幾年前做姊妹, 成功在兩個月內減去10磅, 不過做完姊妹後亦成功加凸10磅....-_-''
今次又有新target, 為左下個月出國著泳衣, 所以開始無咩規律的減肥生活, 話開始左1個月, 其實上星期都未有起息, 事實自己都未話完全投入進行, 不過一係無變, 一變就輕左1.5kgs, 有圖為証架.
我的減肥方法都真係好簡單, 食量係須要漸減少, 特別少食澱粉質的食物---如薯製品(依個係我最致命, 平時食慣傻片的我, 真係最辛苦! 不過開到個頭就會好好多! 點開頭? 就係買件靚靚泳衣, 一試著買埋返屋企, 重唔即刻有個大目標!), 將平時喜歡的禁食品轉為生果/蔬菜, 運動---其實我無咩點做出汗運動, 不過就特別做一個多年前都成功減磅的動作, 原來開心大發現都介紹過.
有望稍後再報喜!
做左好多防水相機research, over 2千我已經覺得over budget, 始終無理由用幾千蚊去買部quality不及用緊的相機, 實在太浪費吧, 但為左可以影底海底景色, 所以就開始我買防水相機的搜集準備.
- 至平o既有幾十蚊就買到的 LOMO防水殼菲林相機, 特別在影到pinhole風格, 不過一定要光線充足, 但相片無得review, 品質亦無保証. (拍賣HKD40up)
- 防水袋都好經濟, for DC用o既都係3百有找, 不過唔少用家都話難按鍵, 無咁方便. (香港代理網站會平過門市)
- Vistaquest 5090係我最初之選, 最buy佢特濃鮮艷色彩, 不過要用防水殼, 操作自然無咁方便. (香港獨家代理售價HKD800/包防水殼) (photos)
- Vistaquest 8900 upgrade到唔洗用防水殼, 水底影始終 easy control好多, 不過無左特濃鮮艷色彩效果. (拍賣HKD790/)
- Yashica EZ UW-505 價錢平到唔信, 重要有防水wor, 重話有3米防水, 插值上1200萭像, 一笑即拍同埋人臉對焦, 咁多function 都係4百幾咋, 可惜搵唔到sample photos, 不過黃生話質素一定麻麻, 有人試用係間唔中會出現少許走焦及影像線條矇矓的問題... 但係價錢平到咁, 無咩要求都可以買黎玩下o既... (拍賣HKD468/)
- Fujifilm XP10 標榜4防, 只係多個防塵, 1200萬像素, 特別有個快速upload相片到facebook/youtube功能, 其實都係要駁線, 最多簡易左. 可惜用家個個都話麻麻, 操作唔friendly, 相片質素差. 最恐怖係用家批評係垃圾, 有人一落海有溶膠現象... (旺角恆輝獨家發售HKD1480/) (introduction with photos)
- Fujifilm Finepix Z33WP 1000萬像素, 特別在雙人及群組自拍, 缺點都係o個d~ 唔夠光就多雜訊, 閃燈爆光. (深水埗水貨HKD800/) (photos)
-Olympus tough 3000 最終買左依部, 一年轉幾代機的防水相機大哥, 本身又有用緊佢的大機, 起碼多些信心, 另有upgrade 的6020及8010, 當然價錢亦相對地高, 比較過之後, 認為3000都夠洗, 有1200萬像素, 特別有1GB內置memory, 720p HD拍攝, 千零蚊有咁o既規格都算係咁, 無須比咁多買部防水dc仔, 要係用1年半載trade左佢都好. 重比我o係旺角星際2/F Digital City 專賣O記的店搵到全港至平價HKD1380/, 重送埋副廠電,保護貼同8GB Sandisk卡, 部機重係行貨黎架, 見人話深水埗都要$1500/, 抵到咁點忍得手唔即刻買埋返屋企. (網站評測) (photos)
自己都試下部機, 說實話, 夜晚影真係唔多掂架喇, 依d機係咁上下, 不過最buy佢d magic mode, 滿足晒我想要vistaquest 5090的特濃鮮艷效果! 正呀!!
Pop Art (鮮艷色彩)
Pinhole (針孔feel)
Fisheye (魚眼)
Drawing (素描) -- 見唔見到hugo & haven呢?
昨日實在係香港人悲痛的一日, 其實悲傷又點只一日, 創傷係要好長時間去癒合的.
由朝早黃生通知菲律賓發生挾持旅客時, 佢主要係remind我菲律賓同印尼(排華)都係唔安全去旅遊的地方, 因為有時我都會想去依d又靚又抵玩的地方享受陽光海灘的美景, 但依d地方往往都係恐怖份子發動襲擊的地方, 所以佢一直都唔讚成去.
到中午後一路都有釋放人質, 感覺上應該會和平結束的...
但到放工, 我買左份晚餐返家時, 情況正正開始變得緊張, 由司機途脫的一刻, 惡夢亦正適開始... 睇左一陣, 擔心同氣憤的心情更令我開始頭痛, 擔心係當然的, 氣憤係完全頂唔順班所謂菲律賓的特種部隊, 我們依d小市民睇得警匪片多都略知依d情況一係唔行動, 一行動就要速戰速決, 點會好似佢地咁慢條斯理去用個鎚打下車身, 又轉打車頭, 之後至到車尾, 點會分別各自打? 應該一邊引開一邊攻入吧!! 見到有些警員更無防彈衣, 亦無頭盔, 裝備都不足, 又如何救人? 最可恥是見佢拋入某物件入車中, 以為是煙霧彈, 但拋極都拋唔入, 睇真d, 原來只係瑩光棒, 天呀! 你拋黎有咩用呀, 玩遊戲嗎?!!!! 到佢拖繩拉開車門之際, 架車一拉條繩就斷了, 我都估到唔夠力喇!!! 點解! 點解咁多咁基本的知識都完全不懂, 我只是普通市民已睇得我扯火, 如果係香港警員, 肯定睇到想爆電視, 你當我們香港旅客死晒了嗎, 就算收到司機消息話死晒, 諗都諗到喇, 兇手之前只係開左4鎗, 點殺死十幾人呀?!!!
由一連串不知所謂的行動, 到惘顧旅客的安全, 種種都不只令我傷心, 亦恥辱依個國家! 是否真的如菲國公民所指, 佢地已收到order只係為殺兇手滅口, 避免佢指証他們貪污或更不見得光的事實公諸於世??
睇到以下一則新聞, 一個好值得為人父母深究的問題, 身邊親友多數都會採取一孩政策, 所有心機關愛都注視在一個金菠蘿身上, 有時還會聽聞社會上某些父母只專注賺錢而忽視教育子女品德, 自我照顧的重要, 往往都飯來張口及依賴工人照顧, 愛人變了害人都慒然不知.
(星島日報 報道)過去的星期六，與一眾小DJ在一輯有關通識的電台節目中，討論近來一宗在內地發生的悲劇，主因是內容匪夷所思，為何會有人因「懶」而餓死家中呢？為何會有被這樣縱容的小朋友呢？
據他的堂兄所言，「懶人」在八歲時也不用走路，他的父母用擔子挑著他。他的小學老師表示「懶人」挺聰明，但他不願學習，也不做作業，老師只要嚴厲一點，他的父母就會找到學校。「懶人」的父母相繼逝世後，他陋習未改，即使同村人好心送來食物，他卻放至發臭也不拿來煮吃，餓了便出去討飯，吃飽一餐就睡一兩天。後來天氣寒冷，他的堂兄送食物去他家時，發覺他全身僵硬死了。
這悲劇是一個很好的通識科討論題目，這當然與家庭教育模式有關，更與我們每個人如何選擇自己的生活方式有關。我跟很多父母談及這新聞時，他們說：「這新聞太極端了，在內地可能發生，在香港沒可能，我不可能那麼寵壞孩子。」
真的不會在香港發生嗎？讀小六的小DJ就很激動地說：「我妹妹是二年級學生，但她連綁鞋帶也不會，就算是穿那些魔術貼皮鞋，她只會坐在椅子上，然後對工人姐姐大吵大嚷：『快些啦，遲到喇，快D幫我著鞋啦。』」
溺愛會害死人
我還未來得及歎氣，另一位DJ說：「我曾去過一個親戚家，聽到有位九歲大的小朋友在洗手間大叫：『媽咪，媽咪快些入來呀！』，當他們出來後，才得知原來那位小朋友仍不懂擦屁股。」我也聽過有小學老師說，一名學生在小一時是仍不懂行樓梯，總是等待老師來抱他，原來他以前從未走過樓梯的。
「懶人」的父母不用他走路，此情況已在香港發生；老師嚴厲一點責罵，家長第二天便打來投訴，你們有否做過？
我在台灣 旅行時，買了一本書《愛會傷人》，原來溺愛不但會傷人，更會害死人。希望各位父母，不要再傷害你們的孩子，好好讓他們學會照顧自己，當他們面對逆境時，正好是他們學習成長的機會。希望「天下第一懶人」事件，只在銀幕出現。
美國森林家族 即是 CalicoCritters 剛發放左新一輯的video, post其中兩個特別可愛的.
The Cloverleaf Corners Horse Show
Fun on the Cloverleaf Corners Tea Cup Ride
其餘所有video click here
早前去日本買左set原價要3000yen的限定福岡兔套裝, 終於dick起心肝拎出黎, 因為我係用特價購買, 所以在此優惠blog友優先以特價選購, 有興趣的blog友請留私人留言喇.
福岡兔套裝包括: file, 手巾, 相簿, memo pad, 擦膠, 鉛筆 & 福岡兔baby key chain
另附送以下台灣版填色畫冊(拍賣無送架), 同3款日版精美catalogue.
P.S.一套特惠給blog友, 另一套會稍後放拍賣網.
犀利呀, 香港咁快就入到日版Raccoon, 代理認真抵讚, 所以一放工都急不及代去左元朗即刻入貨, 另外都買埋好可愛的小象baby twins, 本來新品重有25週年國家造型限定特別版都想買, 不過睇下又覺得無咁吸引, 所以都係諗下先.
日版真係日版, 同歐洲版一對之下, 真係靚好多, 無論顏色, 衣服, 高度, 面型同面上花紋等都造得特別細緻可愛!
唯一不足的當然係無Raccoon brother影大合照喇, 希望日版會出返喇!
上星期六睇左兩套戲, 終於睇TOY STORY 3, 故事真係好正, 好睇, 好笑! 實在係3集中最出色的, 但對3D效果比較失望, 直情唔覺有, 唔知係咪睇得多3D定係只係依套卡通問題... 而且睇3D要帶黑超, 相對睇螢幕時更暗, 要比貴D又得個暗字又唔覺有3D, 下次都係睇普通版好過.
今集最buy 阿KEN, 笑到我呢...
另外睇SALT都係為左捧Angelina Jolie場, 一樣打得型打得精彩, 內容都ok喇, 各花入各眼, 我老公話打得多, 我就覺得唔夠喉.
