東京賞櫻薈 day1 - 7/4

出發前執行李, 驚見有位不速之客o係我另轉背時靜靜雞走左入個喼度... o個o下真係比佢嚇一嚇...HAHA...

 

o係羽田落機, 同上次一樣坐free shuttle bus去terminal 1, 一支箭就標左去坐Tokyo Monorail 去濱松町再轉JR到新宿酒店放底行李, 到達都只係8-9點, 咩舖都未開, 行左去京王百貨附近的麥當當食返個豬柳蛋漢堡餐, 隻蛋重有少少生, 特別好食, 不過真係唔平, 要4百幾yen個set, 貴hk好多lor.

時間重好早, 所以走左去shinjuku prince hotel附近的24hours 100yen shop買下野, 我至愛的卡樂B薯片都係稅入105yen, 比香港平成半架!

開喇開喇, bic camera 10點開舖, 可以入去巡舖, 買左少少貨仔, 因為依度係最平最抵, 所以想買的新品 鹿媽媽同妹妹都無晒貨.

 

過去京王SF巡舖無咩特別, 突然發現開左個食品展, YO, 開心喇, 因為可以一路行一路試食.

 

出名的食物多的是, 依款北海道牛乳, 當然都要試試.

 

最體貼都係有位比人坐住食.

 

天氣變幻無常, 前兩日CHECK都話好天的, 突然又下起雨來, 原本想去新宿御苑賞櫻先, 都要改第日, 行街行左個圈已經攰攰地, 返酒店check in同午睡先.

同上年一樣, 都係住新宿的 Hotel Century Southern Tower, 貪佢近JR同住得舒服, JR可以o係月台向新南口方向行到尾先上去出閘, 十分方便, 不過無上年咁好送間大D o既房我地住, 但都ok喇.

 

440yen的士多啤利, 真係唔錯wor, 原本以為麻麻地, 因為其他要成1000yen先有交易, 可能係就熟先咁平吧.

 

肥大肉厚珍寶帶子 - GOOD

 

牛乳布甸, 唔錯.

 

瞓醒左, 同表妹兩條友周圍逛, 影到好似旅遊的promoter.

 

好味的 sundae cup 雪糕, 購自另一間100yen shop, o係shinjuku prince hotel隔離的pepe 商場樓上. 依杯野返到酒店要貴3,4陪架.

 

香港已經無得食krispy kreme, 自己住間酒店樓下就有, 當然要幫襯喇, 最抵死係我買兩件, 佢竟然拎多兩件話送o既, 開心到我買o個兩件要留返第2晚食. 走前一晚重買多兩件返香港同黃生嘆.

 

是日100yen shop的戰利品, 除左把傘, 無斷斷夜晚落起雨先迫住買.

 

Bic camera的SF戰利品.