昨晚是2007年的最後一晚, 放工便和黃生去sogo買我的新年禮物, 唔洗多講, 我梗係簡我最愛的森林家族啦, 多謝晒啦黃生!
買滿300元可加錢買依個大衣櫃, 雖然真係大左d, but anyway 我都好喜歡呢!
我同黃生一向都不是喜歡同人迫的人, 所以買完野便拿拿淋離開依個倒數的集中地, 剛好預到開始封路, 便選擇乘坐叮叮去灣仔, 行了一會兒就求其搵左間 "老地方茶餐廳" 叫左個 - 花旗雞扒餐, 諗住都係一般的扒餐, 一見個賣相係雞扒上有隻生雞蛋都幾特別, 一食雞扒唔止外皮煎得夠香脆, d雞肉都好香嫩又唔會鞋, 總算有意外的水準喎, 可惜無帶相機啦......
食完晚飯後就即刻搭車返屋企一家人倒數迎2008年啦.
今次又join我candy姑姐同kathy表妹去東京玩, 實在係食好住好, 最重要係我地依個3人組真係玩得又夾又開心呢!
第一日去到箱根, 有時間先行下間賣木製的商店.
剛好天朗氣清, 乘坐”海賊船”欣賞湖光山色, 上船前見到一群鴨鴨遊來遊去, 很寫意呢.
中午時份, 係時候醫肚, 這份料理比想像中好食喎.
午飯過後, 去大涌谷觀賞泉眼, 一陣陣的琉璜味須不好閒, 但都值得一覽.
沿途看見的小貓咪, 十分可愛, 還很愛叫呢.
大涌谷特產的熟蛋, 味道無咩特別, 但一場黎到都可試試.
第一晚酒店外的境色, 十分迷人.
(注意以下相片會和第朝早的境色好大分別, 還十分驚喜架!)
第一天完
28/12 星期五零晨返到香港, 瞓3個鐘就要起身返工, 本來請了假可以瞓晏d, 但都係想返公司幫手.
雖然旅行玩到病, 但放工都一於陪返黃生行下街先, 第日至去睇醫生.
黃生當晚買左部XBOX返屋企, 重玩到唔捨得瞓...
而我都唔弱, 簡左3個小b女, 其實想買好耐呢...多謝你啦黃生!
另外重係黃埔jusco買了d布碎, d花好ling呀, 每pack都係四十幾咋.
星期日去了Kathy表妹的生日會, 一斑小朋友好開心熱鬧呢!
重有個又ling又好味的生日蛋糕.
食完梗係玩下我細個都鍾意玩的掉手巾.
玩得重好興奮tim bor.
最攪笑都係依個小bb, 好多bb話, 但佢想你聽到佢講咩時就講得好清楚架bor, 重肯同我玩tim, 因聽佢地講平時唔肯跟人架, 所以我同佢玩得特別開心呢!
之前講過我係好喜歡比錢人去嚇自己, 昨晚睇完依套戲, 今次真係嚇得金
Friday night 同一班同事去了TST Langham hotel 食 buffet, 食物都幾好味, 只厭款式不夠多, 不過公司請就無咩所謂啦.
食buffet前, 9秒9飛去new world買小小森林家族先.
