昨晚是2007年的最後一晚, 放工便和黃生去sogo買我的新年禮物, 唔洗多講, 我梗係簡我最愛的森林家族啦, 多謝晒啦黃生!
買滿300元可加錢買依個大衣櫃, 雖然真係大左d, but anyway 我都好喜歡呢!
我同黃生一向都不是喜歡同人迫的人, 所以買完野便拿拿淋離開依個倒數的集中地, 剛好預到開始封路, 便選擇乘坐叮叮去灣仔, 行了一會兒就求其搵左間 "老地方茶餐廳" 叫左個 - 花旗雞扒餐, 諗住都係一般的扒餐, 一見個賣相係雞扒上有隻生雞蛋都幾特別, 一食雞扒唔止外皮煎得夠香脆, d雞肉都好香嫩又唔會鞋, 總算有意外的水準喎, 可惜無帶相機啦......
食完晚飯後就即刻搭車返屋企一家人倒數迎2008年啦.
個衣櫃真係幾大bor! 我諗諗換唔換先! 因為同自己講左唔好再買貨住...>.<
回覆刪除[版主回覆01/02/2008 13:52:00]上星期黃生問我有無止境, 初時都唔明佢講咩, 佢講多次我玩森林家族有無止境, 我明白後就回答: 暫時都未有呀, 我依家重好喜歡呢... 相信大家話唔買都幾難, 最多買少d啦.
個櫃買滿300加95, 不過依家promote完左好似無咁抵咁, 唔知幾時至再有discount.
very cute!
回覆刪除[版主回覆01/02/2008 13:52:00]thank you!!!
12月31日晚上，大概放工時間，樹熊同學也在Sogo選購森林家族啊﹗那天，看和買森林家族的人多得很呢﹗不過，我也跟你們一樣，買完便去吃飯，怕擠呢﹗
回覆刪除也許，那天我們已經碰過面也不知道呢﹗
衣櫃也很漂亮啊﹗不過，樹熊同學的家實在太狹小了，所以沒有換購。
很喜歡這兩張照片啊﹗因為除了有森林家族外，還有貓貓。 (黃氏兄弟似乎都對盒子很有興趣......)
[版主回覆01/02/2008 14:10:00]o個日我見到有個太太好奇怪, d sales重o係背後話佢次次都買好多森林家族, 次次買完都hold o係sogo度下次才取貨. 唔知你有無見到依個咁奇怪的太太呢?
無錯, 佢兩兄弟都係每事聞, 好在不是倒蛋王.
vicki最後衝刺買咗唔小戰利品呢!
回覆刪除1月係咪無discount啦? 咁咪可以停一停唔買住囉~~~
[版主回覆01/03/2008 13:52:00]其實千色店重有八折做到17/2架, 手痕痕都可以去佢度止痕先架.
哩個大依櫃本來我都有諗過換架但諗諗吓個衣櫃似乎d格數唔太適合掛d衫仔喎...於是無換 但其實個大衣櫃外形都唔錯只可惜好似唔太啱用所以唯有留返買其他森林產品
回覆刪除[版主回覆01/03/2008 13:56:00]因為衣柜都係比較特別的產品, 大d都可以裝多d野, 兼且黃生送就諗都唔諗買左先.