28/11 星期五一收工自己走去太子模型舖巡完, 就去旺角新世紀巡大眾, 順便都睇睇棵santa tree, 成個大蛋糕, 有d想食的感覺...
跟住去又一城join黃生巡log on, 年年棵santa tree都係最高最大, 今年都唔例外, 不過今年design略厭老土, 無咩新意...
今年log on唔太多有創意的聖誕配件, 所以都係零收穫.
最後去左元朗, 掃左d之前去戲院覺得好睇的DVD, 黃生重特別買左star wars前傳的DVD set, 6隻終於儲齊. 另外kylie剛剛27/11 在香港開concert, 無得睇, 買隻CD比自己.
show返之前手機影過的食物;
好早之前去一粥麵(大家樂集團)試hot pot, 簡左個星斑試, 同上年一樣, 都係腥o既, 今次真係要叫自己記住! 不過其他都ok, 抵食又夠飽.
深水埗--豐盛茶餐廳, 耐唔耐我都會去食佢個套餐, 次次都食令我最回味的豉汁蒸倉魚, 真係超正, 暫時都無食過好味過佢蒸的. 可惜是其他餸一般.
chrislin介紹過許記的3式mango, 真係唔錯, 只係小丸子比較硬.
太子-- 康年茶餐廳, 試左個XO醬蝦子蝦球撈麵, 唔錯, 最驚喜反而係個湯竟然係魚湯底, 真係飲多幾啖, 比著平時o個d我都唔會飲.
黃生食的瑞士雞翼撈麵, 雞翼都幾甜. 重試埋佢d 酥皮蛋撻, 本人不大興趣, 不過黃生就話正, 其實佢全日都有新鮮出爐的飽, 都好多人覺得正.
Delicious＾３＾～！
回覆刪除[版主回覆11/29/2008 13:24:00](Empty)
嘩~~~你放左工仲有咁多時間去咁多地方o既...
回覆刪除我通常平時放工都只可以去一個地區架咋,......即沙田就沙田葵芳就葵芳旺角就旺角因為硬係覺得d舖行多兩行就收舖無星期六日行咁充裕
[版主回覆11/29/2008 13:26:00]haha, 比你發現到bor, 其實我睇野好快, 尋晚去咁多地方都係睇完我想睇o既野就走, 所以先去到咁多地方咋.
係啦 ~ 今年好多shopping mall都冇咩特別裝飾呀 ! 新世紀係咪靚d有氣氛d呀 ? 我都想同denise去行下呀 ~ 乜新世紀有大眾咩 ? 哈哈, 我唔知既 ~
回覆刪除你成日都出去食野喎 ~ 食唔少好野啦 ! 我都鐘意周圍試新野架 !
[版主回覆11/29/2008 13:30:00]咪就係lor, 你都唔洗對新世紀咁大祈望, 佢係得個蛋糕樹特別d咋. 不過你去的話真係可以去埋大眾, 雖然無promote, 不過會員都有得平少少.
haha, 其實我實在係無飯煮婦先去咁多地方食野, 不過我好怕試新野, 尤其比好貴原來唔好食o個d, 所以多數都係食返o個d, 或者人地有好介紹先去試.
Wall-E 故事好特別 (等你睇完先講)
回覆刪除[版主回覆11/30/2008 02:01:00]其實之前o係戲院睇左, 就係覺得依套係我好耐都無發現咁好睇的卡通, 買返黎得閒再欣賞, 正ar!