收到樹熊通知, 森林家族 UK的2009 catalogue已經有得網上訂取喇, 同上次一樣, 不論任何國家都係free postage, 今晚一收到, 開心到震, 因為上次2008 version未有新products, 不過依本就咩都有喇!
日版的Restaurant House都有埋~~
UK新出的Marquee等等都有...
有我好喜歡的Tree House, 睇到眼睛發晒光, 好正呀!
Order uk catalogue (links here) (P.S.網上依然係show2008年的封面, 但已可照訂取2009年catalogue)
今晚著得唔多夠暖, 其實有15-16度本來都唔會太凍, 香港天氣就係咁, 濕度高就比外國氣溫凍好多, 經過seven就諗起維他奶有特別版, 即刻買返兩支同黃生一齊暖暖先.... wahhhhhh 暖晒~ ~ ~
買左隻黃生喜歡的batman (blu-ray), 比佢迎接新玩具.
聖誕睇的第二套戲就係"twilight", 一個月前睇到個trailer, 一d都唔吸引, 今次睇係因為黃生有兩張免費飛, 27/12去睇, 真係好touching, 一向都唔覺吸血鬼片會有感人的愛情戲, 依套新派吸血鬼小說改編的戲, 果然有別於一般吸血鬼片, 出年將會開拍續集, 祈待再上映!
簡左兩張較喜歡的劇照, 下面依張係最sweet的一幕.
27/12真係好忙的一天, 出去join黃生行旺角, 搜獵多時, 終於成功買左個大玩具, 星期二會送黎...
攪左半日, around 8點去元朗掃碟:
- kylie concert dvd 超正
- "the women" 因為有meg ryan所以想睇, 睇完都係一般.
- 方大同新專輯, 比上一隻更好聽.
- HD sampler, 應該估到我買咩大玩具喇掛...
黃生o係旺角買埋 "matrix" 1-3 box set HD版, 韓版只售$500/
之前19/12係表妹kathy生日, 一班人去唱k慶祝, 有蛋糕有壽飽又有香檳送.
25/12同黃生靜靜地係自己屋企附近的商場食泰菜.
依個蛋糕係買黎o係26/12招呼黃生舊同事黎屋企時食的, 不過因為去bbq, 最後都係跌入我同黃生個肚子裡.
依排太忙, 太多節目, 好耐都無講下兩個乖仔, post返兩兄弟d相先.
hugo係santa都係瞓瞓瞓, 食食食, 痾痾痾, 無變就係福.
20/12帶左haven去打防疫針, 個傻仔打完都唔知, 因為我係咁R佢個頭, 醫生手勢又好, 咁就唔覺唔覺喇... , 返到屋企, 一落地就係咁鬧人= =", hea完食完, 依個二少平時瞓開o既竇都唔揀, 係要返去個寵物袋當床瞓, 果然對新事物適應力強.
兩兄弟相處之道, 各有各坐, 互不相干.
兩年無同黃生一齊過聖誕喇, 今年可以一齊過特別開心, 平安夜公司少有地收早2個鐘, 個心一早走左一半, 不過黃生有客見, 自己出左去九龍灣行下先, 之後決定食Pizza Hut, 兩個人都好耐無去堂食, 雖然人少食唔到幾多, 不過都叫多些少喇, 平安夜麻...
有我至愛食的法式田螺焗薯溶, yummy!
煙三文魚salad
次次都愛食超級至尊薄批
唔錯的西班牙白酒藍青口, d汁點pizza食都好正!
食飽飽後, 之前一早上網訂左去睇IMAX版"地球停轉日", 都唔係咁唔好睇姐, 係無人想有咁多的刺激片段, 但都好多精彩特技, imax影院視覺亦特別震撼! good ar!
睇完我真係覺得人類係最可怕同自私的生物... 希望會多D人愛護地球, 世界和平!!!!!
睇完戲就去附近的發記食糖水, 我簡左食紅豆紗豆腐花, 無諗過一d甜都無, out!
黃生簡的焗香蕉酥皮卷, 加上糖霜, 又幾好食wor.
好耐無食過棉花糖, 可能頭先的糖水唔甜, 令我想食返d甜野, wah, 重大過我個頭, 重好甜tim, 過晒引呀! 最重要有另一半o係平安夜陪伴一齊, 食得特別開心!!!
臨走去埋馬沙買禮物比自己...
其實係我喜歡食的cookie姐.
P.S. 當日黃生抽到$100獎金, HAHA好過無喇, 我老細就比左$500聖誕利是, YEAH!!
Welcome to join our Sylvanian Families snow of X'mas party!
join more friends to celebrate
sled have fun
Santa mama and Santa twins~~
So high of X'mas tree
if you cold, come to campfire parget warm
Come on, let's get a picture...
Dear all,
Merry Christmas & Happy New Year!!
下面係平日返去奶奶度食的晚飯, 都好豐富, 最愛黑忟忟o個碟, 其實係糖醋排骨, 超正!
21/12星期日同黃生在家食紅豆湯圓做冬慶團圓.
5/12黃生同朋友去arena睇電子怪concert, 自己孤零零去荃灣行街買X'mas party gift, 再去"大家姐"食至正o既沙嗲雞串, 可惜當日失準, 唔夠熱...
12/12同黃生去旺角食"沙嗲王" 都ok喇, 味味都係炸咁濟, 啱晒我tim, 不過黃生話每次食完都係麻麻地.
今日, o係公司幫老闆睇狗, haha, 今次攞正牌玩狗, 重坐o係側邊陪我做野, yeah!!
不過成日掛住搵主人, 又想偷走~~
有時都乖乖地趴係度休息, 不過皮四極臭, 見其他人即吠, 除左老細同我...
一套已經係7年前的戲, 到依家每年聖誕都睇一次的"Bridget Jones's diary (I)", 今年今日又再返煲, 特別喜歡Bridget同Mark Darcy的開始, 真係每年睇返都唔會厭!
又肥又孤獨的日子...
最Sweet最愛的幾幕
p.s. 雖然咁鍾意睇BJ's diary, 不過都係第一集, 第二集只可以話幾好喇, 早年睇到有報道話Renee Zellweger唔會再接拍第三集, 但可能會有Kate Winslet接拍, 雖然搵第2個點都無咁好, 但我都覺得係最適合的second choice, 只可惜到現在都依然無下文...
話說上星期p完k, 黃生好努力每晚幫我捽"正骨水", 其實去瘀都真係唔錯架, 不過第四晚, 自己得閒咪試下自己捽lor, 開始時覺得啱啱又有d痕, 咪一路捽一路當r痕, 亦都無咩異樣, 點知第日就黎料, 個膝頭d瘀都未好晒, 又好似起一撻撻蚊(nan)咁, 自己都覺得係咪敏感呢, 但我從來都未試過敏感架bor... 第日返到公司咪問下d阿姐點好lor, 佢教我搽"娥羅納英", 咁我無咪搽其他vaseline, 雙飛人, 萬秀雷敦, 咩都試下, 搽左兩日無咩起色, 同事阿姐話佢o個時係搽娥羅納英, 搽左一個禮拜好架, 好喇, 放工又死去買多支, 再搽多1日, 漸漸睇到依幾日d蚊nan係無嘜, 不過依然有d細粒粒, 又痕又紅又慶慶地, 好, 比多日時間睇下點, 即係今日, 好似又好d wor, 橫掂我依兩晚都無時間睇醫生架喇, 就搽埋依兩日先算lor... 不過, 依種痕癢程度真係想發人皮四呀!!!!!!!!!!!!!
各位又有無咁o既經歷, 可以比下咩好方法咁呢...
