上次o係泰國買的窗簾, 多得奶奶幫忙, 終於車好了, 其實主要都係改短同2幅車埋1幅.
終於換左又舊又老土的窗簾, 見到新o既都特別醒神!!
好喜歡佢d小的絮
依款窗簾較薄, 但日照的效果又出奇咁靚, 尤其上層麻質位置, 變得完全透光.
陽光照射到窗簾時, 好在足夠遮光, 唔影響睇電視.
右邊一幅就是3年前去泰國時買的, 從此愛上泰式窗簾!
睡房內的窗簾, 一樣有的絮, 但布料較厚同靚.
日光景象
2010年11月29日 星期一
2010年11月28日 星期日
森林家族飾櫃裝上星星燈
之前從未post過整個森林家族飾櫃, 因為始終覺得未整得完美, 不過自己其實好懶, 以前有時間都會整理第2,3層的佈置, 最喜歡亦最宏偉的grand hotel好想佈置得更好, 但好多地方都未能完成.
Anyway, 早排去左IKEA想買聖誕佈置, 買左2串星星燈, 有吸咀同用筆芯電, 所以好方便咁吸o係玻璃飾櫃, 出黎個效果都幾好, 順便有機會post埋我個飾櫃出黎.
2010年11月22日 星期一
黃金寶衝線至上訴得直片斷
阿寶, 好yeah!!
24分鐘裁判出結果情況.
http://cablenews.i-cable.com/webapps/asian_games2010/videoPlay.php?video_id=1796
2010年11月21日 星期日
尋找假日感覺 - 南丫島
為左想尋找去旅行時的輕鬆感覺, 上星期六同黃生去左南丫島, 未入到去心情已經鬆左一大半...
入到去已經1點幾2點, 剛好遇到有人餵完貓, 所以比我遇見幾隻食飽飽曬緊日光浴的肥貓貓.
重搵到個pretty model
真係幾靚女/仔架!
佢地食飽, 到我搵食, 見到開左間新卡巴餐廳 Mr. Kebab, 比食開o個間大, 座位多同舒適, 一於試試, 本來menu無咩吸引, 本身唔喜歡食肉卷, order左份雞扒薯菜, 等左好耐, 好在無令我失望, 雞扒(葉)得入味, 香草增添味感, 薯條用新鮮薯炸, 菜新鮮配上特式汁, 有水準!!
重有唔少收穫, 海味, 飾物同香包, 滿足!
食飽行飽已經日落西山, 今次無過沙灘無行山, 就咁入去行下食下hea下感受下假日的氣息, 就係我想要的感覺! 下次應該出年再見lu.
2010年11月16日 星期二
suesue 大囍之日
因為寫blog而認識阿sue, 大家有一樣的嗜好, 一齊玩森林家族, 一齊認識了更多森林之友.
上星期六 13/11, 終於見證到依位好友拉埋天窗, 真係好鄧佢開心, 亦約埋幾位好友小其,denise同chris 一齊為佢慶賀參加佢的囍宴.
精緻的場地佈置
開始食野的第一度菜, 原來係餃子娃娃送給賓客的小禮物, 個個都讚可愛.
恭喜晒sue & cheung, 祝你兩個開始鄧生鄧太的幸福生活!!
2010年11月15日 星期一
新買兩部相機...hehe
買左兩部新DSLR, 一買就買兩隻色....偷笑中
燈鄧......其實依兩部係扭蛋玩具黎架, $10蚊就抽到, 本來想抽時發覺比人掃晒機, 好在去7仔見到有, 即刻抽返3隻, 有紅色, 卡其同紫色, 佢其實有作用架, 可以放上外置閃燈位上, 不過黃生話好傻仔wor, 其實我都覺.
20隻色, 好過引, 10蚊抽隻好抵玩, 不過聽人講上星期五先開始抽, 我咁啱即晚見到但已經比人清晒機拎去炒, 依家想搵可能就難d.
Happy Birthday to Hugo!
上星期五係Hugo 6歲生日, 開罐南瓜雞肉比Hugo慶祝, 細佬仔Haven當然有份, 兩個都食到lam lam脷.
靚仔Hugo
第朝星期六, 黃生返工後, 兩個乖仔都痴上床跟我瞓, 留意Hugo個位置, 佢其實每次都會踩一踩我隻腳, 等我知道佢上黎瞓, 最重要係叫我打開大肶, 比佢瞓o係我大肶中間, 佢個頭就lon我大肶上, 好識嘆, 但我就無得轉身... -_-
細佬Haven都多左嗲人, 見廳無晒人陪佢, 所以走埋入黎揍熱鬧, 要人幫佢r痕, 重r到喉嚨打晒鼓.
2010年11月9日 星期二
感冒惡菌, 皮膚敏感後話
記錄返上星期病左成個禮拜
依排d細菌好勁呀, 其實係越來越強, 又變種又惡, 攪到我上星期都病左成個星期, 洗錢都算, 食藥真係最難受, 雖然只係普通感冒, 有少少燒, 但一定有眼瞓藥, 可憐又死頂照返工, 上星期2發住燒都去飲黃生個表妹餐囍酒, 之前重要返工同返學, 真係有d佩服自己!
其實咁辛苦都係唔想比公司扣假姐, 因為我公司係無有薪病假架, 就算有醫生紙都只會扣大假, 真係不知所謂, 都唔明我點解可以o係依間公司咁耐... 諗起以前公司每個月都會有2日有薪病假呀, 都唔明依間就咩都無, 病左又唔捨得放, 攪到成個死樣都要死返公司, 有時真係覺得自己好可憐...
***********************************************************************
之前旅行前, 不幸發生皮膚嚴重敏感, 其實已經好返晒好耐喇, 不過都想做個記錄第時睇返. 好彩出發旅行時已經好返晒, 但最擔心o係d印未退, 咁著泳衣都唔靚喇, 好在得到blog友lotte & sue關心, 介紹我去買d去印藥, 最後我去左有藥劑師的萬記買左支, 諗住去完旅行先搽, 點知返到hk過多1,2個星期發覺d印越變越少, 真係好好彩呀, 所以我重可以退返支未搽的藥慳返錢.
2010年11月8日 星期一
和味蘇推介 - 嘉麗園潮州粉麵店
星期日"和味蘇"剛推介元朗一間掛滿牛雜的粉麵店, (當然平時唔係咁掛出黎喇) 正是我認為係最好食的"嘉麗園"粉麵店.
播出節目後, 第晚7點幾到坐無虛席, 最出名牛筋牛丸墨丸都是手打, 昨晚墨丸亦一早估清, 見到個鬍鬚老闆重打到隻手包綁帶, 可見真係粒粒皆辛苦, 價錢大眾, 所以我耐唔耐都貪方便落元朗食!
最正係佢d牛腩, 食混港九新界, 佢o既真係最有牛味, 亦炆得夠淋, 實在最好食!
河粉亦係最合我心, 夠薄幼滑, 加上腩汁絕配!
另外重order埋炸魷魚鬚, 好香脆, 不過$20/份量少左d.
早排去另一個阿蘇介紹的大利粉麵食, 平時出開灣仔都會食的, 係上次去舊舖, 真係比4個字佢 "不知所謂"! 平時食佢d清湯腩, 我覺得都ok喇, 但上次佢比左碗牛腩河的牛腩淋真係好淋, 重淋到過晒龍, 原全唔洗咬都散開, 重要完全炆到無晒味, 係煲到湯揸都不如, 另加上d河粉又粗又鞋 重有腥味架, 經過依次我真係唔會再食佢!!
訂閱：
文章 (Atom)