天氣轉涼, 好在Haven多毛夠保暖

今日最低15度, 星期五最低13度咋, 好在我D毛夠厚, 大家記得著多件, 唔好冷親呀!!

迷你裝飾燈

早排閒逛吉之島12蚊店, 比黃生見到依款Decoration Lights, 有紅/黃/綠色, 亦有閃 同 唔閃選擇, 見咁抵就買D玩下先.

迷你燈用2A電, 每款約有6頭燈泡, 燈泡之間距離較遠(見圖). 但以價錢黎講都係抵玩的.

新睡床

早排買的新盤, 最終比左HUGO霸黎瞓, 睇佢個樣就知有幾爽!!

巡一田, 和亭晚膳

平時星期日, 都係家務日, 做完都會在家休息, 今日先醒起有野想去一田買, 襯佢優惠期, 做完家務就出去逛下.

最終在一田買到想買的軍帽, 買左兩頂新款8折, 部份重半價.


今年新城市廣場的X'mas tree 佈置.




又在馬沙, IKEA 買了些少貨, 可惜兩個地方的聖誕裝飾都唔夠精緻, 而一田又多人到不敢久留, 最終空手而回, 祈望下一站有收穫.
IKEA入左一款半棵的真聖誕樹, 適合無咩空間的香港地方, $399/, 不過對我黎講, 假的會環保D.




晚餐順便在和亭食, 食物不過不失, 起碼好食過和幸, 今次用埋張$20 coupon, 比埋信用卡95折, 食咁多野都只係約$170/. 抵食!

牛油帶子 - 煎得金香, 但都係太油了
吉列豬排蛋飯 - 唔係我喜好, 但ok喇
軟殼蟹卷 - 加上蟹子增添口感
炸雞軟骨 - AEON卡半價優惠只售$11/, 無因特惠而失準, 依然香脆可口
蝦天婦羅 - 炸醬實在唔脆, 幸好蝦夠新鮮爽口
海鮮拉麵沙律 - 仍然係我最喜歡的, 混上麻醬味道最夾

收到uk 新出電話亭喇!!

終於收到喇!! 17號寄出, 今日就收到, 算快.
同幾個朋友夾份訂uk森林家族新出的25th PC Robert & Police Box, 即是已絕版多年的電話亭, 第一眼見到佢出已經發晒光, 覺得藍色比綠色更好睇, 如果佢出紅色就更正(可惜無). 問過香港paka話無資料入貨, 即係暫時都唔會有, 我咁心急當然第一時間訂佢返黎喇, order埋Luxury Armchair, 開心到同事話我好似收聖誕禮物!! HAHAHAHA

耐無o係uk官網訂sf, 依家已經可以paypal付款, 唔洗買bank draft比手續費又麻煩, 亦唔驚比credit card咁危險, 抵讚!

capture Haven by iphone 4s

依排依然掛住玩iphone 4s, 相機像數upgrade左, 影相質素都真不錯, 影得Haven幾精靈.

Iphone 4S and case

終於擁有第一部 Iphone 4S, 感謝黃生!!
黃生係smartone member, 一早上網登記可優先取機, 最終等左一星期在20/11取, 聽其他人話, 算快喇.

 

黃生還送了Tunewear Carbon Look case  $199/

除了有舊版一樣的防花內(京)皮case, 還附送cable winder stand, dock connector cover with strap, cleaning cloth, home button cover, 重有同花紋的面層保護貼.
都係忍唔住掛返條電話繩玩.

未收機前已心急上taobao買左好抵玩的糖果色iphone case, 實行一星期玩足唔同色, 依款加埋重平過上面一個case......好抵玩! keke

新盤試坐

買左個盤, 新屎坑, 兩位大少當然要坐下.

 

香港新品即將上架

看看香港官網, 發覺有些新品, 依set有白鬍鬚的聖誕老人, 實在可愛!!  $230/

竟然香港都有UK版的Country Market, 同日版的顏色一樣. $550/

Girls friendly set, 好可愛的一款組合. $360/

Baby Furn set. $280/

 

Girl Furn set $280/



Lighting house with gift set, 附送兩位sister, 同部份傢俱, 個packing似係美或意版. $1199/

森之洋服店 損毀報告

攪halloween場景時周圍搵佈景裝飾, 搵搵下搵到森之洋服店, 點知比我發現有損毀, 都係因為我一時疏忽, 無將軟膠性產品分隔, 導致地板及枱面損毀.




放上鞋的地板造成溶化的印




幸好放上地毯同枱毯, 總算遮蓋左.

各位森林之友, 記得都要小心保管呀!

多利民素食

 

今晚放工返大埔探嫲嫲.
之後就一家人去多利民食齊同媽媽提早慶祝生日, 年年都貪方便黎依度食, 因為平靚正!!

個個話正的菜圃豆腐片, 賣相已經夠靚.




釀節瓜, 配上些少黑椒汁, 野味.



一味家常菜 - 蕃茄炒蛋, 看似普通, 但實在係送飯的開胃菜, 而且煮得好有水準!



香脆可口的蓮藕餅, 個個掙住食.

夠酸甜的咕嚕肉, 應該係用冬菇纖維製成, 口感正!

煮得最麻麻反而係西蘭花, 凍了, 樣子麻麻的金菇齊肥牛, 索了汁比想像入味.

 

是晚$350/而已, 食飽一家六口!! 讚呀!!

SOGO thankful week 特別優惠森林家族雪糕車及85折

2011年11月11日至20日 SOGO thankful week 特別優惠80套森林家族雪糕車特價只售$328/ 及其他貨品85折.

唔知點解特價左都好似只係正價咁貴呢......

joanne 報告:

雪糕車大概72折,因為佢包埋公仔&衫~
另外美容院賣緊488,仲有之前48既熊貓換~ 大致係咁...
其餘就不太清楚了,希望幫到大家... 我自己都係森林fans,都係係大家ge blog度睇報告ga~



希望有更多blogger互報森林家族資訊喇!!

瞓埋你腳邊

Haven好有趣, 成間屋咁多位置唔瞓, 係喜歡瞓埋黃生坐的梳化腳邊......-_-"





依度特別好瞓咩?......

11蚊懶瞓貓

行過金魚街, 見到依隻舖頭貓, 瞓到伸出條美腿, 真係忍唔住要拍底依隻只售11蚊的雨花石懶瞓貓... keke

繽紛聖誕飾物

 

上個星期去太子逛街, 見到繽紛已經佈滿聖誕飾物, 一睇見就忍唔住要入去睇下!!

真係好多色彩繽紛的飾物

暫時忍到手, 始終往年買買埋埋太多裝飾品, 不過唔買睇下都好開心呢!!

 

 

 

 

抽到re-ment microwave

上星期行一田時見到好多好靚的re-ment, 雖然依d百貨公司都係特別貴, 但其中set " Is Dinner Ready?!"散抽都只係$19.x, 就抽set玩下喇...
點知我竟然抽到最想要的microwave, 其實要抽真係唔難, 我依d生手都絕對有能力抽, 因為我學人遙下個盒, 點知瑤遙遙下真係遙到盒特別實同重架, 我心諗咁似我想要的re-ment o既? 就係咁抽中左喇!! SO HAPPY SO LUCKY!!!



有時上網睇re-ment 都比人炒得特別貴, 或者去依D地方搵會更有機會同jetso.

沙田8折產品及送Calendar 2012

終於在星期六去了沙田行街巡舖, 見到都係一般新品, 但最出奇係有部分貨品有8折, 有些更唔止8折呢, 就係見咁抵先買多set戶外table & chair, 重有未買的Baby carry case.

sales姐姐重好好人送左出年的年曆卡比我.



不過佢依個特別counter只係做到11月13日咋, 要買就早d去喇, 唔係就無架喇.

蛋型玻璃瓶

上次去TIOMAN時在海邊執了些貝殼同死了的Coral, 上星期五在千色店終於搵到個好適合的蛋型玻璃瓶, 放在蛋內好夾, 一睇見就記起浮潛等開心回憶!




好抵, around $59/

Calico Critters lighting house 廣告

Calico Critters lighting house 廣告, FIGURE加上動畫, 重有好靚的村莊佈置, 我都好想SET個呀!!

UK 25週年特別版電話亭

終於比我見到25週年復刻版的電話亭, 雖然係POLICE BOX, 不過我又幾喜歡依隻藍色, 放在我的森林村莊, 一定好靚!!





Maypole & Dancers 即係五朔節花柱, 係外國一個慶祝五朔節圍繞條柱歌舞的節日, 雖然唔識依個係咩節, 不過都覺得幾靚.