終於等到Toy Story 3出blu-ray, 當然買雙碟版睇special feature, 畫質絕對靚絕, 送埋dvd & 1式4款杯墊. $249/
早排返娘家, 見到有盒Toy Story 3的Woody & Jessie interactive buddies, 心知一定係阿妹d追求者所送, 亦知佢一定唔要, 所以好輕易咁就據為己有 good ...
得閒聽佢地講野, 好funny!!
2010年10月31日 星期日
2010年10月26日 星期二
Jelly Belly mini box
上星期同同事去永安買個最大的Jelly Belly扭糖機, 特價$258/ 送400g糖, 重有得抽獎, 同事抽到下面個mini box送左比我, 剛好要黎裝我買比黃生的糖, 個box同店裡的裝糖盒一樣有埋個(筆), 相當過引 !!
咁大個女都係第一次食, 原來都幾好食wor!
2010年10月24日 星期日
2010年10月19日 星期二
BOUTIQUE小姐的服務態度
唔知各位平時行街shopping時會唔會有咩不愉快經歷呢?
上個星期我行聯合其中一間boutique時, 好老實, 睇啱件衫都要問下幾錢先, 太貴就唔值喇, 有d舖就係喜歡唔show價錢, 比人覺得好似海鮮價咁. 咁我就問幾錢喇, 佢背住我答就繼續同個客傾得好開心, 但我聽唔到咪問多次, 佢就無好語氣講多次, 我睇完唔啱比返件衫佢, 佢望都無望我就單手拎返衫放埋一邊, 依個都算無咩點...
另一單係我去元朗千色廣場行街, 見到一間舖show 左隻boot幾靚, 咪入去睇下另一隻係點, 入面另一隻係反摺左落黎的, 咁我咪反返直睇清楚個款喇, 同時問佢幾錢, 佢一邊答我一邊就拎返我手上隻鞋, 重要即刻摺返落黎wor, 唉, 洗唔洗咁呀, 我o個日係著得casual d, 但都唔洗睇唔起人架. 本來個客想買, 但見到咁都唔想比生意佢喇, 到頭黎損失o既又係佢自己.
兩件事雖然都唔係話好差好厭重, 我妹反而見過更差的, 佢去過間舖話無貨要等第2間舖拎黎, 但等太耐所以放棄, 點知個sales唔比佢走, 重企係門欄住佢, 當然見到咁我妹照行無理佢喇, 唔通咁o既態度重幫襯佢咩, 一行出門個sales就咩人老母喇, 我妹都好冷靜, 照無理佢, 覺得無須要同佢一般見識, 佢大聲罵粗口係佢無教養, 比人見到亦樣衰, 你同佢一齊鬧咪同一類人.
有時我都明一日咁多人, 實有d無聊的客, 但你打開門做生意, 係咪要有應有的服務態度呢, 唔洗話好好/好nice, 但起碼唔好做埋d比人覺得你無禮的行為喇, 咁咪棧你做得唔開心時, 亦無客人想去你度幫襯你.
不過我亦明依家太多人工作有怨氣, 實會再遇到依d情況, 所以自己都真係要學識睇開d, 無須要對依d事介意.
2010年10月16日 星期六
2010年10月10日 星期日
2010國慶煙花 in Harbour City
10月1日國慶, 黃生拎左兩張Harbour City 入場卷睇煙花, 見到話8點開始就7點到場坐埋一二邊等開始, 點知等下等下先發覺原來9點先開始, 算喇, 咁多年無現場睇, 就等下喇.
好多人帶定腳架影相拍片
都係d老外掂, 邊度都可以瞓, 即刻有d渡假feel, 早知咁我一定帶d食物地毯黎慢慢等.
開始喇, 好多年無現場睇, d pang pang下的煙花聲真係好正, 睇電視係感受唔到o既.
放唔停的ending, 正! 完滿結束!
2010年10月8日 星期五
曼谷快遊,華欣漫遊7日之旅(24/9)DAY7 - JJ mall and 收穫篇
話咁快今個trip最後一日, 前一晚去夜市都係為左想再買窗簾, 可惜問過酒店staff, 都係建議JJ market 或我第一日已經去過的Platinum, 後者已經睇過無我想要的, 前者係人都知只開星期六日, 所以令我好擔心, 最衰係我只記得買廳的窗簾而忘記了房的, 心諗, 今日係星期五, 會唔會都有可能開舖呢, 結果皇天不負有心人, 旅遊書正好有介紹JJ mall有窗簾舖, 只休星期一, 真係興奮到不得了!
10點幾一早黎到, 無論JJ market 或JJ mall都唔係所有舖都開, 但都開左6成以上, 星期六日黎唔到都值得一到, 最重要有我想買的窗簾!!
見到喇, 好興奮tim, 其實頭先經過JJ market都見到買開的窗簾舖有開, 不過都想黎依邊睇睇, 自己都未黎過依邊, 有冷氣行得當然舒服好多.
依間d窗簾好靚, d料厚身d, 遮光會好d, 掛o係房啱晒, 650b/幅.
依間都唔錯, 買左幅掛雜物房.
窗簾 around 550b/幅, cushion cover 100b/each
臨尾都係決定買埋依set滕球燈就走喇, 180b.
bangkok機場
到機場的一餐
買埋芒果糯米飯返香港歎, 但返到香港等拎行李時已經忍唔住食埋, 好好味!! 貴d都抵 150b.
今次的收穫都算唔少, 好滿足!
最滿足買到全屋的窗簾, 終於可以換窗簾喇!
依箱林真香成8kgs, 嚇到我驚會上機over weight. 買左around 2200b, 夠晒分手信.
JJ market買的手飾掛盒, 滿意! 自動減價後650b.
黃生即刻幫我鑽牆掛上.
2010年10月7日 星期四
曼谷快遊,華欣漫遊7日之旅(23/9)DAY6 - 水門雞, 林真香, 夜市
酒店大, 餐廳都相對大, 不過酒店新, 所以無咩客入住.
食飽飽, 去睇下泳池咩環境, 都ok, 唔大唔細, 唔知係無咩陽光定返出曼谷的關係, 無咩心情落水.
今日要買林真香同boots, 所以又要去水門換錢 (rate: 3.97), 先去食最出名的海南雞先, 之前第一日黎到4點幾都未開, 所以食左隔離另一間.
剛巧lunch time, 超多附近返工的人黎食, 當然都唔少香港客.
黎喇, 真係特別好食, 入口嫩滑, 正呀!! 但老實講雞味不及內地的走地雞.
好快就清晒碟雞, encore!
今次黎泰國最喜歡周圍飲fruit frappe, 不過依杯麻麻, 太冰.
應住依隻豬, 手信必到的林真香.
依度都有得換錢, 聽到人問對港紙 rate3.94, 都高過好多對換店.
買完手信, 又去返siam paragon food court食芒果糯米飯, 超甜, 加上碎豆真係絕配, 好好味!! 120b
頂級榴槤, 咁大個女都未食過咁貴, 不過真係好好味, 味濃夾甜!! 350b
食無停後又起動行街shopping
行多陣到MBK太攰, 今個trip都無做message/ spa, 就係依刻去左間按摩店按左1個鐘, 可局部按摩, 我只按腳, 黃生就全身, 按完即刻爽晒 , 叉足電又可繼續. 300b/hour
又encore MBK food court的依間水果店, 
依杯mango frappe真係一試難忘!
行左個圈返到siam center 食 swensens, 今個 trip 的第4 round, 亦係last (返到香港真係好想食到咁抵的香蕉船, 或者搵次自己整吧)
今晚黎夜市, 之前都睇人話好多舖都無做, 黎到都算有唔少舖喇, 都有7-8成o既, 不過真係無野睇啱, 只係買左條手鏈.
行到好攰, 搵間露天大排檔坐底食晚餐, 最緊要有把風扇吹到自己, 因為都幾熱.
coconut frappe, 正!
今個trip第2碟炒通菜, 真係特別香, 不過唔知點解無晒d葉o既??
黃生又要食蟹肉炒飯, 唔錯.
一般的大頭蝦粉絲煲
最失望的蝦餅, 完全唔係o個回事, 唔彈牙都算, 又油又鬆散, 唔合格! 攪到我返到香港後要搵間平時食開好味的越棧食, 條氣先順返. 埋單around 800b
除左林真香的手信外, boots最多戰利品, 最可惜無買夠2000b 送個大的洗護產品連袋, 真係好正架! 只係買左 1600b 送左上角洗護產品連化妝袋.
夜市的唯一戰利品. 80b
訂閱：
文章 (Atom)