jp sf new products July 2011

日本森林家族7 月新品

精靈寶石之丘

好多寶石, effect做到真係閃閃 ling.

 

寶石造的桌椅, 好grand呀!

 

精靈浴室

 

之前都出過的炭灰貓家族, 今次又出新款, 除爸爸媽媽外, 變成twin sisters , 還穿上可愛晚禮服.

上一款的炭灰貓家族分別是3個baby, 還有服裝亦比較細緻華麗.

自煮海鮮餐

今晚端午節, 落街市買餸煮海鮮餐, 剛剛食完好滿足!!

3點蟹$94/($56/斤), 半斤海螺$20/, 半斤基圍蝦$30/, 4隻扇貝$25/, 食咁多野都係$179/ , 雖然依家買餸比以前貴好多, 但出街食更唔止.

奶奶包的端午糉

年年都有奶奶包的端午糉, 今年亦不例外

 

有東菇, 豬腩肉, 重有成粒咸蛋黃哩埋裡面, 好足料架!

 

胃食haven都想食

本地文化展

睇完pixar諗住搵toliet, 點知見到隔離有個本地文化展, 幾好睇, 最重要任影唔嬲兼無咩人, 行得更舒服!!

依個係戲棚粵劇展, 一入門口就見有個好大的神壇

 

戲棚模型

 

令我諗起細個去戲棚睇戲的情景, 其實我志在去有好多野食, 如麥芽餅, 雪糕等...

 

重有好多有心人士捐出的頭飾同戲服等...

 

行過另一館, 重見到水上人的生活展覽, 我爸爸同爺爺都係水上人, 平時聽爸爸講就多, 依家睇到都特別有趣, 最重要有唔少大模型, 睇得更加投入.

Pixar 展覽

昨天放假, 終於選擇左黎睇PIXAR展覽.  (展覽會到7月11日完)

 

好在早少少到, 兩點時重未有人龍, 到我地走時人龍就排晒出黎.

諗住無得影相, 所以無帶相機, 點知其實都有些少野可以影的.

 

本來好大隻的毛毛, 影出黎變得好細.

 

CARS 2海報, 唔知幾時上畫.

 

臨走時重見到JUMBO 巴斯同胡廸

 

我企埋去只係到胡廸隻手咋.

 

今次展覽都唔錯, 有段10-20分鐘的短片, 大量插畫, 手犒, 模型, 重有一個用多款不同動作的模型不斷轉動加上閃動的燈光造成的動畫, 好有趣的, 同宮奇駿三鷹博物館的那一個一樣, 絕對值得一睇.

**小貼士: pixar展覽有兩邊館, 記得keep 門票分開入場.

入場的小小紀念品, memo pad

單身男女 blu-ray

之前入戲院睇已經好喜歡依套戲, 成日諗唔知幾時會出碟, 估唔到咁快就出, 依隻成為我第一隻買的港產blu-ray碟.

今次有連續3日假, 大把時間慢慢睇...

新相機. 牛爸示範

又有新相機......  HAHA, 其實只係上星期東touch附送的電話繩是也.

因為一出這期雜誌已被人搶購一空, 多得同事幫忙, 咁啱識人有免費mini相機送贈, 實在開心到不得了!!

O記為左賣廣告, 諗到送新相機的電話繩, 個盒的內外圖片及設計都做得好好, 真係有d沖動想買依部相機, 不過我已有另一部至愛, 暫時都唔會轉款喇.

 

有body, 重有kit鏡同長鏡對換, 認真細緻!! 

 

牛爸即直示範相機完全適合森林家族子民使用.