游完水, 沖埋涼就去resort的餐廳內晚膳.
地方唔算大, 但唔多人都坐得舒適, 亦有室外坐位, 不過都係室內嘆冷氣好d.
我個coconut 原來唔夠甜又唔凍, 都係西瓜汁正好多.
依個係雞肉東陰公湯加奶, 好好味!!
香脆春卷, 不過d涵都係香港食開的好味.
下面唔係牛扒係豬扒, 食得出有用酒味煮, 我唔喜歡酒味, 不過啱黃生, 其實除酒味係煮得幾好的.
蟹肉飯, 正! 真係好食! 
好多蟹肉!
食左11XX泰珠, 扣埋500coupon, 都好抵食, 搭車一來一回都差不多喇, 最重要佢有水準!
食飽飽, 行美麗小徑就返到villa, 爽!
游左陣, 就開始見到d雲變色, 睇到我同黃生忍唔住不停按快門, 平時邊會有咁o既心情咁o既環境比我地欣賞.
先黎一舊烏雲...
守得雲開見月明, 咁形容雖然唔同含意, 但景象相同.
最喜歡下面依張, 天海池連埋2條線, 好靚好特別! 係可惜無腳架, iso被迫推到最高, 雜訊程度只好勉強接受, 不過去旅行或去街我都無咁大決心為左影靚相帶咁多架餐出街, 都係隨心拍啱我d.
依然藍天白雲, 望見出面如畫的景象, 依刻真係好唔捨得, 只待4日3夜真係好唔夠, 基本上1個星期都唔足夠.
黃生又游早水, 我就瞓到食早餐先起身, 食完hea多陣,
11點跟resort車出去hua hin market village食晏行街, 其實前兩日都行得7788, 今日主要出黎買少少野就2點跟resort車返去hea. 本來出發旅行前係plan左跟tour去浮潛的, 但到左Devasom resort後就打消晒念頭, 只係想stay o係酒店耐d, 唔想浪費左佢咁靚咁舒服的環境.
lunch in Hua Hin market village food court
返resort前食第3個 swensen's.
黃生買左d aftersun lotion, 不過唔夠涼, 唔知雪完會唔會好d.
返到resort , o係房望出去真係好爽, 因嘆住冷氣睇靚景!
太舒服, 上左陣網, 就o係下面張sofa瞓左陣晏覺...
5點幾醒, 係時候準備游黃昏水
其實都重好好陽光架
都係lei埋樹底游安全d
wonderful pictures to be continued...
其實前一晚都有去Hua Hin Market Village, 不過太夜, 好多舖都開始收, 第日再黎最重要換錢先. Rate 3.87b
Hua Hin Market Village 係華欣最大最多商店的商場, 最重要有冷氣, 行得舒服.
行左陣又再搵食, 依檔好靚咁wor
其實係泰式salad, 味道酸酸甜甜ok架, 係d魷魚太硬食唔到姐.
第2個芒果糯米飯, 好甜!!
芝士焗帶子, 麻麻喇
行完個商場, 搭車去市中心行o下.
行到攰食今個 trip 第2杯 swensen's
無咩好行, 未夠6點又開始搵食......
thailand fans介紹 "LUNG JA"食海鮮最正
隻蝦果然長過手掌, 360b/隻
真係好好飲的東陰公, 唔要咁辣啱啱好!!
重好足料
黃生覺得個醬汁好辣, 我就對生蝦口感一般喇.
啖啖肉
食飽飽, 再睇住個月光行多陣夜市
黃生重想買香蕉pancake做宵夜
可惜太夜凍晒唔多好食
炸野啱我
可惜又係食唔到, 春卷咬唔到, 炸蝦還可, 可以淨食蝦.
重有薯片當宵夜
Market Village & Town 買的戰利品
