一家四口的生活, 森林家族的世界.: 1月 2015

2015年1月31日星期六

迎接羊咩咩

我幾喜歡的家品店HOMELESS 攪左個德國手造品牌Meier 的小綿羊展，利用純德國生長木材同天然羊毛，製作多款SIZE同造型的羊咩咩, 咁可愛, 點可能忍得住唔買返隻返屋企迎接羊年呢!

一下子就失守了... anyway, welcome Sopie, Janice and Charlotte to my home!!

2015年1月30日星期五

晨咁早的團年飯

我依個媽, 做人比較無所謂, 佢話之後比較忙所以提早做埋團年飯, 重特別加料, 不過我喜歡簡單家常飯餸多D, 平常食的蒸水蛋其他人多數喜歡滑的, 但我就係喜歡媽媽整得好多泡蒸到變得不平滑的, 咁會食到內裡有更多肉碎的水同味.

2015年1月28日星期三

Pheromone Dessert

買了 Pheromone Dessert 團購, 來到美食集中地的白布街, 在旺角有如此地方對我地來講實在係一個好選擇, 絕對係避開遊客的好地方.

賣相已經好有TASTE, 味道也不錯呢!

2015年1月23日星期五

麥文記, 佳佳糖水

我係一位粉麵fans, 什麼天氣都會想食粉麵, 當然天冷食就更加正.

今次去了佐敦的麥文記, 看見餐牌都唔平架, 應該都唔係自己舖吧.

點了水餃撈同雲吞麵, 大大粒好爽口, 係唔錯.

食到7成飽,食埋甜品就剛剛好, 佳佳比較老式, 多舊客, 不過又係唔平, 起碼$17碗

2015年1月21日星期三

2015年1月18日星期日

自家製PIZZA,春雞大餐

心血來潮, 買左少少材料同黃生係屋企自製PIZZA,同焗春雞.

個餅底其實用麵包機造的, 好方便!

舖好晒材料就可入爐

香噴噴! 不過個底厚左D, 有待下次改良.

重有焗春雞同SALAD等, 可惜春雞香草味唔啱味, 但都難得黃生肯落廚.

2015年1月17日星期六

餐廳: 愛吃家常便飯, I Cremeria, 7折759

本想去越南蔡, 點知行到去先發覺摺左, 唯有周圍搵食.
附近搵到間: 愛吃家常便飯,時間早都有些人食, 座位算舒服, 不過都係近隔離枱, 人地傾計都係嘈少少.
無叫什麼招牌菜, 只係點了自己想食的, 食物質素都OK的, 當然無人地粉小菜咁正, 但都算不過不失吧.

食完飯, 見到開左間幾大幾多野睇的LOG ON, 感覺唔錯亦行得舒服, 隔離開左間I Cremeria

都算人山人海, 好似什麼地方賣過廣告, 其實我覺得似citysuper內間雪糕店, 綠茶雪糕加紅豆, 味道都差不多, 係多左少少丸子同粟米片之類吧, 無咩特別, 不過佢招牌款式係有成個蜜瓜的, 但咁大個又點食呢, 重要無咩位坐.

經過759雜貨店, 做7折好好好抵呀, 日本版KOSE卸裝洗面膏只係$26.6 真係算好平喇, 日本買都應該差不多,買左一堆產品都只係$185咋.

行過見咁多人食又有位就入內試試, 其實依間食物中肯講句無咩特別, 都係差不多款的All day breakfast, 但如果同人地多款式的比較就變得有點遜色.
最令我不滿反而係服務的方式, 唔係態度差, 我本來坐下圖的有reserve牌位置, 佢話有人訂左, 我個刻諗依D小餐廳都有訂位咁好, anyway我都坐隔離佢安排對住咖啡機的位, 坐得不太舒服, 問佢下面如果有位可否幫我轉, 佢都話好, 當然佢之後都無理過我地, 咁唯有我主動再問下面個位可否轉呢, 佢又話唔得有人訂左, 到左我隔離佢原本話有人訂左的位, 我見到有外國couple坐, 我亦唔清楚佢係咪就係訂左位的客人, 但佢之後竟然可以再轉去卡位坐, 咁我就真係覺得有問題, 每個位都話有人訂我都可以當官腔, 最多都係食完走人, 但選擇無視本地客而只服務外國客人, 真係接受唔到依種服務態度!