祈待左一排的3D版 "CORALINE"終於推出發售, 之前特登去戲院睇埋3D版"UP"拎埋副3D眼鏡返黎試, 點知結果係完全失望, 3D的blu-ray碟根本完全感受唔到戲院觀賞時令人興奮的立體感, 就算用隨碟附送的紅藍色紙製立體眼鏡一樣無得同戲院相比, 重影響左原本的色彩, 總結係睇2D好過睇3D, 起碼2D可欣賞到佢原有的色彩同清晰度.
無o係戲院睇到的崖上的波兒, 終於買到返屋企欣賞, 正呀! 今次得意在發覺好多畫面都用左有趣的木顏色效果畫background, 但唔知點解覺得套戲好短好唔夠喉.
方大同隻timeless終於上市, 點知無睇清楚就加錢買埋隻single, 雖然話係隨碟附送, 但有些店舖有賣無single版會平$10, 其實大碟已經有依隻歌, 重係同一版本, 真係好無謂.
anyway, 依隻碟唔錯, 重新演繹的歌曲都係對佢影響好深的音樂, 亦感受到佢的心路歷程.
denise之前同我講想睇波兒, 係咪真係咁好睇呀 ?
回覆刪除[版主回覆08/19/2009 10:08:00]其實你同denise未睇都好值得睇架, 不過我就係覺得今次唔多夠喉咁jet, 亦無之前o個幾套cartoon內容咁精彩, 但都實在好睇o既.
你都喜歡方大同嗎 .... 我其實都好欣賞佢架 .... 多謝你的支持 ....
回覆刪除[版主回覆08/19/2009 10:05:00]好喜歡佢的唱作風格!
你有無買到concert d飛呀, 睇第幾場? 我睇27, 買最貴, 但坐最後, 好飛都比sponsor 立晒...可惡!
我好想睇佢既 concert呀 ．．． 假都請左 ．．． 但買唔到飛 ．．．激死 !!! 我諗都會幾好睇架 !!
回覆刪除[版主回覆08/21/2009 12:13:00]太可惜喇, 其實我有個blog友又係好喜歡佢的, 同佢一齊討論過好多靚位都係比sponsor拎走晒, 到開concert又坐唔晒, 真係好無謂!!
隻3D caroline冇料到架原來? 重想買tim, thx for sharing
回覆刪除[版主回覆08/28/2009 18:06:00]如果你為左試佢3d效果就真係可以慳返, 不過套卡通2d的畫質都好高水準的, 話晒blu-ray麻, 而故事亦都唔錯架, 可以考慮下.