中秋燈籠佈置

今年同上年中秋佈置差不多, 只係買多兩隻燈籠, 佈置令節日更有氣氛.

 

絨布做的兔燈籠上年買, 今年仍然用到無變黃, 夠晒環保!

今年在元朗買的金魚燈籠, 用金色好閃的布料做, 一見就喜歡. $50/ 又靚又抵, 去過百佳睇又貴又肉酸.

又係今年在花園街買的桃燈籠, 好靚好SHARP的橙色. 只係$48/

各位好友BLOG友, 中秋節快樂!!

丼丼屋食堂

話說之前約左人在鑽石山交收間"大屋", 廢事拎住咁大舊野周圍行, 求其搵左間日本餐廳食...見到有間 "丼丼屋食堂" 有d人等, 就試下依間, 內有好多位, 等一陣好快到我.
其實我對依d吉列套餐真係一般, 不過本住唔想再行的心態, 就order左份我較接受的海鮮套餐, 有吉列廣島蠔同吉列豬柳, 蠔好鮮, 比想像中好, 估唔到有咁o既質素, 豬柳都ok, 豬唔un我都覺得差不多, 菜絲任添, 唔記得柚子汁同另一款汁味道唔夠出, 只係配菜就無所謂吧.

另一款的吉列雞扒ok

**絕版全新特別版粉紅屋**

早兩星期竟然比我在拍賣網買左間想買多年的絕版粉紅屋, 實在開心都唔夠形容呀!!

依間屋除左係絕版外, 重係特別版, 附有前亭雪地, 雪地配件有聖誕樹及雪人等, 三份傢俱, 最重要就係有一隻粉紅摺耳兔!

無諗過賣家話係全新, 今次真係遇到個老實人, 因為之前交收的拍賣多數都係吹水多, 話全新根本就已經開過用過, 但今次一打開檢查竟然發覺所有膠紙真係未開過,

拎出大屋看看, 等了多年的大屋終於可以親自擁有, 心情特別高興!!

其中最喜歡這屋的原因, 係內裡有個又大又闊的上層, 睇森林家族書經常用此屋做background, 所以更想用來砌場景.

睇到依隻粉紅摺耳兔已經流晒口水, 冬天特別版附有白被肩, 皮膚係透淡粉紅色, 加上可愛摺耳, 真係好好好可愛!!
最重要可以得到全新的, 更加珍貴!!!

 

manual都唔放過, 內裡有教授砌場景的圖片...

 

半島嘉麟樓奶黃月餅

今年好幸福, 有人送左盒 - 半島嘉麟樓的 奶黃月餅, 聽人講已經賣到斷晒市, 重要比人炒到4百幾一盒, 咁貴我就唔舒得買喇, 不過有人送當然唔同喇, 試下係咪真係咁好食先.




一打開真係好香, 餅香味特別濃

人地教叮一叮先食, 我就放入焗爐加熱, 餅香牛油香出晒黎, 食落無蓮溶咁溜, 果然係好好味呀!!!

與同學南丫島遊 (卡巴, 竹園海鮮)

上星期日16/9 與一班小學同學一齊去南丫島親子遊, 心情實在有點似小學旅行.
這天天氣陽光充沛, 溫色比之前溫和了, 只有24-29度, 已經好好了, 當然再涼些會更好行山, 所以都只是來行行街, 食下玩下.

同學的仔仔, 表情特別可愛有趣!

來南丫島有不少特色店, 價錢相宜.

午餐又來食卡巴同pizza, 依然好味!!
pizza細份了, 炸魚薯條最香脆, 其他保持水準.




還去了沙灘坐陣, 但無落水, 只買了些兒時玩意回憶下...

都係小朋友玩沙玩得最開心, 亦最污糟.

差不多回程了

太陽亦落山了

這天的收穫, 最buy這袋芒果, 好清甜, 完全不須點糖食.

晚餐時間, join埋夜晚先得閒的同學去九龍城竹園食海鮮, 食度好抵, 鮮燈汁, 竹蔗水, 啤酒都係無限供應架, 每位成人min. charge $160/

8人套餐有咁多野食, 當中有好, 有普通貨色;
蒜溶扇貝, 蝦, 蜆, 炸子雞, 白倉魚, 芝士焗龍蝦仔伊麵都有水準, 只係厭蟹太細無咩肉食.
7大4小都只係 $1400有找, 實在幾抵食.

 

The Possession

又係恐怖片時間, The Possession 係真人真事改篇, 睇之前上網搵左d資料, 越搵越感興趣, 雖然戲中故事並非真實內容拍出, 但故事內的盒先係最重要的主角!! 套戲拍出另一個內容, 恐怖感都是來自真有其盒!!

真實係一位前主人經多次轉手買到一個經木匠特製打唔開的盒, 賣方亦提醒千萬別打開, 而每個擁有者都會奇怪地出現某些現象, 爆電燈膽, 屋內有好濃烈的貓尿味, 有些人會掉髮, 更有些會急病死亡...
最靈異係物主經ebay拍賣, 希望放售這不祥之物, 雖然拍賣已經完結, 但我都有機會經網站睇到這個盒, 還睇到盒內裡的真身圖片!!  有人覺得唔應該在網上發放, 覺得不幸會在網上散播, 恐怖但又好奇心之下, 我與同事都開左黎睇, 放心我地都無咩事, 我亦無掉髮, 只係覺得實在好詭異!! (下面有link, 膽小者勿看!!)


更多真實內容及盒的真身相片link: http://leo231.mysinablog.com/index.php?op=ViewArticle&articleId=3673851

電影內容:
一宗震驚eBay的真人真事靈異交易。
一個二戰時期的古董木盒被放上拍賣網出售，2004年在eBay成功找到買家後，謠言隨即四起，有說原物主曾警告絕不可打開木盒，否則禁閉盒內的邪靈將重臨人間！一名女孩從雜貨攤買來一個殘舊木盒，她好奇地把它打開了，連串怪事纏繞而來，並危及她和親人…
獲獎無數的《看夜更》名導演奧勒邦尼戴伊Ole Bornedal以驚駭手法把這一宗真人真事故事拍成電影，解開神秘木盒的魔咒之謎。

body check

上兩星期約左body check, 星期六好多人, 等左成粒鐘, 抽血都只係5分鐘, 昨天出左report, 大致上無咩問題, 係話我壞膽固醇剛剛踩界, 都估到自己衰架喇, 平時成日食煎炸野, 薯片當甜品, 依種壞習慣實在要改改, 今次都提醒我要注意下喇, 要我戎就無可能, 不過都會食少d o既.

晚上嘆茶, 新髮型, 泰潮, 陳六記五層樓

上星期一約了剪頭髮, 之後去了厚福街嘆茶, 依家越開越多依d點心餐廳, 最適合我地依d上班族, 唔洗等到放假重要等位麻.

依間有一些基本點心, 水準幾平均, 喜歡茶有玄米香...
特別點了款鰻魚腸粉, 可惜太腥...
燒賣大粒, 肉厚實, 牛肉亦有酒樓水準,
依然想食款香口野, 炸雞翼香脆, 無令我失望.

 

今次的髮型, 滿意!

之前在深水埗行街, 順便搵食, 試了間泰潮, 最欣賞生菜包肉碎, 辣度足夠, 黃生都頂唔順食到標晒汗, 其實都唔係好辣架咋.
蝦餅唔夠越棧彈牙, 麵粉略多了.
馬拉盞炒雜菜味道無第2度食開的香.
海南雞飯我一向麻麻.





有日返親友家食飯, 經開上水, 順便去J2 飲食男女介紹過的陳六記買招牌菜五層樓試下...
果然皮脆肉嫩, 真係有五層的肥同肉相間, 重點係有炭爐燒的香味!! 半斤$68/

little twin stars gift pouch

有日行經jusco 12蚊店, 見到有Little twin stars 的禮物袋, 設計幾靚, $12/pack好抵.




最大size

細size 有20個

中size有8個

泰國手信

同事送的泰國手信, 起初以為煲墊定針板...




原來可變身成生果籃, 設計特別, 幾有趣.




重帶了我至愛的泰國風味薯片!! 正! 感覺都係辣辣地, 都係最想試返東陰公味.