森林好友的開心聚會

今次去牛奶兔家聚會, 影森林家族, 傾森林經已經好開心, 加上收到佢幫忙在日本買的森林產品, 更開心呀!! 重有牛奶兔DIY的森林card, 真係好有心思, 我最喜歡咁有心意的禮物, 多謝晒呀!!




另一位森林好友lotte, 好有心送上手信, 實在感謝呀!!

我好好彩, 在寫blog以來都認識左唔少一齊玩森林家族的朋友, 係我心目中佢地都係我的好好朋友, o係依個社會可以識到你地我真係好感激架!!

森林雪地之旅

 

遲來的雪地之旅係借牛奶兔的場景及lotte的擺位協助而成, 我就只須擺少少位及拍照, 實在好好玩!!

終於有機會同冬季的樂園兔拍照, 令圖片更吸引, 拍得特別開心!

monkey & deer brother 滑雪技術好好呢.

小朋友躲在精緻的雪屋內, milk rabbit sister 與 polar bear一起堆雪球, 有得玩就唔怕凍喇.

 

拉住DIY的雪車, 小朋友坐得最開心!!

點小得砌雪人, 重砌到自己都成身雪




唔通佢地想玩冰調

玩到咁凍, 好在Waiter Cat 煲了一大煲蔬菜湯比所有人飲, 大家都可以暖暖身喇.



好想擁有的風車屋呀, 雖然自己無, 不過有得去朋友家玩同影相都好開心, 真係好靚呀!!

 

開心的一天, 傾好多森林經, 影好多森林相, 實在好滿足, 希望好快再約過!!

暖爐去邊, 佢地跟到邊

大年初一開始幾日都凍到不得了, o係屋企都感覺到好寒, 當然第一時間就拎定暖爐出黎長開喇.

平時暖風機都會放埋一邊吹暖氣, 為左唔想兩兄弟掙最暖位置的舒適椅瞓, 所以拎埋haven的私家床放在暖爐前, 咁就可以一家都暖笠笠!!

又有晚將個暖風機放在我坐的sofa前, 無耐兩兄弟都走上黎瞓, 果然識搵好位...  (hugo個樣係唔順haven又走上黎阻住晒)

買蘭花迎新年

年廿九食過團年飯就同黃生去花墟湊熱鬧, 最想去買返盤靚蘭花過年, 不過今年的蘭花真係無特別平喇, 但都買到我心目中想要的.

依款淡粉紅配鮮紅芯的蘭花, 初初覺得唔夠平, 但好開心買左返去越睇越喜歡, 咁就覺得值返晒. $138/  唔包盤.




真係越睇越靚^^

另外還揀左款做promote的紫紅色蘭花, 夠鮮艷增添生氣!  $100/ 2棵唔包盤

 

免家族拜年

今年新年有好多免家親友拜年, 真係好熱鬧, 就算屋企細細都迫得特別開心!



原來前一晚, Brown Rabbit Sister & Mother 好勞力佈置迎接新一年的來臨.




年廿九時, 兔一家行花市時, 買左盤五代同堂返屋企, Brown Rabbit Grandpa & Sister 放好位置裝飾.

新一年, 長輩當然派利是比小朋友, 希望佢地身體健康, 學業進步!!

 

而小朋友最開心都係食美味的糖果.

新一年祝各位BLOG友仔, 身體健康, 心想事成, 龍年行大運!!

Brown Rabbit Family 盤菜團年飯

今年Brown Rabbit Family 一家齊齊整整食團年飯, 真係好開心呀!!





重order左兩個好豐富的盤菜, 希望一家兔食得滿足!!

痕左好耐, 終於拎森林家族出黎影下相, 最近見到有款盤菜扭蛋, 好啱團年飯用, 內裡食物重好豐富, $10/隻好抵玩!
另外終於開埋Brown Rabbit Family,  佢地的植毛比較長, 摸上手特別順滑.
重有開埋新買回來的 Sycamore Cottage , 即係可以拆上層的小紅屋, 地面大點方便砌場景.

意八餐廳

玩完一日海洋公園, 返黃大仙搵餐廳, 試間無咁多人的, 其實都有點冒險, 不過都試試看吧.

茄汁豬扒意粉 - 比想像中好味, 我一向麻麻地依款食物的, 但佢做得比普通餐廳好, 有香濃芝士, 用上鮮番茄製成, 好味.



白汁蜆肉扁意粉 - 雖然蜆肉細到睇唔到, 但都是好味的, 尤其香菇.

特濃芝士焗玉子 - 正, 可以自己試下整wor.

 

蒜蓉焗田螺 - 香口好味!





就連 焗青口 都一樣好味!

焦糖燉蛋布甸 - 樣子麻麻, 燒得唔夠濃, 但表面都有脆焦糖, 亦有蛋香.

3個人唔大食份量剛好, 最重要味道不錯, 而且重好抵, 只食左$15x/

Ocean Park 巡新水族館

18/1 第一日放新年假, 約埋奶奶決定去Ocean Park睇新開的水族館, 其實都開左一段時間, 等到依家有假先去, 原本諗住想避開內地的同袍架, 因為好多朋友去玩都有好多唔好的經歷, 都係打尖的問題等, 可惜我的推測錯了, 以為佢地新年多數唔得閒, 點知都有唔少內地團, 重加上一堆小學雞, 實在係預測唔到, 點都好, 雖然都有點麻煩, 但保持心境開朗, 都可以玩得開心!

有朋友話新水族館無以前咁好, 其實我覺得都唔太差, 雖然無左以前的大水缸, 但變多個小水缸同幾種不同SIZE的大缸都好有觀賞性的.


我睇得真係特別開心, 見到咁多色彩繽紛的coral同熱帶魚, 令我回想好多在馬國浮潛的片段, 尤其見到依條小鯊魚!! 特別興奮!

 

好驚呀, 依隻蜘蛛蟹真係好大隻架, 大到自己好似睇緊異形咁, 咁大個女, 真係第一次親身見咋.

黎海洋公園當然會去探安安, 佳佳, 佢地好精靈, 一個攤到大字形, 一個就好努力係咁食.

 

起腳想打交

就係佢喇, 佢係侏儒猴, 只有手掌再細點, 看佢動作體形都可愛到不得了, 真係好想養返隻.... 得個想字.

依D就係食人魚, 睇見有點毛骨悚然.

咁多年睇咁多次海洋劇場都唔會悶!! 真係好想同dolphin一齊暢遊!!

集中精神等人拋魚食

食到竟然自己玩一輪魚先食, 真識自娛.




永遠都咁靚的水母.

 

玩到天黑都係第一次

以上都係黃生用Canon 550D大機影, iso光圈大影得特別easy.
以下係我用Panasonic 防水相機影, 唔pass的相比較多, 但顏色真唔錯.

 

當我影侏儒猴, 初時佢背背比較大, 但影耐些少原來係揹住係b仔, 好得意呀!!

(capture by iphone 4s as below)

 

依家海洋公園都增添左唔少禮品比人選購, 自己都買小小戰利品, 左邊係磁石裝飾, 右邊隻dolphin會轉七彩色好靚架.

開心的一天完.