handsome Hugo

handsome Hugo

緊貼暖爐

貓貓喜歡邊隻暖爐, Hugo 同 Haven一定係喜歡油厭式, 因為無聲無風夠靜又夠暖!

 

睇佢地貼到咁近就知有幾舒服!

 

Haven重要零的距離

 

 

宜家改造書房

書房越擺越多越亂, 實在要黎個大改變.

所謂的書房, 其實根本係雜物房, 依邊望到好似無咩野, 其實已經搬開左個細櫃等雜物, 而書架上的書亦要大執位, 一於黎個提早大掃除!!

 

執出的書, 多到周圍都係.

 

其實都只係買多兩個光碟架, 黃生親自裝合.

 

話咁快完成.

 

終於完成, 書櫃簡潔左

 

一排光碟架更整齊

追擊雞肶腳

依個情況, 上年都拍過, hugo當時嬲到陣, haven下個moment就比人盅, 不過依刻重好sweet幫細佬清潔.

 

轉頭, 攝左埋黎sofa, 平時我同黃生坐已經無位剩架喇.

點解個姿勢咁熟o既... 原來又伸出條雞肶腳, 重唔影底你d壞習慣!!

終於買到了

咁靚的森林家族25週年和服兔終於買左返屋企lu, 為左可以拎埋同系列的利是封, 特登買埋bench.

 

早排新年時去沙田買的民族set, 同埋再早陣時買的swing and fairy. (原來後者已經寫左blog... 真無記性)

新髮新色

提早去剪左個靚髮迎新年, 幾滿意!! 早D剪無咁多人麻.

 

上星期六黃生幫我染髮, 用新出的LIESE 泡泡染髮, 依隻係焦糖栗子, d色都好均勻, 洗頭都唔會有染色水.

Last lesson . 泉章居

昨晚上埋最後一堂, 同班同學仔拍照留念, 咁快就一年喇, 我都要暫時停一停lu.

 

完左個course即晚同埋同學去泉章居晚飯.

霸王雞 - 真係幾正, 夠滑有口感.

 

梅菜扣肉 - 依味餸我一係唔食, 一食我一定會試埋d肥糕, 咁先知係咪真係好食, 味道又真係好好味, 最好食係d糕, 入口溶化, 加上焗得煙un的外皮, 無浪費我quota !

蟹肉豆苗 - ok呀

 

炸大腸 - 夠香脆, 配上酸蘿蔔, good

 

魚香茄子 - 太多汁, 太多油, 麻麻

 

炸蝦丸 - ok, 但肉唔夠彈

9個人都係食左千一, 都算抵食.

jp sf new products Feb. 2011

epoch又出新森林家族成員同產品喇! 2月11日就會在日本正式發售.

今次係打理漢堡包店的芝娃娃家族, 男仔面上有斑紋, 全家族樣子都幾可愛!

特別喜歡媽媽條裙.

 

好可愛的baby 玩具車.

 

double swings, must buy item!!

 

日本都出房車

咁都夠一家五口去遊車河

 

今次design 大眼仔洗衣機, 不過個款就舊d

 

重有一系列的衫裙

 

我有儲開的box set

熊貓坐象

熊貓坐象 - 演員: haven

睡姿一致

果然係親兄弟, 天氣凍, 兩個嘆住暖爐一齊瞓, 連姿勢都一模一樣. (趣)

張椅咁細, 細佬haven瞓到半天吊隻香雞腳...  (笑)

冒認我留貨的衰人

發生左件可惡事, 本來今晚去元朗買我早一日留左的森林家族和服兔set, 唔知邊個卑鄙o既人冒認我留左的貨, 真係覺得好離譜!

見到我話緊你的話, 可能你會覺得我耐你唔何, 不過我信有因果. 勞氣都無謂, 幸好店主話分店重有貨, 重要係 last, 所以要買就剩返大眾 85折或其他無優惠的店舖.

 

update news:

有人報料荃灣同大角咀其實都重有貨, 不過可能得1,2盒, 要就打去留貨先.... 唉, 個sales比的資料唔準, 真係唔掂!

凍冰冰去b仔食糖水

剛剛o係元朗返黎, 條街好大風好凍, 原來得9度咋!

去左b仔食糖水, 凍冰冰食熱辣辣的腐竹蛋同紅豆沙, 加上辣雞翼尖, 好味好滿足!!