近排買左兩隻舊碟, 一隻係Danny的LPCD1630 精裝陳百強1, 買佢主要係為左試機, 因LPCD1630o係玻璃母模用1倍速刻錄, 每個金屬模只會壓製1000張CD, quality自然有保證, 其實Danny o既歌我不嬲都喜歡聽, 自己都有兩隻普通CD, 而依隻碟事實係唔錯, 好多首歌都聽得出人聲係比較清脆及音擴, 但都有幾首o既質量係無咁好, 唔知係首歌錄製本身問題或是其他問題....?
另一隻係Lisa Ekdahl 的前幾隻專輯 - sings Salvadore Poe, 其實有一次去HMV第一次認識佢擁有把古典美的聲線, 不過o個隻新出的碟o既音樂唔係咁啱聽, 但黃生介紹佢另一隻碟係唔錯的, 果然名不虛傳, 不過同新碟風格完全兩回事, 依隻碟係easy listening, 令人心情輕鬆舒服...... 成隻碟都好好聽, 特別放了幾首favorite song o係依道同大家分享.
笑笑笑到碌晒地!!
好耐都無入戲院睇套咁好笑的戲, 全場人都一齊笑, 一齊拍掌, 依種共鳴感真係睇得好enjoy! 其實攪笑的主因係個細路, 基本上佢一出現o係鏡頭d人就已經覺得佢好攪笑, 兼且有又可愛又趣怪的表情, 我到依家都忘記唔到佢個攪笑樣, 等佢出碟一定買返隻再睇過.
今日終於見到我堂妹生的TWINS, 第一次有咁親的人生左對孖寶, 感覺都真係好好玩好特別, 佢地亦好似樣好可愛, 希望佢地健健康康, 快高長大!! 遲D再黎探你地..
唔記得係大孖定細孖眼碌碌望住我依個大姨媽.
重有成個零月先到我生日, 上星期五已經收定禮物, 就係諗左好耐都唔捨得買的 Applewood Department Store, 真係好在之前無買到藍色的舊版, 否則都無可能買佢返黎, 真係好喜歡佢墨綠的顏色, 零舍特別!
黎依到買的原因都係為左有85折之餘, 買滿$600重可以免費得到特別版dvd, 買前我都問左話重有dvd存貨的, 比錢時佢話無晒喇, 叫我換銀包, 我當然唔要喇, 佢亦好好幫我問問公司重有無喇, 終於琴日打去check佢真係返左貨喇, 開心開心呀!! 遲d再去拎返隻dvd先.
surprise 比錢時佢重送埋個百達通套比我, 重有埋條咁特別的裙仔, 隻花真係覺得特別靚呀!! 重比我多口問個sales姐姐重有無6月14日前加錢換的sheep baby key chain, 初頭佢話應該無架喇, 同埋係14號前的promote喎, 好在個姐姐又好好幫我問完可以比我用換購價買埋, 開心到我呢!!
特別要講講, 上星期五黃生比錢時, 原來星期五用hsbc簽卡有10%回贈(可事後同hsbc登記), 突然發現咁好的優惠, 買得更抵更開心!
P.S.淨返今日咋, 買滿$400就有得申請10%簽卡回贈. 優惠詳情 (click here)
噚晚約左黃生舊同事去荃灣漢和韓燒, 上openrice 睇下依間有咩評語, 一睇就一額汗, 食評差到不得了, 反而另一間漢陽苑都好d呀, 傾完一輪後都係比次機會試下漢和掂唔掂先, 始終食評過左咁耐, 每人對食物的標準都唔同麻...
去到未齊人, 出去拎左d冷盤同熟食試下先, ee 又ok wor, 見到件鹵到咁深色的豬手, 真係幾正, 係唔夠甜姐. 平時依d地方d炸野一定又凍又淋, 但可能我地6點9就去到, d野炸左無耐, 我試左薯條, 春卷, 重有豆沙鍋餅, 樣樣都唔錯wor. 到冷盤小菜都ok喇, 係青瓜差d, 得個酸字.
依間舖o係9樓, 我地坐窗邊位, 睇到個view都唔錯. 最重要係依度比我感覺食物同環境都算幾乾淨企理, 坐得舒服, 一班friend黎一路食一路傾都唔錯, 本身依間要$118/加一, 朋友有9折discount, 即係唔洗加一, 重無限食時間, 可以慢慢食慢慢傾.
食物種類都真係好多, 重可以打埋邊爐,
有糖水, 翅, 湯... 太多野都試唔晒.
瀨尿蝦, 炒飯, 煎魚頭等都賣相吸引架, 不過都係無試到.
豬手, 炸野真係幾好食...不過晏去可能d炸野會凍d.
冷盤菜 and salad都好多款, 特別試食豬耳都幾爽口.
生果, 甜品, susi &刺身就以三文魚為主, 都好新鮮的.
食到咁熱氣, 食雪糕就最啱, 不過我個胃都無位食...
最good都係飲品任飲! 黃生話豆漿就淡d, 但我飲五花茶都夠甜, 啱啱好喇.
燒呀燒, 好多野食呀!
我覺得依度最好食係牛仔骨, 我都食左唔少... 另外魚柳, 墨魚仔, 廚師腸都係我個人特別喜歡食.
真係食到好飽喇, 但都要(畢)碗好多人話正的豆腐花試下, 都幾滑架, 重可以自己試下(畢)同親自加糖同糖水, 又食又玩.
總括依間漢和都真係唔錯, 食物款多, 環境乾淨企理, 侍應都有禮款待, 下次想食韓燒都定會再黎!
好耐都無入戲院睇鬼片喇, 可能太多片粗製濫造, 所以都無意慾晒錢入戲院睇, 昨晚星期二平平地去睇, 依套拍得算幾好, 一黎真人真事改篇, 會睇得更加投入, 又有雲海推薦, 所以都係我想去睇的原因.
拍得唔錯, 故事編排有條理, 應嚇則嚇, 故事內容吸引, 最重要結尾部份亦拍得好, 唔會無喱頭完結, 總括值得一睇.
另外睇戲開段, 前面坐左對情侶, 其實都無咩野, 坐耐左就黎料, 我不斷聞到陣陣酸粟味, 聞下黃生都知唔係佢ar, 我老公無咁臭架麻, 咁肯定係前面條友喇, 但黃生又聞唔到有味, 睇戲又睇到開始恐怖, 所以都唔想調位... 睇多陣, o個陣惡臭重吸晒入個肺度lon下lon下咁, 聞到想嘔呀..., 終於連黃生都聞到喇, 佢話真係好臭...haha, 咁咪即刻調去前3行坐, 好在都睇到成個螢幕.
睇完套戲我問黃生, 佢條女點頂得佢順, 原來佢地行o係我地後面, whatever, 如果本身有咁o既問題, 我建議帶多件衫替換, 唔洗咁失禮麻...
3 months planning, 4 days shooting, 6000+ Post-it notes
有時創作係浪費, 但實在係精彩!
上星期六本來返公公度慶祝父親節, 但出到沙田行一陣已經收到電話通知嫲嫲入左醫院, 所以都要改變行程...
o係沙田試下博多o既下午茶餐, 日本食就好正喇, 但香港o既真係好唔掂, 叫左個炸雞獅子狗天婦羅烏東配餃子, d炸野放上湯已經係大忌, 浸到淋晒, 不過黃生話烏東其實都幾好, 有d似o係日本食的感覺. 我order左豬軟骨雲吞拉麵配燒墨魚丸, 除左個拉麵係幾好之外, 其他都差勁, 個湯得個咸字, 軟骨唔軟, 墨魚丸重差過百佳燒o個d, 連個皮都淋o既, 最勁係個雲吞, 咬左啖有d好怪o既味, 完全擺唔到入口!! 以後都唔會再黎!!
探完嫲嫲就返上水廣場搵間餐廳食就算, 2人餐$119有3個餸, 3個唔大食的人食都夠, 食物有水準, 餐就唔係太多餸選擇, 另外叫小菜會多d款式, 食野時聞到隔離枱碗米線香到不得了, 下次要試下先.
特別order多個my favorite 椒鹽九肚魚, 炸得香脆, 只係可惜裡面無味, $29/ 碟, 不過都好細碟下.
近日掀起換百佳環保袋潮, 自上個星期去百佳購物時已經見到好多設計繽紛的環保袋, 重要係只須買滿$88/就可免費穫得一個, 7月7就要收取$0.5的膠袋費, 我又點會執輸.
我同黃生o係咁多款袋內就係睇中藍得夠潮的寶礦力環保袋, 昨天就係唯一的換購日, 上網見到好多人就係為左依款寶礦力環保袋9點前已經仆到百佳購物換袋, 重話從未見過晨早流流就咁鬼多人迫o係百佳wor, 不過佢地咁早到都無用, 好多人都失望而回, 心知自己都無本事同人淨架喇, 唯有死死地氣上網bid返黎喇, 初初都唔多甘心架, 不過睇下d價錢越bid越高, 我40幾就買到返黎都算抵喇, 重要越睇越鍾意呢!
P.S. 7月5前逢星期五,六,日到百佳購物滿$88/就可免費換取環保購物袋一個.
各款袋的換取日期 click here
森林家族官網咁快又update左批新貨, 主要係新子民, 大部份我想要的之前都oversea買左, 特別d就見到pig family有sister & brother, 不過要連埋father & mother一齊買... 咁買好唔化算.
Racoon 絕市多時再度入貨, 睇黎又會掀起另一次搶購潮.
我最想買反而係mouse baby, 可惜今次都係返唔到貨.
森林家族夜市的樂趣 <Fun of Sylvanian night market>
雖然已入夜, 但街上依然人頭湧湧
新開設的Baby train坐滿bb
