Yesterday happy friday, 放工約左人交收, 買左set好耐都無買的食玩, 再行下街, 去花園街買燈籠佈置, 之前已經行去和民拎定飛, 行左個圈返去都要等, 計計埋埋都成粒鐘有多, 都唔明點解次次去親都咁多人?!
anyway, 終於等到入去食, 最欣賞依個蝦雞吞拿醬沙律, 雞肉係有用燒汁之類的東西調過, 中間有吞拿魚醬同蟹子, 另附上麻醬, 所有東西攪混, 有好豐富的味道同層次, 只係份量少d.
牛油帶子 - 雖然話牛油帶子, 但多油到有點過份, 食物熱度不足, 鐵板形同虛設
三文魚, 鰻魚, 金倉魚反卷 - 有點失敗, 三文魚真係唔夠鮮甜, 金倉魚直情唔覺鮮, 而且顏色深得奇怪, 只可以話鰻魚還可, 但發覺刺身都唔覺凍, 感覺放在溫室耐了才上菜, 其實都發覺其他菜都有依個問題, 大忌!!
炸雞軟骨 - 都夠香脆.
蝦天婦羅 - 蝦本身無問題, 但個脆醬真係唔得, 一d都唔脆口, 部份原因都係遲上枱, 食物唔夠熱.
進餐期間有人推銷和民信用卡, sale有95折重可以訂枱唔洗等位等等, ok喇, 見以前食都唔錯, 而且依家咁多人食, 點知食物差左, 但卡都申請埋, 都會再比多次機會佢, 但下次都係試第2間好D.
和民咭，到生曰月份前會送一百元coupon同飲品的！我都用咗幾年！都糸收到coupon先去一次
回覆刪除[版主回覆08/27/2011 22:33:00]aya, 上個月生日剛過左tim, 要等成年喇... 不過見到你依個消息都好.
聽網友講，啲嘢真係差咗好多
回覆刪除[版主回覆08/29/2011 09:20:00]係, 記得以前黎都ok架, 今次真係麻麻.
我都好多年無去過和民lu. 以前久唔久都會去, 貪佢細細碟, 都係二三十蚊, 2個人可以食多幾款唔同嘢.
回覆刪除睇見你d相, 又諗起好耐無食日本菜, 好想食呀
可能係星期五加上在旺角, 會唔會又唔夠人手, 先會差咗d.
[版主回覆08/29/2011 14:26:00]我都係, 以前食多d, 而且無咁多人, 不過依家閒閒地都四五十蚊碟喇, 我地食咁少野都要270埋單, 就算之後有95折都唔夠比service charge, 最重要都係食物差左好多, 接受唔到唔凍的susi, 不過都會再比機會去第2間店試多次, 可能試和亭會好d, 幾個月前試過都幾好的.