上星期我足足病足一星期, 病到死死下都返足工無請假, 都係因為我公司無病假, 要放就扣大假, 打工仔無計喇.
不過我有公德帶口罩架, 反而發覺依家好多人病左都唔會帶, 公司同公共交通工具的空氣調節唔好, 一有人病就好易傳染, 希望大家都有公德喇, 唔好淨係SARS時先為自己而帶, 應該都要為免傳染人而帶麻.
講返病, 病左食藥唔好, 唔夠兩日又睇過醫生, 個人辛苦唔在講, 醫藥費先貴, 睇兩次就要6百幾, 公司又只係claim到一半都無, 依家什麼物質同消費都不斷加價, 以前睇醫生扣埋claim左的錢都係比幾十元, 但依家加價加到真係離晒鋪, 對上一次無得選擇下睇左個無愛心的醫生, 人地在市區地段都只係收$220, 但我睇開依個醫生只係屋村商場醫生, 係咪又係領匯定連鎖式診所關係呢, 唔係佢睇得我好, 我真係想轉醫生lor.
無奈之下, 我依個c奶仔真係要變通, 以前聽人話去藥房配藥就聽得多, 今次自己都試下, 發覺藥房d人都好醒, 一睇無藥的藥袋上的藥名就已經知係邊隻藥, 埋單重驚喜, 我買定幾日消炎藥看門口, 埋單都只係一蚊一粒, 真係估唔到可以咁平, 可想而知, 診所食水有幾深...雖然醫生賺係應該, 不過太貴就過份吧.
依家依個生活環境, 我地搵得唔多的人已經無咩剩, 收入再底的人又會點生活呢....-_-
我都係架....因為我早幾年前, 經常發冷和感冒, 總之公司有一個同事生病, 當日我都一定受感染. 身體好差. 無可能次次去睇醫生, 我咪睇咗第一次之後, 留起D藥名, 去藥房配定藥, 感冒咪食囉.
回覆刪除我公司有病假, 但無津貼, 你有津貼, 就無病假, 依家睇一次醫生過200, 如果仲要覆診又唔見200....真係一病就等於同醫生打工....
[版主回覆01/17/2012 13:26:38]嘩, 間中醫咁有趣, 就咁掛藥在門口任人拎都得, 唔怕人整古都真係怕自己拎錯... 我自己就係連人地煲埋藥都覺麻煩, 要睇完, 再轉頭返去飲, 實在無咁多心機時間, 最好都係自己保重身體, 真係唔想睇醫生好似供會咁.
[創意小屋回覆01/17/2012 10:34:53]我就係無恆心, 又怕麻煩. 好多人都叫我睇中醫, 不過我又懶去煲藥. 我知有D中醫會幫心煲埋藥, 我之前間公司連抽時間去飲藥都無...晚晚要到人地關門, 將D藥掛係門口, 自己去攞...又怕攞錯, 所以都無再去睇LU....好彩近兩年身體好返D, 唔會咁容易病.
[版主回覆01/16/2012 13:10:34]你似要中醫調理身體, 我以前都睇過, 不過比西醫重貴而且唔係睇一兩次就得, 如果你有肯心介紹你去工聯會睇中醫, 佢收得唔貴, 而且好有效, 我同事針灸陳年舊患真係針得好, 當然佢都睇左大約一個月, 一星期睇幾日咁, 不過真係要好有肯心.
你都慘D, 比我另原要津貼, 估唔到依家重有依D公司, 不過買定藥看家都好, 有咩小小唔妥就食定, 唔係就好似你話份糧都唔夠貼.
我都睇完西醫唔得，轉睇中醫，煲左幾日藥好左好多。西藥食到覺人好吽，中藥好似精神d。
回覆刪除[版主回覆01/17/2012 14:08:44]係呀, 西藥治標唔治本, 中醫就係根治調理身體為先, 實在想身體好係要睇中醫, 可惜我真係懶人一名, 第時老左就知味道架喇. -_-''
病真是好慘，食又無好食，又辛苦同駛錢，大家保重身體。
回覆刪除[版主回覆01/20/2012 01:24:58]係呀, 希望大家都身體健康!!