跟實你

放工返到屋企, 企左一陣發覺有D野o係腳邊, 原來係haven, 即用可憐的死光要我餵野食... 洗唔洗咁急呀. *_*

鬆弛熊朱古力杯墊,膠紙,扭蛋

有日見到款新出的鬆弛熊朱古力杯墊, 好喜歡, 真係好似食得咁. $49/
重買埋款朱古力色膠紙, 太Q, 唔知貼咩都買左先. $10/




比我見到新出鬆弛熊扭蛋, 5款比我抽到3款唔同角色, 最開心last抽到鬆弛熊食朱古力依款!! so luck!

森林好友的開心聚會

今次去牛奶兔家聚會, 影森林家族, 傾森林經已經好開心, 加上收到佢幫忙在日本買的森林產品, 更開心呀!! 重有牛奶兔DIY的森林card, 真係好有心思, 我最喜歡咁有心意的禮物, 多謝晒呀!!




另一位森林好友lotte, 好有心送上手信, 實在感謝呀!!

我好好彩, 在寫blog以來都認識左唔少一齊玩森林家族的朋友, 係我心目中佢地都係我的好好朋友, o係依個社會可以識到你地我真係好感激架!!

森林雪地之旅

 

遲來的雪地之旅係借牛奶兔的場景及lotte的擺位協助而成, 我就只須擺少少位及拍照, 實在好好玩!!

終於有機會同冬季的樂園兔拍照, 令圖片更吸引, 拍得特別開心!

monkey & deer brother 滑雪技術好好呢.

小朋友躲在精緻的雪屋內, milk rabbit sister 與 polar bear一起堆雪球, 有得玩就唔怕凍喇.

 

拉住DIY的雪車, 小朋友坐得最開心!!

點小得砌雪人, 重砌到自己都成身雪




唔通佢地想玩冰調

玩到咁凍, 好在Waiter Cat 煲了一大煲蔬菜湯比所有人飲, 大家都可以暖暖身喇.



好想擁有的風車屋呀, 雖然自己無, 不過有得去朋友家玩同影相都好開心, 真係好靚呀!!

 

開心的一天, 傾好多森林經, 影好多森林相, 實在好滿足, 希望好快再約過!!

暖爐去邊, 佢地跟到邊

大年初一開始幾日都凍到不得了, o係屋企都感覺到好寒, 當然第一時間就拎定暖爐出黎長開喇.

平時暖風機都會放埋一邊吹暖氣, 為左唔想兩兄弟掙最暖位置的舒適椅瞓, 所以拎埋haven的私家床放在暖爐前, 咁就可以一家都暖笠笠!!

又有晚將個暖風機放在我坐的sofa前, 無耐兩兄弟都走上黎瞓, 果然識搵好位...  (hugo個樣係唔順haven又走上黎阻住晒)

買蘭花迎新年

年廿九食過團年飯就同黃生去花墟湊熱鬧, 最想去買返盤靚蘭花過年, 不過今年的蘭花真係無特別平喇, 但都買到我心目中想要的.

依款淡粉紅配鮮紅芯的蘭花, 初初覺得唔夠平, 但好開心買左返去越睇越喜歡, 咁就覺得值返晒. $138/  唔包盤.




真係越睇越靚^^

另外還揀左款做promote的紫紅色蘭花, 夠鮮艷增添生氣!  $100/ 2棵唔包盤

 

免家族拜年

今年新年有好多免家親友拜年, 真係好熱鬧, 就算屋企細細都迫得特別開心!



原來前一晚, Brown Rabbit Sister & Mother 好勞力佈置迎接新一年的來臨.




年廿九時, 兔一家行花市時, 買左盤五代同堂返屋企, Brown Rabbit Grandpa & Sister 放好位置裝飾.

新一年, 長輩當然派利是比小朋友, 希望佢地身體健康, 學業進步!!

 

而小朋友最開心都係食美味的糖果.

新一年祝各位BLOG友仔, 身體健康, 心想事成, 龍年行大運!!