再臨東京 - BIC CAMERA SF 9APR12(19APR12(1)

 前一晚唔夠時間去bic camera巡視, 今早10點幾就先去入貨, 今次新貨算齊全.

還比我看到有新出的koala family set, 好開心呀, 重好抵呢.

買完就去了小田急百貨公司超市買點生果及食物

 


D蛋糕可愛到呢!!! 重好貴呢...

早餐

望住新宿御苑櫻花遠景食早餐, 食完再出發到台場

再臨東京 - 森林目標之旅 8APR12

兩年無黎日本, 今日再來臨, 繼續我的森林目標之旅!!


依然住HOTEL CENTURY SOUTHERN TOWER, 今次住3人房, 房間大點, 一人一床更舒適!

放好行李已經8pm, 行去shopping mall好近好方便, 睇見每樣東西都特別精緻!

時候唔早, 經過蟹道樂, 好多年無食呢, 今晚有姑姐萬歲, 開心極了!!

order 了一個7800yen set dinner 及散叫order

 

crab sashimi 無想像中咁正, 有點筋.

啖啖肉的蟹腳

我最讚的蟹糕susi, 真係好好味架!!

即燒蟹腳, 肉汁燒到熱辣, 味道更鮮, ho si !!

芝士蟹煲, 不錯.




蟹天婦羅又係啖啖鮮味的蟹肉, 激讚!
鮮蟹柳susi, 內有點wasabi, 提升蟹柳的鮮味!

最後的抺茶雪糕, 滿足了!!

已經10點經過歌舞妓丁, 仍然咁熱鬧.

比我搵返上次食的鹽燒海老, 即係大虎蝦, 點忍得住唔回味下.

手掌咁大隻, 點會唔滿足!!

最後還去了24小時的U.S. MARKET 100yen店掃我至愛的calbee薯片, 左2行的雞湯味係我至愛!!

第一晚到埗時間唔多, 但已非常滿足呢!!

 

 

準備出發

今晚pack好行李, 明早準備出發!

玉玲瓏上海菜

星期二用團購優惠去荃灣玉玲瓏試菜, 2人份量8小碟只須$128/ , 雖每樣細細份, 但對我就剛剛好, 最重要味道不錯, 無優惠都可再試.

是晚食物有水準, 座位亦寬敞舒適.
最喜歡個話梅排骨, 酸甜度剛好, 味道出眾. 
鎮江肴肉不會鬆散, 造得夠實.

渡假屋新收穫

話說3/4 第一日easter promote 即到荃灣千色店, 但出奇地無我想買的森林家族新貨, 跟住搵職員幫我問元朗分店有無貨, 更奇怪佢地搵唔到貨品編號而幫唔到我, 實在廢解. 
第日放假, 過去元朗店見到有貨, 即買我的target 森林渡假屋, 另外買埋精靈樹頭, so happy!!
不過元朗店無特別產品換購架, 如果想買我上篇報導的特別產品就只好去荃灣店喇.
而今日荃灣店亦通知返了新貨喇.

荃灣千色店 Easter promotion

昨晚到荃灣千色店巡森林家族的Easter promotion, set左個特別corner擺放SF.

雖然場地唔算大, 不過都有一些新產品的展覽.

特別產品算有些少, 除毛公仔, 重可以特價$39/買可愛造型的KEY CHAIN.

另外買滿$300/ 可加$79/ 換購特別造型的BABY SET (如Wedding, Alice in Wonderland, Nursery Student), 重會送一張雙面的森林家族圖畫卡, 大約有A5 SIZE.

本來去係諗住可以買間新出的渡假屋, 但竟然無晒貨, 最終只買到兩個Key chain, 其中一個重係幫blog 友買的, 算喇, 今日會再去元朗或屯門巡視.

仿桃花林

每年到3-4月, 都會開一種滿佈粉紅色的花樹, 每次經過元朗公路都會見到一堆好似桃花林, 遠看亦似櫻花樹.