之前問過妙麗一些貓狗的相處問題, 首先多謝你的回覆...
這幾天發生了一些事, 因為某d原因, 我好可能領養依隻狗狗bobo, 佢係玩具貴婦狗, 自問自己都無咩夢想, 唯一的真是想養玩具貴婦狗. 未養haven之前, 我真的做了很多對這種狗的資料搜集, 無奈黃生只應成養多隻貓, 最終亦剛巧hugo的baba & mama有一胎kitten出世, 看見外表可愛的haven, 我的夢想亦只好放棄.
今次遇到bobo, 黃生依然極力反對, 我很明白養狗狗的時間同責任唔同, 但我亦沒有放棄遊說黃生, 未得到他共識的同時, bobo便因狗瘟離開了我們, 雖然我只是對了牠短短的半晚, 但此回憶己叫我沒此難忘....
牠病了都會用力走上我的身上休息, 聽說平時總愛周圍尿尿的牠, 也懂得離開我身上才去尿尿, 見牠的第一晚我已餵牠食藥水, 牠還出力合埋口唔想食呢.... 只是短短半晚的相處, 已令我第一次與玩具貴婦狗的接觸而感到興奮!
bobo, 今天雖然你因為太細小, 不能戰勝病魔, 亦因為你的離開, 傷心的我只可祝願你能夠去一個快樂的世界, 願你到下一世會活得幸福, 得到別人的關懷與愛錫!
最後真的想令黃生明白, 無論有幾艱辛與困難, 無論要我放棄多少東西, 我都唔會放棄養玩具貴婦狗, 我都會無條件的付出愛心與責任的!
你是一個很有愛心的人, bobo臨離開前有你的疼愛, 一定很安慰,
回覆刪除不要太難過了.
[版主回覆01/08/2008 14:45:00]非常多謝你的安慰, 現在我的心情已好好多, 只希望bobo可以得到安息!
小狗仔真係好容易病的,唔要難過啊, 生死都要由天定的~~
回覆刪除[版主回覆01/08/2008 14:47:00]無錯, 醫生亦建議夏天才領養/買小狗, 避免容易生病.
非常多謝你的安慰, 現在我的心情已好好多, 只希望bobo可以得到安息!
不要太傷心啦! 你倆半晚的相處, 你對bobo的愛, 相信牠會感受到的。
回覆刪除[版主回覆01/08/2008 14:49:00]雖然這麼短暫的相處, 已令我非常難忘, 不過非常多謝你的安慰, 現在我的心情已好好多, 只希望bobo可以得到安息!
Vicki，我明白你的感受。我以前養過的小龜離開我時，我也很傷心。
回覆刪除可是， 請你不要太難過，雖然 Bobo 離開了大家，但是牠現在已經再沒有肉體上的痛苦了，目前牠正在天國過着無憂無慮的日子，跟其他可愛的小狗一同玩耍。Bobo 知道你很愛護牠，也不想你難過啊﹗
[版主回覆01/08/2008 14:54:00]非常多謝你的安慰, 現在我的心情已好好多了.
你講得啱, 起碼bobo再沒有肉體上的痛苦, 亦希望如你說的, 佢會去一個幸福的世界生活.
基本上咁細個就有 狗瘟係難醫架~~VICKI你唔好太傷心啦!
回覆刪除其實黃生唔比你養多隻狗狗, 係咪衛生問題呀? 因為如果2貓1狗真係會有d問題架! 要成日清潔先得~~ 依家我同鏗記日日要吸至少幾次塵同抹地~~ 你要令黃生明白你係個付責任的主人, 咁一定會比你養的...加油呀
[版主回覆01/08/2008 23:52:00]狗狗太細個, 抵抗不了病毒, 事實已過, 我亦只好接受, 我的心情已好好多了, 真的很多謝你的關心!
為何你們要每天又 抹又吸塵幾次那麼多呢? 我都只是一星期吸一次塵, 雖然都有塵在地上, 但都嘗可接受吧.
可惜黃生應該唔會明白我了, 但很多謝你的支持!
家姐都唔知同你講咩好啦....希望你會夢想成真啦!
回覆刪除睇到我有D眼濕濕~~TIM
不如你安慰下我啦................
[版主回覆01/08/2008 23:53:00]下次見面再同你說吧.
表姐:
回覆刪除你講掂黃生,我就送隻玩具貴婦狗給你
[版主回覆01/08/2008 23:55:00]很多謝你呀姑姐, 但他不會共識呢.
i really feel sorry to read this. 待心情平服後, 冷靜下來再想清楚吧... 你的慾求及黃生的顧慮, 沒對錯, 只是欠共識及計劃。 至於貓狗共存問題, 真係視乎個別情況... 可以好好如膠如漆, 亦可以變得好差。 單是無條件的愛是不夠, 真係有好多野要諗諗。 如養狗後, hugo不接受或因而有情緒病, 你有plan B嗎? "無論要我放棄多少東西, 我都唔會放棄養玩具貴婦狗" <-- 會包括貓嗎? 如你有bb, 家裡有貓又有狗要照顧, 可以一併生活嗎? 動物既野, 好多人控制唔到, 不是想嚇你, 只是想你做足準備, 想定最差scenario可以點處理, 再跟黃生好好商量吧! 一旦認養了, 就一生一世, 好命的有成廿年命, 慢慢plan吧! poodle種類不會忽然間在世上消失, 有生之年, 你想的話, 一定有機會養。
回覆刪除[版主回覆01/09/2008 10:34:00]你冷靜和詳盡的分析, 我會再認真考慮的, 自知好多問題未顧及清楚, 一心只想付出與嘗試, 亦有諗過最壞打算送狗狗給有心人, 因為我的無論如何放棄多少東西是一定唔包括hugo & haven的.
雖然目前為止我不能完全放棄養玩具貴婦狗的夢想, 但我都希望在天時地利人和的時候再作出適當決定.
真的很多謝你的一番話, 我會再用一段時間去考慮清楚的.
日日吸塵同抹地幾次係因為本身我地有鼻敏感啦~~而且肥頭貓& pin pin成日lum隻手...所以唔想佢地食咗d dirty野落肚啊! 我仲買定幾包huggies濕紙巾幫佢2個抹手添呀~~幾好用架，你都可以試試
回覆刪除[版主回覆01/09/2008 10:45:00]其實養了hugo後, 我都才有 鼻敏感的.
我都明白我地o係屋外會帶好多細菌入屋的, 所以養了寵物後, 亦改了好多日常生活的習慣, 例如屋內不會著出街鞋行入屋, 不會著出街後的衣褲坐sofa, 因為出面坐過的地方都好多人坐過, 如巴士及公共地方, 所以以免hugo & haven會坐返我地在出面帶回來的細菌上.