NEWS! 福岡市的新建燈屋 & 新森林家族成員

日本福岡市的香椎花園的"花和綠色的遊樂場", 內會新建森林家族的燈屋同新出的主題森林兔家族, 出年的3月7日便更新開放!

實施香椎花園的大規模更新, 總面積12萬平方米的地基內, 四季應時的花草盛開, 此次的更新，把受歡迎登場人物「森林家族」的世界做為中心再重新開放。

有關更新，Epoch社監修的原來，會以一比一的森林家族世界現於園內。另亦提供原創菜單的餐館"森林家族的廚房(暫稱)"，戲裝與森林家族登場人物一起能照片攝影的設置"森林的西服店(暫稱)"。除此以外，還有"森林家族燈屋"的外表和家具等，各種各樣的演出。

 

新建的燈屋草圖

 

森林家族 原創登場人物 --- 花之兔子家族

 

香椎花園的資料:

所在地:   福岡市東區香住丘7丁目2-1

入園料:  大人(初中生以上)500日元，小人兒(3歲以上)250日元
営業時間:   10：00～18：00（3月～8月）、10：00～17：00（9月～2月）
停止開放:  星期日, 星期四（ 春假，GW，暑假期間中營業)

 

P.S. 雖然我都好想去依個新起森林燈屋的樂園, 不過福岡其實o係日本最南部的地方, 耐何真係暫時無咩機會去到, 不過我相信有生之年會去到吧.

santa tree, 掃碟

28/11 星期五一收工自己走去太子模型舖巡完, 就去旺角新世紀巡大眾, 順便都睇睇棵santa tree, 成個大蛋糕, 有d想食的感覺...

 

跟住去又一城join黃生巡log on, 年年棵santa tree都係最高最大, 今年都唔例外, 不過今年design略厭老土, 無咩新意...

今年log on唔太多有創意的聖誕配件, 所以都係零收穫.

 

最後去左元朗, 掃左d之前去戲院覺得好睇的DVD, 黃生重特別買左star wars前傳的DVD set, 6隻終於儲齊.  另外kylie剛剛27/11 在香港開concert, 無得睇, 買隻CD比自己.

 

 

show返之前手機影過的食物;

好早之前去一粥麵(大家樂集團)試hot pot, 簡左個星斑試, 同上年一樣, 都係腥o既, 今次真係要叫自己記住! 不過其他都ok, 抵食又夠飽.

 

深水埗--豐盛茶餐廳, 耐唔耐我都會去食佢個套餐, 次次都食令我最回味的豉汁蒸倉魚, 真係超正, 暫時都無食過好味過佢蒸的. 可惜是其他餸一般.

 

chrislin介紹過許記的3式mango, 真係唔錯, 只係小丸子比較硬.

 

太子-- 康年茶餐廳, 試左個XO醬蝦子蝦球撈麵, 唔錯, 最驚喜反而係個湯竟然係魚湯底, 真係飲多幾啖, 比著平時o個d我都唔會飲.

 

黃生食的瑞士雞翼撈麵, 雞翼都幾甜. 重試埋佢d 酥皮蛋撻, 本人不大興趣, 不過黃生就話正, 其實佢全日都有新鮮出爐的飽, 都好多人覺得正.

負離子+染髮, 收到大包裹喇

今日請左半日假, 同埋阿妹一齊去整頭, 係時候要做負離子, 都係為左朝早唔洗咁早起身去整個頭, 依間都真係做得唔錯, 起碼好過我上兩次做o個兩間, 做完旱到呢... 不過依間做完自己返去洗頭無咁o既現象, 下次可以再試...

color未好明顯, 髮型師講要洗多排先會開始淺色.

不過真係好無耐性坐咁耐, 唔係坐到pat痛就腰痛腳痛, 係, 我真係坐都會坐到腳痛lor... 吹漲!

一返到屋企, hugo個鼻就不斷索, haha, 我個頭好香呢...

 

今朝重o係公司時, 好彩又比我收埋lulu寄比我的大包裹, 真係超快收到, 上星期五寄, 今日就收到喇!

拆開個盒, 部份東西係我搵lulu幫忙買的, 但一路拎一路就wah wah聲, 原來lulu重送左x'mas card and gift比我, 自學生年代後都真係好耐都無收過card喇, 重收到份好啱我的禮物, 就係vaseline, 真係超細心呀!

auntie lulu送的x'mas stocking內有bear bear同sticks, 兩兄弟收到都好有興趣.

P.S. 自己可能買多左set mini light, 有興趣買的blog友仔留言比我喇.

(樣本可參考lulu's blog: http://hk.myblog.yahoo.com/lulu-sa/article?mid=1818)

"植物"豆腐砂promote

不嬲都買至貴o既豆腐砂比兩位少爺用, 之前比佢地試過好多隻, 一係唔結一係太大粒一係臭到死, 總結最好亦最貴都係依隻"植物"豆腐砂, 不單唔會臭賓賓, 而且夠結唔易散, 亦方便我可以直接倒入馬桶沖走, 最重要都係對貓貓無害.

平時真係唔平, q-pets一包原價要$99, 紅蘿蔔重要$105, 不過昨晚去太子巡舖, 見到q-pets做promote, 4包$360/(@$90), 12包$960/, 平均$80/包, 真係抵好多, 所以同黃生諗過後, 一次過買12包, 好在有個雜物房, 唔係都真係唔洗諗.

X'mas gift

Happy Saturday, 放假都會晨早起身仆出去cwb, 都係為了去sogo巡舖同入貨, 好耐無買咁多野喇, 最開心都係黃生做埋老細, 重買左好多野比我, 當係提早收到X'mas gift喇...

我從來都無簡過森林家族的小屋, 今次買依間都係因為sogo特價賣HKD298咋, 亦係我特登出去的原因, 限售40間, 5,6點返去拎返時都重見到有10間倒, 要買就快手喇. 另外佢8折做埋明天, 間屋之後未必有特價架喇.

P.S. 依間棕耳兔的小屋在日本重拎過設計大獎架, 更加值得收藏喇!! (link here)

sogo thankful week, 少有的簡到件外套, Canada brand - ROOTS, 原價6百幾, 特價HKD270/, 抵抵抵, 又係多謝黃生...

 

去埋franc franc 巡聖誕佈置, 好多新野都好靚呀! 可惜今日買得太多, 所以都唔多捨得再洗錢.

 

不過都簡左少少野準備X'mas party exchange gift.  重加多一隻Hugo?!

掩面

凍少少姐, 唔洗掩埋面瞓ar, 又學埋細佬d壞習慣......

i love star light

昨天又去了sha tin ikea逛逛, 就黎santa, 開始好多santa配件售賣, 每次我都例必去睇, 見到已經好開心, 所以唔買多都實買少少.

 

見到人地佈置santa tree都會欣賞一番, 睇下邊棵襯得靚.

 

比我一眼睇中依款星星傘燈, 黃生肯買就梗happy.

 

今日打掃時掛埋上布簾, 兩位少爺即刻走埋黎做監督.

 

hugo重幫埋手, 唔係, 應該係幫口.

 

完成喇, 係咪好靚呢!

Hugo 4歲生日喇

Hugo 咁快4歲喇, 真係話咁快呢.

mama祝你身體健康, 聽晒mami話...

 

依排hugo喜歡將盤d雜物推埋一邊, 坐係個盤裡面.

 

唔洗磨喇, 好快有野食架喇.

 

生日有得食罐頭, 細佬都受惠, 兩兄弟狂風掃落葉, 超快速度食晒.

 

睇返hugo bb時o既相, 真係好可愛好多回憶!

第一日黎我屋企就周圍巡...

 

係咪好英呢!

 

情深款款o既樣.

 

依張已經一歲喇.

真係好懷念小時候的hugo!