tokyo 16 june 2008 - day2 三鷹博物館, 吉祥寺

大約10點去附近搵間餐廳, 自助式簡左D天婦羅同兩碗烏東食, 天婦羅一早炸係度比人簡的, 所以係凍, 黃生重特別簡左隻炸蛋...其實等於熟蛋再炸外層, 無咩特別, 鳥東就OK啦, 志在食小小野落肚.

 

中午就去到三鷹博物館睇宮崎駿的作品, 雖然我依家最愛係森林家族, 但宮崎駿的動畫都係無人能比吧!

 

在館內其實唔比影相架, 所以除了下面依張都真係無咩其他相, 不過內裡有好多介紹動畫的製作資料同display, 還有一個極之有趣, 用多個不同動作的立體模型, 再用高速轉動, 造出動畫的效果, 真係睇到我嘩嘩聲呀!!

另一個睇得最開心的是未曾公開上映的 "龍貓" 動畫短片, 睇到好感動, 唔係個動畫故事感動, 而係我開心到好感動.

 

睇完就向吉祥寺出發, 沿路都有依種特別又美麗的花

還要經過一個睇見都心情舒暢的休戲公園

而且天氣晴朗, 行得特別舒服

公園盡頭回望的一個cafe shop

 

沿大路行去吉祥寺

好快就到啦, 當地的商店街都有好多小店鋪, 真係有排睇

首先去steak house搵好出名的炸牛肉球食

 

不過要排隊先啦唔該

 

見到我嗎? o係後面呀!

 

好在唔洗太耐, 10幾分鐘就到我啦, mum... 真係幾好味bor, 有牛味又夠juicy, 正!

 

之後就去吉祥寺森林餐廳 (下編待續)

 

dinner又返去steak house食松板牛, 上層舖位細細, 只有12個位, 不過可以睇到大廚親自下廚.

 

叫左兩set dinner, 可能我地個set唔係最貴, 所以唔夠牛味, 不過牛肉都夠淋, ok啦

 

在吉祥寺, 日頭行到夜晚, 雙腳累到已經唔屬於自己...

 

是晚買左m記蝦包set試下, 真係唔錯, 特別一讚個沙律醬, 好好味, 唔識形容咩味, 總之有驚喜.

 

在新宿駅買左兩件cake同黃生補食Bday cake

還在doughnut plant買了件donut, 原來依件內裡係蛋糕, 外面又夠甜, 好過mister donut.