HABITU last dinner 2015

2015年最後一日, 同黃生近近地在屯門HABITU dinner, 其實真係好喜歡佢的 rose latte, 好香好滑, 配埋件一口brownie 真係好夾!

今晚個set dinner 前菜有蜜糖雞翼, 外脆加上甜甜的蜜糖, 幾好.

Burger set, 睇相唔覺, 對比右上的咖啡杯就對比到個SET有幾大份, 真係大到食唔晒, 但幾好味, 個包有烘過, 漢堡應該有7成熟.

又係一分錢一分貨, 依個肉眼一般喇, 唔算難食亦唔算好好味.

回到家當然都開個罐頭比兩位少爺仔食喇. 

今年算過了一個不錯的一年, 有得食有得玩有安穩工作已覺得幸福了!

彈忌廉GAME@聖誕party

聖誕約了班好友慶祝, 太興盤菜加打邊爐, 多野食到食唔晒.

遊戲時間, 玩左個好正的GAME, 就係彈忌廉, 好好彩我無事, 但黃生就無咁好彩囉, 成班人都笑到碌地 XDDDDD

今年公司抽到2獎獎金$800(好似係), 黃生今晚亦抽到頭獎(我覺得係), 炮谷機一部, 好想搵晚睇戲時整炮谷食! 我自己抽到咩呢... 原來係我幫朋友買的香薰油, 唔錯, 自己唔喜歡都唔會買吧.

平安夜食德國菜

平安夜約埋阿妹行陣街, 食下野

夜D join埋黃生食德國菜

聖誕佈置@我的工作枱

最喜歡節日佈置, 幾唔夠位都好, 今年聖誕都要放到一枱公仔佈置至安樂...^^

好友聚舊@大中華

好友返HK, 難得齊人約了一班玩具同好好友出來食飯聚舊, 好開心的一晚!

峰 SUSI

"峰"坐位舒適, 不用搭枱, 用電子板點菜, 感覺新鮮.

個火鍋味道麻麻

其他炸物, SUSI, 刺身都好味.

請勿打擾

Haven 雖然坐在我身邊, 但就另轉面, 一副請勿打擾的姿態.

表妹生日飯 - 金枕頭

表妹生日去了粉嶺金枕頭食泰菜, 好味道!

重溫砂鍋

終於上新一集砂鍋, 係時候溫集一下

Little Twin Stars 佈景

屯門有Little Twin Stars 佈景, 好靚但亦好多人.

12月減價月, 開心地買了一堆戰利品回家

結婚週年食炑八

結婚週年, 同黃生試下依間"炑八", 前菜都有幾款, 味道OK, 芝士粟米同KIMCHI蛋都可任添. 

烤五花腩時有專人代勞, 服務周到.

不錯的柚子梳打

美味爽口的大蝦

主角是醬油蟹, 10分的話我地比8.5分, 可能第一次食, 有新鮮感味道也不錯, 亦食得出鮮甜蟹糕味, 醬油不會過咸, 抵讚!

蟹蓋配上白飯攪混食更滋味, 韓國人口中的偷飯賊, 並非浪得虛名.

一個令人食得滿足的石鍋拌飯, 喜歡生蛋拌混增添蛋香同濕潤, 鍋底有少少飯蕉亦不會太乾亦增添口感

油脂溶在口中牛味濃郁的牛小排, 食得滿足的一餐!

HUGO大哥

阿哥就係阿哥, 要坐邊就坐邊, 所以一副依個位係我的眼神.

我的學生年代 - 布甸狗

同朋友講開學生年代喜歡的公仔, 自己喜歡過布甸狗, 以為無晒佢D產品, 估唔到重有相簿, 卡片簿同清潔衣物毛塵器, 睇返都好可愛, 估唔到依家重興返添.

HMV 旗艦店

HMV開了旗艦店, 點都要來睇下, 感覺幾好, 有野玩, 有碟同產品睇之餘, 亦可上餐廳食野, 有時亦會有live show