碌落巴士, 壓傷肩膀

昨晚搭巴士時, 上上層看無位坐, 一轉身諗住落去之際, 巴士開始轉出隔離線, 我就剛好踏了空, 一下就高處撻下, 自己勉強起身, 這下子屁股及右手臂內側受罪了, 今日才更瘀更痛, 記得多年前有次落雨天不小心扇腳又係撻到屁股都痛了一星期, 相信今次都要差不多時間... 早在星期日午睡時側睡都竟然壓傷了肩膀, 之後竟然手都提不起, 總覺得這些係命中注定要應驗似的,  希望這些黑氣都應了, 過去了.

上海婆婆

 

星期六同黃生去了荃灣， 又同黃生食上海婆婆，點了蒜泥白肉，賣相吸引，但味道不及第二度食過的好，原來黃生未食過，上次自己食過已經知唔得，一樣只有甜而失了應有的辛辣蒜香味。

反而賣相平平的煎餃做得香脆多汁

 

本想應該香脆的春卷又反而不脆，內涵不是荀絲木耳之類的材料, 更加不合配, 煮得只是夠熱

 

好在螺肉冷麵比返驚喜我，配上麻醬當然好味，麵亦夠煙韌，係估唔到貌似炸菜的味道竟然是甜，還甜到似糖冬瓜，這種配搭十分喜歡！

埋單, $19x/ 小小菜色要這種價錢, 莫講有一半食物做得不夠好, 就算好都不值. 出街食飯7成錢都要來比舖租吧!

日本11月產品

看見日本官網的新圖用上CAR PARK HOUSE做聖誕佈置, 好有氣氛!!



睇返日本11月頭已出的產品, sister bedroom set, 似乎係張床單吸引d.

廚房set 依然係舊設計, 只係兔妹妹有件新衣.

 

FROMB Iphone 5 case

又係在淘寶買的, 今次實在有d擔心, 因無咩評價情況下買實在有點風險, 但黃生喜歡就試下.

依個賣家應該係真正代理, 拆開見到送左個bear key chain 同小食, 小食唔敢食喇, 所以掉了, 不過都真係幾有心思.




一打開, ok wor, 個皮係幾靚幾軟熟

 

內裡都做得好好, case邊用上軟膠物料防刮花, 就算假都值吧, 況且又唔係買咩名牌, 有咁o既質素都好滿意

加上一張正品驗証刮刮卡, 雖然我未試, 但起碼唔似d 媽夫產品只係比個有no.的 label 你就叫你上網驗証.

新糧碗

最近由於搵到慳運費方法, 所以在淘寶係咁買野... 藉口...keke

想換Hugo Haven 糧碗好耐喇, 終於搵到隻美國牌子super, 睇設計好唔錯, 見到實物的質量更開心自己無揀錯, 其實在淘寶買野, 真係要好小心選擇, 買到心頭好而質量一樣好就更有滿足感!!

開左個水兜睇, 兩兄弟即走埋黎, 好似真係知係買比佢咁喎...




另外亦揀左兩個糧碗, 係斜口的



斜口設計防止我家爛食Haven食到周圍係, 結果觀察到佢真係有好大改善呢!!  最開心都係依個效果呀!!

依個size裝水好似細了點, 不過黃生話都ok

細佬Haven始終都係比哥哥Hugo容易接受新事物, 細佬食左一陣hugo先敢黎觀望... 不過過多陣都開始食了.

而我都好滿意今次買比佢地的糧碗, 膠座好厚料, 多色選擇, 可與不锈鋼分開方便清洗.

YOHO hot pot with SF friends

好友charlotte返香港, 上兩星期上完我屋企玩陣就拉隊去了YOHO 打邊爐, 食材幾好, 要了個豬骨湯底, 好足料!
大份的安格斯肥牛, 桂花蚌, 四寶丸, 墨魚滑, 九肚魚都係我特別喜歡的, 重有響伶即order即炸, 特別配上酸甜汁, 不過我都係喜歡浸3秒湯, 吸收湯汁精華特別正!!

可惜vicky病了黎唔到, 唔係更多人更食得盡興!

禮物月

黃生又送了第2對 BRAINWAVZ M2 耳筒, 都怪自己唔好, 用完無放好在盒內, 就咁橋在IPOD外, 導致線路鬆, 攪到剛過一年就玩完, 本來想試下用第2款牌子, 點知真係點揀都唔夠佢好聽, 雖然相比我對耳筒都唔係什麼好貴的款式, 不過我都會好好保管, 無謂又要人破費多$430/.




上兩星期六同SF好友聚, 好友charlotte 重買了些手信, 特別喜歡個小廚具, 因為佢話係vicki collection同我同名咁有趣!!
 重有手飾盒同知我喜歡搽lips glossy 買了支比我, 實在好有心!!



還有vicky初次來我家參觀的禮物, 多謝晒!!

 

Ipad mini and BASEUS Ipad mini case

兩三個星期前Ipad mini一開售就在網上訂左部, 送貨期要兩星期內, 一星期後未到竟然比apple cut order, 有無攪錯, 我訂一部都話我訂貨數量過多, 氣氣地打封email去投訴, 另方面又要再上網訂另一部, 過一日竟然又收到會回復我個order, 真係比佢玩死...
最終在上星期四, 突然又送左黎公司, 明明睇住個status都無任何消息, 算喇, 收到開心晒!!

我手指短, 緊緊可用一隻手拎住.

之前特登到淘寶訂Ipad mini case, 貨到發覺其中一款不喜歡, so far另一款反而隻色同款都幾好!

唯一唔好係比左個橡根有問題的, 所以依家都會轉入去cool住咁用.

 

007 skyfall, resident evil - Retribution, taken 2

上星期睇左新一集007 skyfall, 可能之前拍得幾好, 覺得今集比較遜色, 無論與女主角的戲份, 及戲中劇情都不及上兩集.


睇左好耐的 resident evil - Retribution 可能已經係上個月, 做到已經唔記得第幾集, 係我睇過最差的一集, 全套戲比一個劇情須要的情景困死, 欠缺自由度與空間感, 怪物亦欠缺新意... 最可怕係李冰冰的造型, 真係太肉酸了, 什麼年代重用n年前紅色開叉裙造型, 太out了吧!  結尾亦留一個大服線, 留待下一集表現...

taken 2, 雖不及第一集咁新鮮, 但都營造到最重要的緊張元素, 還記得睇第一集睇到我好緊張好激動, 兩集都咁值得睇!

之前重有好多戲睇左都無寫, 希望自己唔好再咁懶, 總想幫自己做個record...

Red Mr , 義順， 又BBQ

上星期六去了灣仔Red Mr 唱K， 好耐好耐無唱K喇， 下午happy hour min. charge 只係$99位，另加一.
食左兩份二人餐都食唔晒個min. charge, 好抵食抵玩！

依家依種天氣最令我日想夜想去BB蕉，終於同黃生兩個人去燒了！！

義順蛋白奶最正！食完滑dodo

金魚街石春貓

每次到金魚街都會見到依隻貓

龍蝦海鮮打邊爐

上星期回娘家食飯, 親愛的爸媽竟然買了龍蝦等海鮮打邊爐, 一睇到都傻了眼... 唔理咁多, 食得是福!!


左面唔係花甲或蜆, 係聖子仔, 不過烚的時間過龍變得好un
第一次龍蝦打邊爐, 真係好爽口鮮味, 係唔同o既!

阿爸最識揀海鮮, 次次都揀大大隻又好肉, 唔似我成日比人搵笨.

 

 

去左外國的妹睇到眼紅...keke

又食蔡潤記, 鬆弛熊店裝修, 探朋友女

一早起身返大埔搵蔡潤記, 食上隱!!



之後就出左九龍灣巡下RILAKKUMA STORE, 裝修過, 感覺好田園, 更吸引!

之後去探好朋友的baby girl, 好可愛!

淘寶鞋

第一次在淘寶買鞋, 事原早星期在九龍灣行街, 見到依對一模一樣的鞋賣HKD300/, 諗住買架喇, 點知無自己碼, 心有不甘地去淘寶搵, 點知又比我搵到, 重要平靚正, 兩對加埋運費都唔洗$300/, 最開心不過如此.



淘寶都有唔少依種款的鞋, 我見過有D平少少, 但樣同質料都差得多, 睇評價就最更了解品質問題.

試著實在好舒適, 有個厚厚的鞋墊還另送半鞋墊呢, 賣家亦好老實, 深色鞋會有退色問題, 襪子好大機會染色, 亦因質料是()皮會好容易整污, 也不可濕水, 正想去買支防水噴濟.