一家四口的生活, 森林家族的世界.: 4月 2012

2012年4月30日星期一

RICOH GRD4 試影

黃生對相機的熱愛都有不少及不同喜好, 咁多年來購買的相機都有不少, 雖然唔係好似人地買貴價機, 但選擇得都有佢獨特之處.
今次黃生自己揀選了一部玩菲林味道與突出不同風格的相機 "RICOH GRD4".
以下相片都係由黃生拍攝, 相片效果比我相像中有感覺有味道.

依張算係正常對比的相片, 比起以上的獨特風格, 後者實在突出藝術感.

以下每款相片用多種效果一次拍攝, 係我較喜歡的function.

玩味十足, 啱晒想玩多種效果及懷舊感覺!

2012年4月29日星期日

雨傘自動販賣機, 抺茶紅豆泡芙

昨天逛沙田, 經過火車站時見到有部縮骨遮販賣機, 記得黃生把遮都開始損耗, 就送把比佢.

幫黃生揀左隻翡翠色, 即係寶藍色, 原先黃生揀芥末黃, 但我覺得o個款色無咁靚亦唔多襯佢. 攪到比人話假民主...:P

依款係日本產品, sale多種優點, 輕身只有210g (不過比我用開把遮都係重d), 極強防颱風 (真係要搵次試下先知係咪咁犀利), 防割手設計, 重有180日保養等.
$78/ 都值得買黎試.

販賣機對面有間CHOUX CREME 賣puff, 有我喜歡的抺茶紅豆味, 即買黎試.
味道不錯, 抺茶味有應有的微甘味, 紅豆夠甜, 係最好的配搭!
另外亦試了cream burlee 味, 都不錯.

隔離還有間甜品店, 蛋糕造型十分精緻, 不過始終覺得好睇未必好食.

晚上去了IKEA買野, 多次經過都好喜歡這款土耳其款式地毯, 不過冬天過了, 家中又有兩貓兄弟, 打理都係一大問題, 都係要考慮清楚.

玩森林家族以來, 真的認識了不少好好的朋友, 早期時的好友小其好事近了, 新居亦裝修得8899, 所以今次邀請我與另一好友SUE一齊參觀新居.

原來小其當年好記得我個飾櫃, 亦參照一些優點而建造所有玩森林家族的朋友都想擁有的大飾櫃, 看見的效果亦十分美觀, GRAND HOTEL係最重要及最宏偉的, 只要一看見已經十分吸引, 視覺亦令人覺得好GRAND! 有這樣一個大櫃, 日間幾辛勞工作, 一回到家看見自己的收藏都變得賞心悅目, 即刻回到自己的小天地, 開心的森林世界呢!!

書房內亦有一個展示櫃, 雖未完成佈置但深色的櫃令人覺得十分突出森林家族的佈置!!

開心留影合照!! ^^

送給小其的結婚禮物, MUSIC BOX名稱為"友誼永固", 實在好適合我們的關係!!

祝小其新婚甜蜜, 開心擴大森林世界!! ^^

2012年4月22日星期日

燒了幾天

差不多成個星期都無上網寫BLOG, 因為又病了, 今次發燒還燒了幾天, 實在好辛苦, 原本在一個星期前食了點藥好了點, 點知星期3晚返發, 星期四開始發燒, 晚上即去睇醫生, 星期五要請病假了, 到星期六仍未好起來, 差點以為要入院呢.
好在到昨天終於退燒了, 食了多日藥, 試過食到嘔, 連皮膚也敏感起來, 實在係好辛苦的一次大病, 希望自己唔好再病了!!

再臨東京 - last day 12APR12

終於到最後一天, 今日只有半日時間就要到機場了, 雖然多日來已行到廢腿, 但都十分不捨得呢!
最後一日特別在酒店食早餐, 可順便欣賞靚景.

食物都不是太多款式.

最後一天天氣非常好, 令我更唔捨得.

今天目的只有一個, 就係去bic camera睇有無4 月的森林家族新品,

皇天不負有心人, 前一日在森林家族廚房忍手無買, 今日終於可在bic camera見到新品了, 實在好lucky!! 還比前者便宜1千多yen架.

本來之前都諗住買埋toy shop & candy shop, 不過見實物又覺得普通, 都係下次先買喇.

還見到新品洋房, 真係好大間, 我當然唔敢拎走喇, 而且間屋與lighting house太相似喇, 都係考慮下先.

最終只帶supermarket一齊上機回香港, 到機場又食杯香滑雪糕.

今次坐JAL的飛機餐, 確實不錯, 食物精緻之餘, 味道亦幾好, 重有HAAGEN-DAZS 雪糕, 幫我在這次旅程劃上完美句號.

祈待下次日本之旅...

2012年4月16日星期一

再臨東京 - 越谷市森林家族廚房 11APR12(2)

天開始黑了, 終於來到森林家族廚房.
本身今次咁遠來都係為了買大屋, 來到前都十五十六未決定, 來到後發現無貨都鬆了一口氣, 算係比自己一個目標, 希望下次可以同黃生來幫我搬大屋喇...HAHA

越谷市的森林家族廚房外表與 LALAPORT的差不多, 但今個TRIP到台場的OUTLET又發覺貨品種類反而比此處多, 所以我都無什麼特別買的產品呢.