迷你無線街燈

天陰陰, 好在有新街燈!

森林子民照樣食得開心!

 

 

迷你玩具燈飾其實興左好耐, 不過之前的都係有線阻住, 重要收埋舊電芯, 實在麻煩. 

但依款新街燈已經設計到無線, 黃光亦好柔和, 方便美觀好多!!

等上釣

有時haven會keep住依個姿勢, 阿哥經過時, haven就會用手new佢, 好似釣魚咁.

Schwaz

上星期六帶細佬haven去打預防針, 之後去左附近的 Schwaz coffee shop食個甜品.

黃生揀左杯 Latte, 佢話都幾好wor, 可惜我唔飲coffee.

 

chocolate cheese cake, 唔甜唔dark, 質感亦唔夠smooth

 

食慣黃生整雪得比較硬的口感, 依個唔好話唔夠硬, 直情唔夠凍.

雖然我覺得麻麻, 不過坐一陣都有唔少熟客外賣, 都係個人喜好吧.

香港上架貨品

見到香港paka返左批新品, 好多都已經上架, 最想買都係Monkey family, 下次去睇實物先, 不過都要等到有折先買.

 

好喜歡polar bear sister條裙同被肩, 如果有單買就好, 因其他成員服飾同樣子都麻麻.

 

依個garden hammock都係想買已久的產品, 但最可惜係佢塊草皮唔係同日版一樣用植毛, 只係用一舊膠做.

 

重有其他新品已經上架.

 

依 set garden playground都算抵, 咁大舊只係399, 有折買就更抵, 不過都係太大舊喇, 無位放.

粉紅康乃馨

買了兩星期有多的粉紅康乃馨, 真係好襟擺, 到依家都未枯, 可惜紫色花剛剛已棄掉了, 不過d毛毛真係好可愛!

炭燒海鮮

上星期五晚約左班friend BBQ, 帶埋海鮮去元朗偉記, 燒完野食就用炭燒蜆, 鮮甜加埋海水味, 正!!

 

燒烏頭, 都唔錯, 不過個人喜歡大眼雞魚的肉質多D.

樂在觀鳥園

忘了寫去香港公園內的觀鳥園

幸好來到時, 連微雨都沒有了, 可以安心觀賞, 還很少人呢.

 

奶奶話依對好似迷你版企鵝, 我都覺得好似呢!

 

依隻巨型神鶴長時間都hold住依個動作, 奇怪...

2000yen放題

晚上同奶奶一家去左cwb 的 2000yen放題, 比相像中好味.

刺生併盤, 真係好新鮮!

 

自選食品uni, 鮮甜新鮮, 無得彈!!

 

三文魚沙律, good.

 

花螺, 唔錯

 

蝦天婦羅, 雖然蝦身幼左d, 但都炸得有水準.

 

無試依隻蝦同蠔, 後者人地話好味, 重有炸蟹鉗, 麻麻, 只有粉.

 

芝士焗西蘭花, 好味wor.

 

鹽燒雞翼, 無鹽無味, 唔知係咪比人買晒d鹽...= ='

 

好似係薑汁炒牛肉, 又好味wor.

 

芝士焗辣肉腸, ok喇.

 

海鮮湯, no good, 得個咸字.

 

牛肉火鍋, 唔錯.

 

燒牛肉粒, 人人話un, 我就覺得ok

 

蟹肉布甸, 面層好咸, 低層係薯蓉, 低層好食d.

 

燒羊架, 等左好耐先到, 我試左啖, 怕so的我夠了, 黃生覺得ok, 可以再好味d.

 

芝士肉醬燒茄子, 好好笑, waiter話茄子其實唔食的.

 

只有牛油味的粟米

 

朱古力噴泉, 無試到.

 

最後到甜品, 都有唔少款式, 味道ok喇.

放題式的餐廳黎講算幾好, 價錢亦合理, 每位$208/加一, 女士另減$30/.