香港動植物公園

上次講在結婚週年前一日決定到"香港動植物公園" 影下相, 遊一遊, 當日天氣真係好好, 有陽光, 但溫度只有13-15度, 行得特別舒服, 行行下就會外套都唔洗著.

雖然係星期六去, 但發覺都唔係太多人, 行得更加爽.

 

一個大公園, 見到的都係外籍人士, 感覺有點似去了外遊.

 

建築設施都算有心思, 會用動物造型去興建, 不過好多都在工程進行中.

 

隨處都可見好特別的雀鳥自由咁飛, 睇到右下角的尖頂鳥, 覺得真係好特別.

 

進入動物園範圍, 大多都係各種的猴類, 不過真係睇得好開心, 可能我真係好喜歡動物, 而且重係同類吧!

下面依隻個子細小的叫"皇狨猴", 重有兩pe白鬚, 成個老伯仔, 好可愛架!

 

遠睇以為係熊貓的"領狐猴", 隻隻都係典型馬騮, 周圍fing, 算係好熱鬧的一群.

 

好似知我影佢特登坐定定擺pose的"環尾狐猴", 真係抵錫!

依個有十幾隻的family, 算係大家庭, 成班得閒就開家庭會議... oo  比其中一隻發現tim.

 

少有的見到猴子同鼠類一籠, 和平共處.

 

一路睇猴一路發現格離個表情多多的bb猴偷望我ar.

 

爬到頂晒太陽的大腥腥, 好抵死, 見到我影佢即刻擰埋一面, 果然識玩野.

 

依兩隻腥腥又係超攪笑, 好似比人拎住支槍指住咁, 全程無放底手, 真係唔識攰wor.

重影到小彩虹ar.

 

隔離係雀鳥區, 一大群紅鶴可以係咁大的地方活動, 算好好喇.

 

永遠成雙成對的鴛鴦, 當日見到特別有意思!

 

各種鳥類, 中間o個隻好似punk頭鳥...

 

到溫室區喇, 細心觀察會發現唔少的特別植物...

 

上面兩種都係食昆蟲的植物, 下面係我之前種過的黑骨芒(蕨類)

 

真係覺得好靚的狐尾草, 同個名又係幾似wor, 有d想種返盤.

 

各種蘭花, 有d除外...

 

好有心機佈置的蘭花!

今次行依個地方真係好滿足, 可能一黎唔洗錢, 所以無祈望過會有什麼, 睇的時候又用心去感受同欣賞, 令到依個小小旅程玩得影得都好享受.

 

行完之後便去埋"香港公園", 有個小小的花卉展, 一眼睇晒...