冬季手飾, 頭飾

新一年買左堆手及頭飾獎勵自己.

冬天當然買些冬季的款式

煽風點火的人

最近, 我在blog友留了段真心的留言, 是一段關於真正知識產權的意義, 其實我想說分享是喜悅的事, 不過無條件的分享會更適合呢.
可能我覺得blog友還是小朋友, 才會多事希望能教她一些小道理, 亦用了溫和友善的態度向對方表達, 雖然對方不太喜歡及將我的private message公開了是我本人, 更更改了我溫和的用詞, 這刻我亦做了衰人似的, 但我亦了解她還少, 未能真正明白我內裡的用意.
但以上都不是重點, 反而問題在於有其他人一見有事就將早前聖誕書展的事來煽風點火, 可見留言者用意在那, 這是最令我看不過眼的.
可能有人會覺得我開書展的post似小事化大, 但我有什麼利益, 我只希望幫受到不公平對待的blog友向有關單位要求改善, 避免下次再有類似的事情發生, 但換來這些人的批評, 心感奇怪... 雖然我唔會為這些事而不開心, 正正就係依個世界太多這些人, 要是你唔開心佢只會更高興, 無須要令佢地得逞吧!! 但最可憐的是blog友被人利用了都不知呢.

IKEA 小配件小改變

o係ikea買左幾件配件放睡房, 另外重有張枱毯




換佈置前

新一年新開始轉換一下, 希望更順利健康!!

 

Godiva Chocolate

好開心識位朋友是Godiva 員工, 可以半價買Godiva朱古力, 實在GOOD呀!!  好好味!!
唔該晒依位朋友!!

除夕晚餐: 峰susi , 松記糖水

除夕晚, 無特別去邊慶祝, 只係兩口子出左荃灣行街買新年禮物比黃生, 行到6點早d搵定野食, 特別日子唔會訂特別大餐比人屈喇, 又係行到邊食到邊, 經過峰壽司, 一間我應為唔太貴又抵食的壽司店.
黃生話toro好正wor, 梗係喇, 30幾蚊件, 唔好味就奇喇.
我試蟹腳反而乾左d, 但都有蟹味, 其他帶子及甜蝦刺身夠鮮甜, 三文魚腩susi好抵食$12/件.





蝦天婦羅炸醬夠鬆脆亦新鮮!

至正的峰鰻魚, 係有d骨je.

絕對唔係用粉混出黎的麵豉湯, 蜆肉淡味了, 因精華全都在湯內, 啖啖好足蜆味的蜆肉湯.

唔記得依款咩魚, 但好好味, 油脂均勻,  蔥同薑溶令味道更提升.

是晚甜品, 去左最多人的松記, 次次去都多人到食唔到, 今次雖然8點幾都已經好多人等, 好在等一陣都有位.

黃生揀的芝士咖啡cake, 味道好似益力多味, 奇怪侍應比左spoon 重有把刀, 原來依份甜品係要用刀, 但根本太硬係切唔到, 食得好論盡. $15/好抵食.

鮮雜果紅豆綿綿冰, 可以揀雙色冰, 紅豆淋d更好, 依日唔太凍, 食完爽晒!!  $38/

最正乾炒牛河的富記

成日都會去旺角太子, 但就算行過都唔知有依間餐廳, 到知又唔記得去試, 今次終於記得喇.
終於可以黎試全港數一數二的乾炒牛河, 睇樣已經知掂, 無多餘的一滴油, 河粉色澤均勻, 牛肉真係好味, 食每一啖都覺得好好食, 真係覺得依碗$38/同出面差不多價的牛河唔夠食同特別細碗, 唔知係真係細定真係太好食的幻覺.




另order左碟豉汁蒸魚腩, 個汁好正, 顏色雖黑但唔過濃味, 近鰭位真係特別滑, 下次要試魚雲一定更正!  
魚腩around $50/

 

欣賞Star Light Garden

等到新年前兩日先有時間去沙田的星空花園, 本來想黎影張相架, 可惜都要等, 希望下次有機會喇.

其實只係諗住依個Star Light Garden 係一個長期開著燈的一個花園, 原來都有分時段開始的, 表演歷時4分鐘, 有背景音樂, 用上過百萬推砌而成的藍燈花園, 亦有些少煙火, 重有我最喜歡的流星effect, 感覺都唔錯呢, 當然最好係同喜歡的人一齊去欣賞 !!






兩段比較喜歡的lighting show video, 特別喜歡流星滑過, 有想許願的感覺.