spotlight sunset

放工返到天水圍見到好靚的景像.

金潮小廚

上個月5個人去了葵芳金潮食小菜, 之前2個人來食唔到幾多樣, 今次好開心叫到一枱都係!
是晚星期四 book 8:30, 無大排長龍, 但都有不少人錄錄續續來, 老闆這晚有點時間招乎我地, 可能見我地點不少菜吧, 老闆人幾健談, 唔會令人煩厭, 大家都傾得頗投契.




前菜涼伴魚皮, 真係幾爽口, 不錯!

梅子排骨, 感覺無第一次咁有梅子味, 亦可能太多食物上枱, 食一舊便唔得閒再食, 灘凍了便不夠香味.
聽老闆講廚房有15人下廚, 唔快就奇.

新鮮爽口的大蝦西蘭花

這是嘜東東?

就是荷葉糯米飯, 都十分入味多材料, 老闆教落記得攪混先食.

一pat不知什麼的樣子, 其實係好鮮味的蔥爆生蠔, 蠔果然又大又新鮮, 好好味!

估唔到係椒鹽魷魚, 炸得漲卜卜, 幾特別, 但椒鹽好難混入, 變得不夠味.

好似係炒粉絲, 小小辣釣味, 個個都喜歡.

味道過濃的乞丐雞

 

總括是不錯的小菜, 但已沒有特式的感覺.

生日活動: 森林家族佈置 韓燒慶祝

生日前一天約了VICKY到MEGABOX佈置森林家族飾櫃, 經過德福又有收藏展, 看見一些絕版食玩便流口水了.

好多TOY STORYS 珍藏, 數量也不少, 放晒所有入櫃欣賞特別壯觀!

人咁大頂帽, 睇見都想戴!

無得慢慢欣賞, 因趕時間, 同VICKY食個IKEA 午餐就開工了.
今次好難得視工作於娛樂, 其實都不算什麼工作, 只是去換新品入裝飾櫃內, 過程已令我十分投入同開心了.

換換下已經想買, 大眾做promote, 幼稚園只係大約$250, 好抵玩!!
sogo都有85折

另外在又一城PAGE ONE的佈置
VICKY還有在SOGO的午夜佈置工程更有趣呢, 可惜未有時間參與, 希望下次有機會喇.

晚上約了同親友到 韓國錦城 食韓燒



先來的8小碟, 味道不錯, 泡菜味道比平時食的正宗同特別

右下牛肉唔記得咩部位, 個個都喜歡佢油脂分佈平均, 入口有牛香.
雞比較無味, 但特別點上另外ORDER的醬連生菜包著食, 十分野味

就是蝦上的特別醬, 小小辣令人回味.





炆牛肋骨, 十分入味, 味道亦是講不出的特別, 十分推介
但圖下方的牛小排不夠味, 亦易燒UN.

燒海鮮餅, 果然名不虛傳, 好香脆美味!! 點上右下配上的醬, 必食!!

很滿足的一餐!

之後還去了SMILE食FROZEN YOGURT, 賣相特別, 所以要60幾蚊杯, 比平時食的貴, 不過生日無計吧.

表妹細細個就一齊旅行, 當時幾歲只到我腰下, 現在差不多比我高了, 看著很欣慰!

回到家的SURPRISE, 多謝黃生, 不過這款味道不是我杯茶, 還奇怪蛋糕內有流心, 一切開已經流晒出來, 這種設計不太好.

第2天正日過了海慶祝, 沒有特別食什麼了, 只是食SUSI, 最開心的是天公在這天送了晴朗的天氣給我, 下了星期多的雨, 終於天晴, 我亦可開開心心行街了.

臨走在IKEA買的肉丸PIZZA, 上次食過覺得好好味wor, 有機會自己整都好.

平時黃生都有送野比我, 所以無特別要求什麼禮物了, 只要了這款在中環買的兔擺設, 很可愛呢!
(後補圖)

megabox Ramen Champion

7月有天星期六約埋奶奶飲茶同睇 怪獸大學, 比預期好睇.

在megabox box睇完戲, 估唔到見到開了Ramen Champion, 這天係開幕前的試業, 無咩人, 依然好味!
香港真係越來越多有水準的拉麵店了, 不須掛長龍才食到.

 


我最喜愛的豬骨湯底, 好正, 不過次次食到尾都攬住個肚.

餃子反而麻麻.

地方都唔細, 最重要坐得舒適.

行埋街時間嘗早去了淘大食甜品, 全日剛好避開繁忙時間, 不須等位就食得, 遲多陣已見人排隊, 下次都要提早活動先得.
估唔到依款金枝玉葉(芒果甜品)比賣相好味!! 又滿足了!

森林家族新品擺設會議

話說早在7 月好友VICKY搵我幫手同森林家族代理做擺設, 有得玩當然二話不說SAY YES 喇!

星期日到 PAKA office 開會傾新品的擺設同安排, 見到新幼稚園同小巴都十分可愛呢!!



正面重好有田園感, 做場景十分合襯!!

樂在其中的會議, 都是自己喜歡的森林家族, 所以一點也不辛苦, 還很好玩, 當日還有代理萬歲, 實在開心呀!

難得同好友見面, 當然不會錯過相處的時間, 還一齊去"甜牙牙"食了個美味甜品!

這款strawberry綿綿冰是新鮮製的, 一路食一路有士多啤梨子在口中, 好特別同清新!

賣相好得的枺茶甜品, YUMMY!! 不過食到尾都幾流同甜, 最好同人share.

手痕痕, jackie 小收穫.

HUGO睡怪相

HUGO的睡怪相
釣魚型



見光死型