新年活動2014

大年初一, 指定活動先返娘家拜年, 年初二又返阿姨度團拜, 見有時間約了孖仔同佢家姐去食個susi先.

講返年初一, 第2站去奶奶度, 途經美麗的獅子山

年三十晚好似食鴻星盤菜, 自己加左罐鮑魚, 不過依盤太細, 唔夠料.

附送龍蝦, 蟹鉗同燒鴨, 另外加了魚同魚生.

年初三, 同黃生朋友團拜, order了大興大盤菜, 另附湯包, 味道不錯, 10個人都食得晒, 勁!

年衫四去了黃生uncle屋企團拜, 魚蝦蟹耍樂必備!

今年屋企樓下盤桃花開得特別靚!

今年在東海堂買的紅豆同馬蹄糕都OK, 加埋奶奶親手製的蘿蔔糕, 滿足!

黃生送的手飾架, 比我用黎當願望樹, 正!

元朗花市, 粱記餃子麵

 今年係第一次行元朗花市, 唔想出維園,花園街迫, 又想買年花, 所以選擇來.

 睇落都OK, 都算大, 乾貨濕貨都有不少, 起碼比我娘家大埔的花市大.

今年想買盤細的, 睇左幾盤都OK, 不過黃生陪我行左幾個圈, 最終都係買散的自己插, hehe...

行到天都黑埋, 終於可以收隊了.

求其搵了間上海舖食雲吞水餃加炸豬扒, 又幾好味wor, 下次都要再幫襯先.

回到家, 看看戰利品, 揀了3盤花,其中1盤雙槍大約$200/ (唔記得), 另第一次買金銀柳$20/

 

 揀了這兩款顏色花紋都好靚的蘭花.

裝飾後更有過年氣氛

  

這款雙槍本想扭得有藝術感些, 但出來變得土氣了, 算喇, 下年再試過.

 

品味老式茶餐廳

落左元朗, 求其搵間餐廳食, 點了份吉列豬扒沙律, 出奇的好味,外層鬆脆加肉嫩, 配上新鮮製的沙律, 不是罐頭貨, 老式茶餐廳的水準!

烘底足料公司三文治

堅持, 日光浴

每晚回家, 細佬第一件事係出黎睇住我地入屋, 再急腳走去自己開飯的地方靜坐, 實在風雨不改! 等到黃生忙完再餵食先會擺休. 

好一個堅持的小朋友

開始放年假, Hugo有心情都會入我睡房曬住日光浴午睡, 爽!

象牌韓燒兩用火鍋電爐

最近愛上韓燒, 唔想下下都去餐廳食咁貴, 所以決定買個韓燒鍋返屋企玩下先.

有朋友買野加錢好抵買, 可惜市面無了朋友的優惠, 諗起好耐之前都有朋友送個電鍋, 不過借左比人用到體無完膚.算喇, 都係自己買吧.

上淘寶睇過, 好多款式, 有電的有淨鍋的, 前者怕唔同電壓又怕危險, 後者要用明火, 人地話怕燒到好大煙.

香港大部份門市睇混晒, 得日本城賣平貨, 怕唔耐用, 大百貨公司得AEON, PIAGO有依隻可拆洗式的日本象牌, 大size 重附送瓷質火鍋爐面, 本來都想買大的, 但一心諗住都係兩口子用, 買個細都夠了, 不過實在要多些時間燒, 每次都要燒3小時, 所以如果真係買都係大的好,當然價錢貴點亦要地方安置呢.

 上圖買了細SIZE的, 價錢相差2百多.(拍於AEON, 但返到屋企附近新開的百貨店見一樣價錢便買了)

 下圖價錢係PIAGO的價錢

陶大見的電燒爐, 好唔好用就唔知喇.

同店還有這款, 但太細了.

最終買了細size的日本象牌.

用到至今5月, 差不多每月一次韓燒, 實在好玩好味, 當然有好亦有壞處就係點都會令屋企有少少味, 不過一般都唔太大問題, 開窗風扇吹散第2日就無味.

翡翠飲茶團購

在團購買了太子的翡翠飲茶, 入到去感覺怪怪, 可能平時習慣拎飛帶位, 地方迫同細唔在講, 入到去要行去cashier問, 重要自己見有位自動波先有位坐, 搭枱位都算, 平時我唔搭枱的, 難得出去飲茶當然要坐得舒舒服服, 坐底等食都要等好耐, 最抵死係隔離枱等到投訴同發忟, 不過經理無咩反應就走左, 嬲到佢地震, 我張枱有位阿姐搭左枱好耐, 其實係等外賣, 又係漏單.
so far, 我地食物到齊, 水準OK, 流沙奶黃包最抵讚的, 但服務水準不敢再試喇.
 

新年商場佈置及迷你年花模型

今年的馬年佈置都好可愛 @ 葵芳新都會

 

 

 這款特別祝福未上車的親友們, 人人買到樓就最好了!

每年都必到太子繽紛巡舖睇新年佈置, 今年入了些迷你的年花模型, 造得真不錯, 可惜超貴, 每件過百元!

Megabox 始終最好行, 佈置亦巨大

APM的佈置

Dinner @ Italian Tomato

 好少在Italian Tomato 晚餐, 今晚去了荃灣試, 叫了兩個set dinner, 有湯, 主菜, 飲品重有甜品, 食得好飽, 但都係我喜歡又有水準的食物, 耐唔耐放縱一次吧. ^^