日本桃當造, 豪一個咁大把試下幾好味, 又真係幾甜幾多汁.
2014年7月28日 星期一
海龍王餐廳, 限定白桃蛋糕
同海豚玩完, 就在園內逛逛, 坐上了摩天輪, 天氣同我的心情一樣好到不得了! 景色也一流!
係時候去睇埋海洋劇場, 又可以睇多次海豚
鯊魚館
最凍的企鵝館
係時候醫肚, book了 海龍王餐廳, 食個TEA, 重可以坐window seat, 享受!
黃生話條魔鬼魚望住我, 其實好似, 不過o個對唔係眼^^"
做晒最想做的事, 其他都變得不重要了, 睇埋大小熊貓便早走了, 累~
無意中揀了這款限定100個的白桃蛋糕, 比想像中好味, 白桃清甜多汁, 而且有Italian Tomato一貫的幼滑忌廉做的蛋糕, 十分美味!
OCEAN PARK 豚聚一刻過生日
今年選擇到海洋公園過生日, 免費入場麻, 重揀左想玩好多年的豚聚一刻, 即係同海豚相聚, 依個係我最難忘的生日!
午場full了, 揀左早場9點, 重早過起身返工, 不過有得同海豚玩, 幾早都無問題!
當日好lucky, 帶我地的導嘗員Yuki係個好nice的暑期工, 但都照顧同講解得好好, 重話平時暑假多數都會full, 就算早場都一樣, 但今日得我同黃生, 可以有更多同海豚的互動時間.
玩之前都要上堂學習海豚同基本知識, 大部份我都知同估啱...^^
先在池邊認識新朋友,分别有雌性海豚Hicky, 雄性有20歲的Toto, 最大年紀同最大隻的Domino 大約30多歲來自印度洋, 還有10歲最young的Anson, 佢兩個係最friend, 好喜歡孖住一齊行動, 有時又會好似貓咁喜歡咬下對方玩, 所以佢地背上都有唔少花痕, 而且佢地4個係一個團隊一齊生活的.
第一次摸佢地, 感覺好特別, 好似摸好大舊好光滑又好有彈性的橡皮擦.
第一次嘗試餵食, 佢地通常食4種魚, 有沙甸魚, 多春魚, 魷魚, 重有希靈魚
一班海豚朋友排排企...
一齊跳舞同做指令, 可愛到不得了
好在得我兩個玩, 導嘗員Yuki先得閒幫我地影咁多相.
重記得同佢按擦背時, 佢會舒服得合埋眼.
最記得同我合照的Domino每次做完指令, 聽到訓練員吹bibi時都會大叫回應, 好有趣!
同黃生合照的Anson可能年紀最細, 所以比較唔定性, 有點跳皮.
快樂的時間過得特別快, 原來已經同佢地玩左半小時, 雖然兩個人玩係有點貴, 不過可以在生日同海豚一齊過, 係一個非常好非常難忘的經歷.
最記得換完衫走時, 有其中一隻海豚貌似比較深色的 Domino企高出水面用側面的眼去望左我好耐, 我亦不斷揮手講byebye, 好開心佢有依個舉動, 亦好唔捨得咁有人性的一刻.
我一定會再來探你地的!!
訂閱：
文章 (Atom)