃ling ling的毛毛好靚好吸引!
